გაზარდეთ მძიმე სამუშაოების ეფექტურობა ჩვენი ახალი, 3.5-დან 5.0 ტონამდე
ტვირთამწეობის ელექტრო დამტვირთველებით.
აღმოაჩინე ახალი Toyota Traigo 80
Electric forklift trucks
A counterbalanced truck is ideal to use when handling heavier loads. The truck counterbalances the weight of the load on the forks with a weight in the rear end of the truck, which increases the stability and driver safety. Toyota Traigo electric counterbalanced forklift trucks are available with different battery capacities and lift capacities from 1000 kg up to 8000 kg. Since the trucks are battery driven, they’re suitable for both indoor and outdoor usage.
იპოვეთ თქვენს საქმიანობაზე მორგებული ელექტრო დამტვირთველი
6 მარტივი ნაბიჯი საუკეთესო მოდელის შესარჩევად:
- გადაადგილება
- ტვირთის დამუშავება
- პალეტის ტიპი
- მანევრირება
- აწევა
- სპეციფიკური მოთხოვნები
წაიკითხეთ გზამკვლევი და მარტივად იპოვეთ თქვენს საქმიანობაზე მორგებული ელექტრო დამტვირთველი:
ტვირთის მარტივი და უსაფრთხო გადაადგილება
ჩვენი 3 და 4-ბორბლიანი ელექტრო დამტვირთველები საუკეთესო დამხმარეა შენობის შიგნით თუ გარეთ მუშაობისას. Traigo-ს სერია მაღალი წარმადობით, შესანიშნავი ხილვადობით, მარტივი მანევრირებითა და ინტუიციური მართვით გამოირჩევა.
სამუშაო პროცესების სრული კონტროლი Toyota SAS-ის დახმარებით
აქტიური სტაბილურობის სისტემა (SAS) Toyota Traigo-ს ყველა მოდელის საბაზისო კომპლექტაციაში შედის. ეს ტექნოლოგია უკვე 20 წელზე მეტია, რაც ბაზარზე უნიკალურია და საიმედოდ იცავს როგორც ტვირთს და ტექნიკას, ისე თავად ოპერატორს. სისტემა ხელს უწყობს საწყობის პროდუქტიულობის გაზრდას და ამცირებს საექსპლუატაციო ხარჯებს.
ტვირთთან მუშაობისას უსაფრთხოება და თავდაჯერებულობა უმნიშვნელოვანესია. Toyota-ს კონტრბალანსური დამტვირთველის მართვისას ოპერატორი თავს მუდამ დაცულად გრძნობს, რადგან ტოიოტას უსაფრთხოების სისტემა (SAS) მყისიერად რეაგირებს ნებისმიერ საფრთხეზე და არ აძლევს ტექნიკას სახიფათო მანევრის შესრულების საშუალებას.
მუშაობის ძირითადი პარამეტრების მუდმივი კონტროლით საგრძნობლად მცირდება შესაძლო ინციდენტების რისკი და იზრდება პალეტების გადაადგილების სიჩქარე. ეს ოპერატორს საშუალებას აძლევს, მთელი დღის განმავლობაში მაქსიმალურად კონცენტრირებული და პროდუქტიული იყოს.
უსაფრთხო უკუსვლა და შეჯახების რისკების თავიდან აცილება
გსურთ აამაღლოთ უსაფრთხოების სტანდარტები თქვენს საწყობში? ახალი კონტრბალანსური დამტვირთველის აღჭურვა შესაძლებელია ოპერატორის დამხმარე სისტემით SEnS+ (Smart Environment Sensor). ეს მოწყობილობა მაქსიმალურად ამცირებს შესაძლო ინციდენტებისა და დაზიანებების ხარჯებს.
სისტემის მუშაობის პრინციპი:
- უკუსვლის დროს სტერეოსკოპული კამერა აფიქსირებს დამტვირთველის უკან მყოფ ადამიანებსა თუ ობიექტებს.
