ვიწრო გასასვლელის დამტვირთველები
ვიწრო გასასვლელის დამტვირთველები (VNA) სპეციალურად მაღალი სიმჭიდროვის საწყობებსა და სადისტრიბუციო სივრცეებში მარაგების შესავსებად და შეკვეთების ასაგროვებლად არის შექმნილი. მაღალი სიმჭიდროვე ნიშნავს, რომ მხოლოდ გასასვლელების სიგანის შემცირებით ბევრად მეტი ტვირთის განგანთავსებაა შესაძლებელი, რაც საწყობის ფართობის მაქსიმალურად ათვისებას უწყობს ხელს. Toyota-ს ვიწრო გასასვლელის დამტვირთველების უმეტესობას აქვს სახსრიანი შასი. მისი განსაკუთრებული სტაბილურობისა და მანევრირების წყალობით, ეს სერია იდეალურია ძალიან ვიწრო გასასვლელებში მუშაობისთვის. ამ მოდელების ტვირთამწეობა 1000-დან 1500 კილოგრამამდე მერყეობს და ისინი როგორც მიმმართველი რელსებით, ისე კაბელით (ინდუქციური მართვით) გადაადგილდება.
როგორ არის შესაძლებელი რთული სამუშაოს გამარტივება ვიწრო დერეფნებში?
ვიწრო სივრცეში გადაადგილება და ტვირთის დიდ სიმაღლეზე ატანა დიდ ძალისხმევას მოითხოვს. ოპერატორებს ასეთ სპეციფიკურ გარემოში მუშაობისთვის სათანადო მომზადება სჭირდებათ. საბედნიეროდ, მათ ხელთ აქვთ სხვადასხვა ფუნქცია და ხელსაწყო, რომლებიც სამუშაო ცვლის განმავლობაში მათ საქმეს ამარტივებს.
უსაფრთხო სამუშაო გარემოს შექმნა პერსონალური დაცვის სისტემით (PPS)
პერსონალური დაცვის სისტემა ეხმარება Toyota BT Vector სერიის დამტვირთველებს, რომ გზაზე დაბრკოლების გაჩენისას ავტომატურად შეანელოს მოძრაობა და სრულად გაჩერდეს. ეს მექანიზმი მოიცავს ორ უსაფრთხოების სკანერს, რომლებიც დამტვირთველის წინა და უკანა ნაწილშია დამონტაჟებული.
დიდ სიმაღლეზე მუშაობისას ოპერატორს ქვედა სივრცის დანახვა უჭირს, რაც დამატებით რისკებს აჩენს. საფრთხის თავიდან ასარიდებლად, VNA დამტვირთველის წინა სკანერი სივრცეს გამაფრთხილებელ და გასაჩერებელ ზონებად ყოფს. შედეგად, საწყობის დერეფნებში ნებისმიერი ტიპის შეჯახების ალბათობა მინიმუმამდე დადის.
კაბინა კომფორტისა და უსაფრთხოებისთვის
ოპერატორი ტექნიკასთან დღის განმავლობაში ბევრ საათს ატარებს, ამიტომ მისთვის ერგონომიული გარემოს შექმნა პრიორიტეტულია. ამ მიზანს ემსახურება სავარძლის სპეციალური დიზაინი და ფერადი სენსორული ეკრანით აღჭურვილი მართვის პანელი, რომლებიც სამუშაო პროცესს საგრძნობლად აიოლებს და მძღოლს არ ღლის.
საქმის სწრაფად და უსაფრთხოდ დასაწყებად კაბინაში წინასწარი შემოწმების სისტემა და სმარტ წვდომის ფუნქციაა ჩაშენებული. პარალელურად, მუშაობისას მიმდინარე მონაცემების მუდმივი შეგროვება გუნდს ეხმარება, რომ დაკისრებული მოვალეობა მეტი ეფექტურობითა და რისკების გარეშე შეასრულოს.
კომპაქტური კაბინიდან ოპერატორი მარტივად ჩამოდის და ადის, ხოლო სურვილის შემთხვევაში მას შეუძლია ფეხზე მდგარმაც იმუშაოს.
ენერგიის დაზოგვა Toyota-ს მოწინავე სისტემით (ALS)
კაბინისა და ტვირთის ასაწევად საჭირო ენერგია 35%-მდე მცირდება Toyota-ს აწევის მოწინავე სისტემის დახმარებით. დაბალანსებული აწევის მექანიზმი, სადაც აირის რეზერვუარი დაკავშირებულია ჰიდრავლიკურ ცილინდრთან, ქმნის სრულად დახურულ ციკლს. სისტემის ზუსტი ელექტრონული მართვა კი ტექნიკის შეუფერხებელ და თანაბარ მოძრაობას განაპირობებს.
