Discover our product range
Simple search for quality forklift trucks.
ტვირთის დამუშავების მსოფლიო დონის სისტემები
2001 წლიდან Toyota Material Handling ტვირთის დამუშავების მიმართულებით მსოფლიოში ლიდერის პოზიციას ინარჩუნებს. ბიზნესების საჭიროებების გათვალისწინებით, კომპანია კონკრეტულ ამოცანებზე მორგებულ ინოვაციურ პროდუქტებს ქმნის. სწორედ ამ მიდგომის დამსახურებაა მრავალფეროვანი ასორტიმენტი, რომელიც ხელის ურიკებიდან სრულად ავტომატიზებულ სისტემებამდე ყველაფერს მოიცავს.
ქვეყნის მასშტაბით მოქმედი სერვისის ქსელი საოპერაციო პროცესების უწყვეტ და შეუფერხებელ მიმდინარეობას უწყობს ხელს. ამავდროულად, კომპანიის ყოველდღიურ საქმიანობას საფუძვლად უდევს Zero Muda ფილოსოფია, რომელიც მიზნად ზედმეტი დანაკარგების თავიდან აცილებასა და ეფექტიანობის მუდმივ ზრდას ისახავს.
ძირითადი სერვისები და მიმართულებები
დამტვირთველების ერთიანი ქსელი მეტი კონტროლისა და მოქნილობისთვის
ავტოპარკის ანგარიშგების წყალობით, ტექნიკის მუშაობის, ხარჯებისა და დატვირთვის ზუსტი მაჩვენებლები მუდმივად აღირიცხება. ერთიანი ციფრული პლატფორმა თავს უყრის სანდო მონაცემებს, რაც ხელს უწყობს სწორი სტრატეგიული გადაწყვეტილებების მიღებასა და საოპერაციო ეფექტურობის გაზრდას.
უფასო პროგრამა My Toyota ასახავს ავტოპარკის ზოგად მაჩვენებლებს და დეტალური ანგარიშების ფართო არჩევანს სთავაზობს მომხმარებელს. ამ ხელსაწყოს დახმარებით ტექნიკის რესურსი სრული დატვირთვით გამოიყენება.
I_Site სისტემა თითოეული დამტვირთველის მუშაობის სიღრმისეულ მონაცემებსა და ანალიტიკას აერთიანებს, რაც პროცესების სრულ კონტროლსა და გამჭვირვალობას განაპირობებს.
ავტოპარკის მართვის ამ თანამედროვე ხელსაწყოებით იზრდება პროდუქტიულობა, ეფექტურად კონტროლდება ხარჯები, უმჯობესდება უსაფრთხოების სტანდარტები და განსაკუთრებული ყურადღება ეთმობა გარემოსდაცვით მდგრადობას.
წაიკითხეთ ბლოგები
პროდუქცია
ვებგვერდზე განთავსებულ კატალოგში დამტვირთველების სრული ასორტიმენტია წარმოდგენილი. ჩამონათვალი მოიცავს როგორც რიჩ დამტვირთველებსა და ხელის ურიკებს, ისე შეკვეთების შემგროვებელ ტექნიკას.
მეორადი ტექნიკა
ხელმისაწვდომია განახლებული მეორადი დამტვირთველების ფართო არჩევანი. თითოეული მოდელი წინასწარ დეტალურად მოწმდება, რის გამოც ტექნიკა ყოველთვის გამართულად და საიმედოდ მუშაობს.
დამტვირთველების გაქირავება
საჭიროების შემთხვევაში, მომხმარებელს სასურველი ტექნიკის დაქირავება მცირე დროითაც შეუძლია.
Toyota-ს სერვისის კონცეფცია
Toyota Service Concept ტექნიკური მხარდაჭერის კარგად სტრუქტურირებული მოდელია. ეს მიდგომა სამუშაო პროცესების მუდმივ დახვეწასა და უმაღლესი სტანდარტების შენარჩუნებაზეა გათვლილი.
Toyota-ს დამტვირთველების ყიდვა და ქირაობა
საწყობის ტექნიკისა და დამტვირთველების ასორტიმენტი მოიცავს ხელისა და ელექტრო სატვირთავ ურიკებს, სტეკერებს, შეკვეთების ამკრეფებს, რიჩ დამტვირთველებს, ვიწრო გასასვლელის დამტვირთველებს, საბუქსირე საწევრებს, ასევე ძრავიან და ელექტრო კონტრბალანსურ დამტვირთველებს. აღნიშნული ტექნიკა ენერგიის სხვადასხვა წყაროთი იკვებება, შესაბამისად, ასორტიმენტში შედის ლითიუმ-იონის თუ ტყვია-მჟავა ბატარეებით და საწვავის ელემენტის ტექნოლოგიით აღჭურვილი მოდელები. ტრადიციულ ძრავიან ტექნიკასთან ერთად, კომპანია მომხმარებელს ინოვაციურ ავტომატიზებულ სისტემებსაც სთავაზობს.
აღნიშნული ტექნიკა ფართოდ გამოიყენება სხვადასხვა ინდუსტრიაში, მათ შორის სამაცივრე საწყობებში, საწარმოო ობიექტებზე, საცალო ვაჭრობის სექტორში, ლოჯისტიკასა და დისტრიბუციაში.
ძირითადი პროდუქციის გარდა, კომპანია მომხმარებელს დამატებით სერვისებსაც სთავაზობს, ესენია: ავტოპარკის მართვის სისტემა I_Site, ტექნიკის გაქირავება, მეორადი მოდელები და ტექნიკური მომსახურება. შესაძლებელია ორიგინალური სათადარიგო ნაწილებისა და სტელაჟების შეძენა. მომსახურება ასევე მოიცავს დაფინანსების მოქნილ პირობებსა და ოპერატორთა გადამზადების კურსებს.
ოპტიმიზებულ წარმოებაში დაგროვილი მრავალწლიანი გამოცდილების საფუძველზე, კომპანია ტვირთის დამუშავების ინოვაციურ და მაღალი ხარისხის ტექნიკას Toyota-ს საწარმოო სისტემის (TPS) პრინციპების მიხედვით აწარმოებს და ავრცელებს. უშუალოდ ამ მიდგომის უკეთ გასაცნობად კი Toyota Lean Academy-ს პლატფორმა ფუნქციონირებს.
გამოგვყევით