- საფრთხის აღმოჩენისას SEnS+ გამოსცემს ხმოვან და ვიზუალურ გაფრთხილებას, საჭიროების შემთხვევაში კი ავტომატურად ზღუდავს ტექნიკის მოძრაობის სიჩქარეს.
- გაჩერებულ მდგომარეობაში სისტემა ბლოკავს ტექნიკის დაძვრას, თუ მის უკან რაიმე დაბრკოლება ფიქსირდება.
- ჭკვიანი ტექნოლოგია ითვალისწინებს მოძრაობის სიჩქარესა და მოხვევის კუთხეს, რის მიხედვითაც ავტომატურად არეგულირებს კონტროლის არეალს.
ენერგოეფექტურობა და საიმედო მუშაობა
ჩვენს ელექტრო დამტვირთველებზე მომხმარებელს ენერგიის სხვადასხვა წყაროს ვთავაზობთ. შეგიძლიათ, შეარჩიოთ ტრადიციული ტყვია-მჟავის ან თანამედროვე ლითიუმ-იონის ბატარეები.
ლითიუმ-იონის ტექნოლოგია სულ უფრო პოპულარული ხდება, რადგან ის მუდმივად ინარჩუნებს მაქსიმალურ სიმძლავრეს, 30%-ით უფრო ენერგოეფექტურია და შუალედური დატენვის საშუალებას იძლევა.
ჩვენი მრავალწლიანი გამოცდილება და საკუთარი წარმოების ათასობით ლითიუმ-იონის ბატარეა ამ ტექნოლოგიის საიმედოობის საუკეთესო დასტურია.
FAQ & სასარგებლო რჩევები
ამ განყოფილებაში მოცემულია ელექტრო კონტრბალანსურ დამტვირთველებთან დაკავშირებული ხშირად დასმული კითხვები და პასუხები.
ელექტრო კონტრბალანსური დამტვირთველების გამოყენება
რა უპირატესობები აქვს ელექტრო კონტრბალანსურ დამტვირთველს?
ელექტრო დამტვირთველს რამდენიმე ძირითადი უპირატესობა აქვს:
- მუშაობისას მავნე გამონაბოლქვს არ გამოყოფს;
- ლითიუმ-იონის ბატარეა ექსპლუატაციის ხარჯებს ამცირებს;
- ლითიუმ-იონის ბატარეას რეგულარული ტექნიკური მოვლა არ სჭირდება;
- ტექნიკა გამოიყენება როგორც შენობაში, ისე ღია სივრცეში.
გამოიყენება თუ არა ელექტრო დამტვირთველი შენობაში?
დიახ, ელექტრო კონტრბალანსური დამტვირთველი მუშაობისას მავნე გამონაბოლქვს არ გამოყოფს, ამიტომ დახურულ სივრცეში გამოსაყენებლადაც გამოდგება.
საწყობებსა და საწარმოებში იატაკი უმეტესად სწორი და გლუვია, რაც ტექნიკის გადაადგილებას ამარტივებს. სპეციალური საბურავები ზედაპირზე ნაკვალევს არ ტოვებს. ეს განსაკუთრებით საყურადღებოა კვებისა და სამედიცინო მრეწველობის ობიექტებში, სადაც სისუფთავისა და ჰიგიენის მკაცრი მოთხოვნები მოქმედებს.
გამოიყენება თუ არა ელექტრო დამტვირთველი ღია სივრცეში?
დიახ, ელექტრო კონტრბალანსური დამტვირთველი გარე სამუშაოებისთვისაც გამოიყენება. ასეთ გარემოში საჭიროა გამძლე და სტაბილური ტექნიკა, რომელსაც სხვადასხვა ტიპის ზედაპირზე გადაადგილება შეუძლია, მათ შორის:
- უსწორმასწორო საფარზე;
• დაბინძურებულ გზაზე;
• სველ ბეტონზე.
დახურული კაბინის მქონე ოთხთვლიანი ელექტრო დამტვირთველი სველ ამინდშიც სტაბილურად გადაადგილდება, ხოლო კაბინა ოპერატორს წვიმისა და ქარისგან იცავს.