კაბინის დაშვებისას ენერგია გარდაიქმნება და აზოტი იკუმშება, რაც აირის წნევას ზრდის. შეკუმშული აირის სახით შენახული ენერგია შემდგომში ტვირთის მომდევნო აწევისას გამოიყენება.
როგორ გადაადგილდება Toyota-ს VNA ტექნიკა შეუფერხებლად ვიწრო დერეფნებში?
ნავიგაცია
პალეტების ადგილმდებარეობის პროგრამირების წყალობით, საწყობის ტექნიკა ითვლის ოპტიმალურ მარშრუტს ერთი წერტილიდან მეორემდე და ირჩევს ყველაზე მოკლე გზას. BT Vector სიჩქარეს აწევის სიმაღლის მიხედვით არეგულირებს, დაბალ სიმაღლეზე ის სწრაფად გადაადგილდება, ხოლო მაღალზე შედარებით ნელა.
დერეფნის ინდიკატორები
საწყობის ტექნიკა მოძრაობის სიჩქარეს სპეციალური ინდიკატორების მიხედვით არეგულირებს. სივრცის შუა ნაწილში დამტვირთველი თავისუფლად, მაქსიმალური სისწრაფით გადაადგილდება. თუმცა, დერეფნის ბოლოებში მანევრირება გაცილებით მეტ სიფრთხილეს მოითხოვს და სიჩქარის შემცირება აუცილებელია. ამიტომ ასეთ მონაკვეთებში დამუხრუჭებისა და გაჩერების ნიშნებია განთავსებული. დამტვირთველი მათ დამოუკიდებლად აღიქვამს, სვლას თანდათან ანელებს და ბოლოს უსაფრთხოდ ჩერდება.
ზონირება
გადაადგილებისას Toyota BT Vector VNA სერიის დამტვირთველი შენობის კონსტრუქციულ თავისებურებებს, მათ შორის ჭერის კოჭებსა თუ სავენტილაციო შახტებს მუდმივად ითვალისწინებს და ინფრასტრუქტურულ ბარიერებს უსაფრთხოდ უვლის გვერდს. ეს ყველაფერი ზონირების ფუნქციის დამსახურებაა. საწყობის დერეფნებში სპეციალური RFID ნიშნულებია განთავსებული, რომლებსაც მანქანაზე დამონტაჟებული სენსორები კითხულობს. მოწყობილობებს შორის ინფორმაციის უწყვეტი გაცვლის შედეგად ტექნიკა გარემოს დეტალურად აღიქვამს, რის გამოც ნებისმიერ დაბრკოლებასთან შეჯახების ალბათობა სრულად გამოირიცხება.
კომპანია Adveo და ვიწროდერეფნიანი თაროების უპირატესობები
Adveo-ს გამოცდილება
მოქნილობა და მაღალი პროდუქტიულობა – საუკეთესო შედეგი
ევროპულ ბაზარზე Adveo საოფისე ინვენტარისა და სერვისების წამყვანი სადისტრიბუციო კომპანიაა. განვითარების გარკვეულ ეტაპზე მათ დასჭირდათ პარტნიორი, რომელიც ახალი სასაწყობო პროექტის განხორციელებას საწყისი ეტაპიდან ბოლომდე უხელმძღვანელებდა.
როგორც კომპანიის მიწოდების ჯაჭვის დირექტორი რომენ ტენარი იხსენებს, მათი მთავარი საქმე შეკვეთების მომზადებაა. საწყობის მშენებლობის ტექნიკურ დეტალებში ჩაძიება მათ კომპეტენციას სცდებოდა, რადგან ამისთვის შესაბამისი საინჟინრო რესურსი არ გააჩნდათ.
მსგავსი გამოწვევის წინაშე მდგარი კომპანიისთვის საუკეთესო გამოსავალი Toyota-სთან თანამშრომლობა აღმოჩნდა. ბრენდმა პარტნიორს პროექტის დაგეგმვის, სპეციფიკაციების განსაზღვრის, ახალი სისტემის დანერგვისა თუ დაფინანსების ეტაპებზე აქტიური დახმარება გაუწია. ინოვაციური სასაწყობო სისტემების მეშვეობით, კომპანიამ მუშაობის პროცესში მეტი მოქნილობა შეიძინა და შეკვეთების დამუშავების ტემპი საგრძნობლად გაზარდა.