გაეცანით ჩვენს ბოლოდროინდელ მიღწევებს მდგრადი განვითარების მიმართულებით და იმ ნაბიჯებს, რომლებსაც ცირკულარული ეკონომიკის სტრატეგიის შესაქმნელად ვდგამთ.
რეალური ღირებულების შექმნა დადგენილი ნორმების მიღმა
ათ წელზე მეტია, რაც ჩვენს ინდუსტრიაში მდგრადი განვითარების მიმართულებით მოწინავე პოზიციებს ვიკავებთ. ყოველდღიურად ახალ მიზნებს ვუსახავთ საკუთარ თავს, რათა შევინარჩუნოთ ლიდერობა როგორც უშუალოდ წარმოებაში, ისე მომწოდებლებთან და მომხმარებლებთან ურთიერთობაში.ზედიზედ ექვსი წელია, რაც EcoVadis-ის პლატინის რეიტინგს ვინარჩუნებთ. ამ მაჩვენებლით, მდგრადი განვითარების სფეროში მსოფლიოს 100 000-ზე მეტ კომპანიას შორის საუკეთესო 1%-ში შევდივართ.
„ნულოვანი ემისიისკენ მიმავალ გზაზე ვთანამშრომლობთ ჩვენს მომწოდებლებთან და მომხმარებლებთან. ერთობლივი ძალისხმევით ვქმნით ,მიწოდების ჯაჭვს და ვამცირებთ შესაძლო რისკებს. სხვებთან პარტნიორობა გვეხმარება ინოვაციური იდეების შემუშავებაში, კანონმდებლობით გათვალისწინებულ მოთხოვნებზე მეტის გაკეთებასა და იმის გააზრებაში, რომ მუდმივად გვაქვს განვითარების სივრცე.“
– ერნესტო დომინგესი, Toyota Material Handling Europe-ის პრეზიდენტი და გენერალური დირექტორი
ჩვენი მიზნები
- ნულოვანი გამონაბოლქვი – სათბურის აირების ნულოვანი ბალანსი Scope 1, 2 და 3 კატეგორიებში 2041 ფისკალური წლისთვის.
- ადამიანებზე ზრუნვა – 13 000-ზე მეტი თანამშრომლისა და ჩვენს ღირებულებათა ჯაჭვში ჩართული პარტნიორების კეთილდღეობის ხელშეწყობა.
- EcoVadis Platinum – პლატინის უმაღლესი რეიტინგი ზედიზედ 6 წლის განმავლობაში.
მიუხედავად იმისა, რომ მდგრადი განვითარების გზაზე კომპანიამ არაერთ წარმატებას მიაღწია, მიმდინარე ათწლეულში კიდევ უფრო დიდ ნაბიჯებს გადავდგამთ. ჩვენს პარტნიორებთან ერთად მიღწეული შედეგები გვაძლევს შესაძლებლობას, რომ კვლავაც ვუხელმძღვანელოთ ამ პროცესს ინდუსტრიაში. ჩვენი მიზანია არა მხოლოდ მივუახლოვდეთ კლიმატის გლობალურ მიზნებს, არამედ გადავაჭარბოთ კიდეც მათ, შევქმნათ ჯანსაღი და უსაფრთხო სამუშაო გარემო და დავნერგოთ მართვის კიდევ უფრო მაღალი სტანდარტები.
ჩვენი 2023 წლის მდგრადი განვითარების ანგარიში ეყრდნობა ევროპის მდგრადი განვითარების ანგარიშგების სტანდარტებს (ESRS) – ეს არის ახალი ჩარჩო ევროკავშირის მსხვილი კომპანიებისთვის. მიუხედავად იმისა, რომ ეს სტანდარტი ჯერ კიდევ არ არის სავალდებულო, ჩვენი მიზანი იყო, კანონის ამოქმედებამდე გავმხდარიყავით ამ მიდგომის პიონერები.
მსგავსი ანალიზი გვეხმარება არსებული ხარვეზების დროულად აღმოჩენასა და მდგრადი განვითარების პროცესების კიდევ უფრო დახვეწაში. ჩვენ გამოვყავით ის საკვანძო საკითხები, რომლებიც უმნიშვნელოვანესია ჩვენი საქმიანობისა და პარტნიორებისთვის და შესაბამისად განვსაზღვრეთ პრიორიტეტები.
დეტალური ინფორმაციისთვის შეგიძლიათ გაეცნოთ ჩვენს 2024 წლის მდგრადი განვითარების მიმდინარე ანგარიშს.
ნულოვანი ემისიები (Net Zero) Scope 1, 2 და 3 მიმართულებით 2041 ფისკალურ წლამდე
მუდმივი ზრუნვა 13000+ თანამშრომელზე
EcoVadis-ის პლატინის რეიტინგი - ზედიზედ 6 წელი
გარემო
ჩვენ მუდმივად ვცდილობთ, გადავჭრათ ეკოლოგიური პრობლემები და ვუხელმძღვანელოთ კლიმატის დაცვის ინიციატივებს. ვთანამშრომლობთ პარტნიორებთან და პასუხისმგებლობით ვეკიდებით ჩვენს გავლენას ბუნებაზე.
დეკარბონიზაციის პროცესის ხელშესაწყობად, მეცნიერებაზე დაფუძნებული მიზნების ინიციატივამ (SBTi) დაამტკიცა ჩვენი გეგმა, რომელიც 2041 წლისთვის Scope 1, 2 და 3 კატეგორიებში სათბურის აირების ნულოვან ბალანსს (Net Zero) ითვალისწინებს.
სოციალური პასუხისმგებლობა
ჩვენთვის უმნიშვნელოვანესია თითოეული ადამიანი, ჩვენი თანამშრომლები, მომწოდებლები თუ მომხმარებლები.
მას შემდეგ, რაც 2010 წელს შრომის უსაფრთხოებისა და ჯანმრთელობის ევროპულ სააგენტოს (EU-OSHA) შევუერთდით, ჯანმრთელობა, უსაფრთხოება და კეთილდღეობა ჩვენს უმთავრეს პრიორიტეტად იქცა. 2024 წლის ოქტომბერში განვაახლეთ მრავალფეროვნების, თანასწორობისა და ინკლუზიურობის (DE&I) პოლიტიკა, რათა ყველასთვის თანაბარი შესაძლებლობები შეგვექმნა.
მართვა
საქმიანობისა და ღირებულებათა ჯაჭვის ყველა ეტაპზე სწორი პოლიტიკის, გამართული პროცესებისა და ეთიკური ბიზნესკულტურის დამკვიდრება ჩვენთვის გადამწყვეტია.
მომწოდებლებისთვის შემუშავებული მდგრადობის ახალი კრიტერიუმებით, რომლებიც ეყრდნობა EcoVadis-ის სისტემას, ჩვენ ვცდილობთ ვიმუშაოთ ღიად, გამჭვირვალედ და კიდევ უფრო ავამაღლოთ არსებული სტანდარტები.