მოქმედებს თუ არა არათანაბარი იატაკი და პანდუსი დამტვირთველის სტაბილურობაზე?
დაზიანებულ ან არათანაბარ ზედაპირზე გადაადგილებისას ტექნიკის მართვა რთულდება და ტვირთის გადმოცურების რისკი იზრდება. მოვლილი იატაკი კი ამცირებს ტექნიკის ცვეთასა და სარემონტო ხარჯებს, ოპერატორს კი მუშაობისთვის უკეთეს პირობებს უქმნის.
პანდუსზე გადაადგილება განსაკუთრებულ სიფრთხილეს მოითხოვს. დატვირთული დამტვირთველის ჩანგლები და ტვირთი ყოველთვის აღმართისკენ უნდა იყოს მიმართული. გადაყირავების რისკის შესამცირებლად, ტექნიკამ პანდუსის კიდიდან უსაფრთხო მანძილზე უნდა იმოძრაოს.
რა ტიპის ენერგიის წყაროთი მუშაობს ელექტრო დამტვირთველი?
Toyota-ს ელექტრო დამტვირთველებისთვის ხელმისაწვდომია სამი ტიპის ენერგიის წყარო:
• ტყვიამჟავა ბატარეა;
• ლითიუმ-იონის ბატარეა;
• სათბობი ელემენტი.
ლითიუმ-იონის ბატარეის დატენვა სამუშაო დღის განმავლობაში, მაგალითად, ცვლებს შორის შესვენების დროსაც შეიძლება. ტყვია-მჟავა ბატარეას დატენვის ციკლების შეზღუდული რაოდენობა აქვს, ამიტომ მისი დამუხტვა რეკომენდებულია მაშინ, როდესაც მუხტის დონე დაახლოებით 20%-მდე დაიწევს.
როგორ უნდა შეირჩეს Toyota-ს 48-ვოლტიანი დამტვირთველი – სტანდარტული თუ ინტეგრირებული ლითიუმ-იონის ბატარეით?
Toyota Traigo48 სერიის სტანდარტული მოდელები მუშაობს როგორც ტყვია-მჟავა, ისე ლითიუმ-იონის ბატარეაზე. ამავე სერიაში შედის Traigo_i, რომელიც თავიდანვე ინტეგრირებული ლითიუმ-იონის ბატარეისთვის შეიქმნა.
Traigo_i ოპერატორის კომფორტზეა გათვლილი და გამორჩეული ერგონომიკა აქვს. კომპაქტური ბატარეა კორპუსშია ინტეგრირებული, ამიტომ კაბინა უფრო ფართო და კომფორტულია, ენერგიის მოხმარება კი ნაკლებია. ეს მოდელი კარგი არჩევანია ობიექტებისთვის, სადაც სამუშაო ერთი ან ორი ცვლის განმავლობაში მიმდინარეობს.
სამცვლიანი და მაღალი ინტენსივობის სამუშაოებისთვის უმჯობესია სტანდარტული 48 ვოლტიანი Traigo. მასზე უფრო მაღალი ტევადობის ლითიუმ-იონის ბატარეის დამონტაჟება შეიძლება, რაც ხანგრძლივი სამუშაო ციკლისთვის უფრო ხელსაყრელია.
როდის ჯობს 90 ვოლტიანი ელექტრო დამტვირთველი 80 ვოლტიან მოდელს?
Toyota Traigo80 ხელმისაწვდომია 80 და 90 ვოლტიანი ვერსიებით. 90 ვოლტიანი მოდელი განკუთვნილია სამუშაოებისთვის, სადაც გადაადგილებისა და ტვირთის აწევის მაღალი სიჩქარე ან სწრაფი აჩქარებაა საჭირო. ასეთი პირობები ხშირად გვხვდება ინტენსიური დატვირთვისა და გადმოტვირთვის დროს.
მეტი სიმძლავრის გამო, 90 ვოლტიანი მოდელი ფერდობზეც უფრო ეფექტურად გადაადგილდება. მაღალი წარმადობის ძრავს IP54 დაცვის კლასი აქვს, ამიტომ ტექნიკის გამოყენება შესაძლებელია როგორც სველ, ისე მტვრიან გარემოში.
ტვირთის გადატანა და პალეტების დასაწყობება
რა უნდა გავითვალისწინოთ ტვირთის ზომების შეფასებისას?
ტვირთები ერთმანეთისგან ზომითა და ფორმით განსხვავდება, ამიტომ პალეტი ან სატვირთო პლატფორმა მისი სიგრძისა და სიგანის მიხედვით უნდა შეირჩეს. გრძელი ტვირთის შემთხვევაში დატვირთვის ცენტრი ჩანგლების წვერისკენ ინაცვლებს, რის გამოც დამტვირთველის ტვირთამწეობა მცირდება. ტვირთის გაბარიტები მოსაბრუნებლად საჭირო სივრცეზეც მოქმედებს.
რა არის ჩანგლების პოზიციონერი (fork positioner)?
ჩანგლების პოზიციონერი მათ შორის მანძილს ცვლის. ოპერატორი ჩანგლებს პალეტის ან სატვირთო პლატფორმის სიგანეს კაბინიდანვე უსადაგებს, რაც ტვირთის აღებას უფრო სწრაფსა და ზუსტს ხდის.
დამატებითი მოწყობილობის წონა და ზომა დამტვირთველის ტვირთამწეობას ამცირებს და მოსაბრუნებლად საჭირო სივრცეს ზრდის. საჭიროების შემთხვევაში პოზიციონერს ჩანგლების გვერდითი გადაწევის მექანიზმიც ემატება.
რა არის ჩანგლების გვერდითი გადაწევის მექანიზმი (sideshift)?
ეს არის დამატებითი მოწყობილობა, რომელიც ჩანგლებს მარჯვნივ ან მარცხნივ გადაადგილებს. მისი დახმარებით ოპერატორი ჩანგლების მდებარეობას მთელი დამტვირთველის გადაადგილების გარეშე ასწორებს. ეს განსაკუთრებით გამოსადეგია პალეტის თაროზე ზუსტად განთავსებისას.
მოწყობილობის დამატება დასაშვებ ტვირთამწეობასა და მოსაბრუნებლად საჭირო სივრცეზე მოქმედებს, ამიტომ მისი შერჩევისას ტვირთის წონა და სამუშაო ადგილის ზომები წინასწარ უნდა შეფასდეს.
რა ხდება, როდესაც ტვირთი პალეტის ფარგლებს სცდება?
ზოგჯერ ტვირთის სიგრძე ან სიგანე პალეტის ზომებს აღემატება და მისი ნაწილი კიდეებს სცდება. ასეთ დროს იზრდება ტვირთის დაზიანების, ჩამოვარდნისა და გვერდით განთავსებულ ნივთებთან შეჯახების რისკი.
რისკის შესამცირებლად უნდა შეირჩეს შესაბამისი ზომის პალეტი ან სატვირთო პლატფორმა. ასევე საჭიროა ტვირთის თანაბრად განაწილება და საიმედოდ დამაგრება.
რით განსხვავდება პალეტების ტიპები?
პალეტი დამტვირთველით ტვირთის გადასაადგილებლად ყველაზე ხშირად გამოყენებული სატვირთო პლატფორმაა.
ევროპაში ფართოდ გამოიყენება 1200 × 800 მმ ზომის ხის პალეტი, რომელშიც ჩანგლები ოთხივე მხრიდან შედის. გვხვდება ისეთი პალეტებიც, რომლებსაც ჩანგლების შესაყვანი ღიობები მხოლოდ ორი მხრიდან აქვს.
ყველა დამტვირთველი თითოეული ტიპის პალეტთან ვერ მუშაობს. ამიტომ ჩანგლების ზომებისა და პოზიციის შერჩევამდე უნდა შემოწმდეს პალეტის სიგრძე, სიგანე და ტვირთის გაბარიტები. გასათვალისწინებელია ისიც, სცდება თუ არა ტვირთი პალეტის კიდეებს, რადგან ასეთ შემთხვევაში დამტვირთველს მანევრირებისთვის მეტი სივრცე სჭირდება.
პალეტების გავრცელებული ზომები ქვეყნების მიხედვით განსხვავდება და ადგილობრივ სამუშაო პრაქტიკაზეა დამოკიდებული.
მობრუნების დიამეტრი და მანევრირება
როგორ განისაზღვრება სამუშაო დერეფნის საჭირო სიგანე?
სამუშაო დერეფნის საჭირო სიგანე მოდელისა და ტვირთის ზომების მიხედვით გამოითვლება. გაანგარიშებისას რამდენიმე პარამეტრი უნდა შეფასდეს:
- მობრუნების რადიუსი (Wa), ანუ მინიმალური რადიუსი, რომელიც დამტვირთველს მოსაბრუნებლად სჭირდება;
• ტვირთის სიგანე (b12) და სიგრძე (l6), რომლებიც მანევრირებისთვის საჭირო სივრცეზე მოქმედებს;
• დატვირთვის მანძილი (x), ანუ მანძილი წინა თვლების ცენტრიდან ჩანგლების წინა ზედაპირამდე;
• უსაფრთხოების დამატებითი სივრცე (a), რომელიც დერეფანში თავისუფალი მანევრირებისთვის ჩვეულებრივ 200 მმ-ს შეადგენს.
რა არის სამუშაო დერეფნის საჭირო სიგანე?
ეს არის მინიმალური სივრცე, რომელიც დამტვირთველს თაროებს შორის მოსაბრუნებლად, პალეტთან მისასვლელად და ტვირთის ასაღებად ან დასაწყობებლად სჭირდება.
რით განსხვავდება სამთვლიანი და ოთხთვლიანი დამტვირთველების მობრუნების რადიუსი?
სამთვლიან დამტვირთველს უფრო მცირე მობრუნების რადიუსი აქვს, ამიტომ ვიწრო დერეფნებში უფრო მოქნილად მოძრაობს. ოთხთვლიანი მოდელი კი მაღალი დატვირთვისას მეტი სტაბილურობით გამოირჩევა.
Toyota-ს 48 ვოლტიან სამთვლიან მოდელს ოთხთვლიანთან შედარებით დაახლოებით 140 მმ-ით ნაკლები მობრუნების რადიუსი აქვს. კომპაქტურ სამთვლიან ვერსიაში ეს მაჩვენებელი კიდევ დაახლოებით 100 მმ-ით მცირდება.
სად არის მითითებული დამტვირთველის მობრუნების დიამეტრი?
მობრუნების დიამეტრი თითოეული დამტვირთველის ტექნიკურ მონაცემებშია მოცემული. ამ მაჩვენებლის მიხედვით შეიძლება სხვადასხვა მოდელის შედარება და სამუშაო სივრცისთვის შესაბამისი ტექნიკის არჩევა.
რატომ უნდა გავითვალისწინოთ უსაფრთხოების დამატებითი სივრცე?
დერეფნის სიგანის გამოთვლისას დამატებით 200 მმ უნდა გაითვალისწინონ. ეს სივრცე ოპერატორს მოხვევისა და ტვირთის განთავსებისას შეცდომის მცირე მარაგს უტოვებს და თაროებთან ან სხვა ობიექტებთან შეჯახების რისკს ამცირებს.
პალეტების აწევა ელექტრო დამტვირთველით
როგორ განისაზღვრება აწევის მაქსიმალური სიმაღლე?
თავდაპირველად უნდა გაიზომოს ყველაზე მაღალი თარო, რომელზეც ტვირთი განთავსდება. მიღებულ მაჩვენებელს 150 დან 200 მმ მდე ემატება, რათა ჩანგლებმა თაროს სიმაღლეს გადააჭარბოს და ოპერატორმა პალეტის უსაფრთხოდ განთავსება შეძლოს.
რა არის დამტვირთველის ნომინალური ტვირთამწეობა?
ნომინალური ტვირთამწეობა არის მაქსიმალური წონა, რომლის აწევაც დამტვირთველს განსაზღვრულ სიმაღლეზე და დატვირთვის ცენტრის მითითებულ მანძილზე შეუძლია. ეს მაჩვენებელი თითოეული მოდელის ტექნიკურ მონაცემებშია მოცემული.
დატვირთვის ცენტრი არის ჰორიზონტალური მანძილი ჩანგლების ვერტიკალური ზედაპირიდან ტვირთის სიმძიმის ცენტრამდე. მისი სტანდარტული მნიშვნელობა ნომინალური ტვირთამწეობის მიხედვით იცვლება:
- 0 დან 1000 კგ მდე: 400 მმ;
- 1001 დან 5000 კგ მდე: 500 მმ;
- 5001 დან 10000 კგ მდე: 600 მმ.
რა არის ტვირთამწეობის კლებადობა?
ნომინალური ტვირთამწეობა მიუთითებს, რა წონის ტვირთის აწევა შეუძლია დამტვირთველს განსაზღვრულ სიმაღლეზე და დატვირთვის ცენტრის მითითებულ მანძილზე. თუ ტვირთი უფრო მაღლა უნდა აიწიოს ან მისი სიმძიმის ცენტრი ჩანგლებისგან უფრო შორსაა, დასაშვები ტვირთის წონა მცირდება. ამ განსხვავებას ტვირთამწეობის კლებადობა ეწოდება.
რატომ უნდა გავითვალისწინოთ კარისა და ჭიშკრის სიმაღლე დამტვირთველის შერჩევისას?
დამტვირთველმა ობიექტის ყველაზე დაბალ კარსა თუ ჭიშკარში თავისუფლად უნდა გაიაროს. ამის გასარკვევად საჭიროა ტექნიკის სახურავისა და დაშვებული ანძის სიმაღლის შემოწმება.
გასათვალისწინებელია თავისუფალი აწევის ფუნქციაც. თუ დამტვირთველს ეს ფუნქცია არ აქვს, ჩანგლების აწევასთან ერთად ანძის შიდა სექციაც მაღლა იწევა. ასეთ დროს ტექნიკის საერთო სიმაღლე იზრდება და დაბალ სივრცეში მუშაობა შესაძლოა გართულდეს.
მოქმედებს თუ არა დამატებითი აღჭურვილობა ტვირთამწეობის კლებადობაზე?
დამატებითი მოწყობილობა დამტვირთველის წონას ზრდის და ტვირთის სიმძიმის ცენტრს ჩანგლებისგან უფრო შორს სწევს. შედეგად, მცირდება ტვირთის მაქსიმალური წონა, რომლის უსაფრთხოდ აწევაც ტექნიკას შეუძლია.
განსაკუთრებული პირობების მქონე სამუშაოები
შეიძლება თუ არა დამტვირთველის გამოყენება მტვრიან ან სველ გარემოში?
მტვერმა და ტენმა შესაძლოა ტექნიკის ნაწილების მუშაობასა და ცვეთის სიჩქარეზე იმოქმედოს. ასეთ გარემოში დამტვირთველს უფრო ხშირი შემოწმება და ტექნიკური მოვლა სჭირდება. ამიტომ უნდა შეირჩეს მოდელი, რომელსაც მტვრისა და წყლისგან დაცვის შესაბამისი დონე აქვს.
როგორი დამტვირთველია საჭირო მრავალცვლიანი სამუშაოებისთვის?
რამდენიმე ცვლის განმავლობაში მუშაობისთვის საჭიროა მაღალი დატვირთვისთვის განკუთვნილი დამტვირთველი, რომლის დამუხტვაც დიდხანს არ გრძელდება. ამ პირობებში პრაქტიკული არჩევანია ლითიუმის იონის ბატარეით აღჭურვილი ელექტრო მოდელი.
მისი ნაწილობრივ დამუხტვა შეიძლება ცვლებს შორის შესვენებისას ან სამუშაოს სხვა თავისუფალ მონაკვეთში. ამის გამო დამტვირთველი დღის განმავლობაში ნაკლებ დროს ატარებს დამტენთან და სამუშაოც ხანგრძლივი შეფერხების გარეშე გრძელდება.
რა არის ანტიფეთქებადი დამტვირთველი?
ანტიფეთქებადი დამტვირთველი გამოიყენება გარემოში, სადაც აალებადი აირების, ორთქლის ან მტვრის გამო აფეთქების საფრთხე არსებობს. ტექნიკის კომპონენტები სპეციალურადაა დამუშავებული, რათა მუშაობისას ნაპერწკალი ან ზედმეტი სითბო არ წარმოიქმნას და აალების რისკი შემცირდეს.
როგორ მოქმედებს დაბალი ტემპერატურა დამტვირთველზე?
სამაცივრე სივრცე დამტვირთველისთვის რთული სამუშაო გარემოა. ნულს ქვემოთ ტემპერატურა ამცირებს ბატარეის ტევადობას და გავლენას ახდენს ელექტრონიკისა და საპოხი მასალების მუშაობაზე. თუ ტექნიკა ასეთ პირობებზე არ არის გათვლილი, იზრდება დაზიანებისა და დამატებითი სარემონტო ხარჯების რისკი.
სამაცივრე სივრცისთვის განკუთვნილი დამტვირთველი დაბალ ტემპერატურაზე სამუშაოდ საჭირო კომპონენტებითაა აღჭურვილი. მოდელის მიხედვით, მას შეიძლება ჰქონდეს სპეციალური სამაცივრე ზეთი და უჟანგავი ფოლადის ღერძები.
სად არის მითითებული დამტვირთველის აღმართზე ასვლის მაჩვენებელი?
დამტვირთველის შერჩევამდე უნდა შემოწმდეს, შეძლებს თუ არა კონკრეტული მოდელი ობიექტზე არსებულ აღმართებსა და ფერდობებზე გადაადგილებას. შესაბამისი მაჩვენებელი ტექნიკურ მონაცემებშია მოცემული და აჩვენებს მაქსიმალურ დახრილობას, რომელზეც ტექნიკას მოკლე დროის განმავლობაში ასვლა შეუძლია.
გასათვალისწინებელია არა მხოლოდ აღმართზე ასვლა, არამედ დატვირთული დამტვირთველის უსაფრთხოდ დაშვებაც. ამიტომ ფერდობის დახრილობასთან ერთად უნდა შეფასდეს ტვირთის წონა, ზედაპირის მდგომარეობა და დამუხრუჭების პირობები.
ანძის გზამკვლევი
გზამკვლევში განხილულია ანძის ძირითადი ტიპები, მათი მახასიათებლები და გამოყენების პირობები. ინფორმაცია კონკრეტული სამუშაო გარემოსთვის შესაფერისი ვარიანტის შერჩევას ამარტივებს.
დერეფნის სიგანის გზამკვლევი
სამუშაო დერეფნის სიგანე უმნიშვნელოვანესი ფაქტორია, რომელიც აუცილებლად უნდა გაითვალისწინოთ ახალი დამტვირთველის შეძენისას ან საწყობის დაპროექტებისას.
ტვირთამწეობის კლებადობის გზამკვლევი
გზამკვლევში განმარტებულია, როგორ იცვლება დამტვირთველის ტვირთამწეობა აწევის სიმაღლის, დატვირთვის ცენტრისა და დამატებითი აღჭურვილობის მიხედვით.
პალეტების გზამკვლევი
გზამკვლევში მოცემულია პალეტების ძირითადი ტიპები, ზომები და გამოყენების თავისებურებები. ინფორმაცია საჭიროა იმის დასადგენად, რომელი დამტვირთველი და ჩანგლები შეესაბამება პალეტისა და ტვირთის ზომებს.