5 შეკითხვა, რომელიც კონტრბალანსური დამტვირთველის შეძენამდე უნდა დაისვას

წინასწარ შესაფასებელი ფაქტორები:

• ტვირთის წონა
• პალეტის ტიპი
• ტვირთის ზომა და ფორმა
• აწევის საჭირო სიმაღლე

რა თქმა უნდა, დამტვირთველის ტვირთამწეობა მოსალოდნელ მაქსიმალურ წონას უნდა აღემატებოდეს, თუმცა მხოლოდ ამ მონაცემის შემოწმება საკმარისი არ არის. 

კონკრეტულ სამუშაო გარემოში ტექნიკის რეალურ შესაძლებლობაზე ტვირთამწეობის კლებადობა მოქმედებს. ამ მაჩვენებელს რამდენიმე ფაქტორი განსაზღვრავს: ტვირთის წონა, ზომა, ფორმა, წონის გადანაწილება, თაროების სიმაღლე და დამატებითი აღჭურვილობის გამოყენება.

სიმძიმის ცენტრის ცვლილებასთან ერთად ტვირთამწეობის კლებადობაც იზრდება. ამის გამო, ტექნიკის შეძენამდე რეალურად საჭირო პარამეტრების ზუსტი გაანგარიშება აუცილებელია.

წინასწარ შესაფასებელი ფაქტორები:

• ცვლების რაოდენობა
• სამუშაო დროის ხანგრძლივობა
• ტექნიკური მომსახურების ბიუჯეტი და დრო
• დატენვის ინტერვალი

სწორი გადაწყვეტილების მისაღებად ჯერ ელექტრო დამტვირთველსა და შიგაწვისძრავიან (IC) მოდელს შორის უნდა გაკეთდეს არჩევანი, რისთვისაც სამუშაო რეჟიმის წინასწარი გაანალიზებაა საჭირო. მნიშვნელოვანია განისაზღვროს ცვლების რაოდენობა, თითოეულ ცვლაში ტექნიკის მუშაობის ხანგრძლივობა და შესვენებების დრო.

ელექტრო დამტვირთველებს ნაკლები მოძრავი ნაწილი აქვს, რის გამოც გაუმართაობისა და დაუგეგმავი გაჩერებების რისკი მინიმალურია. ასეთი ტექნიკა თავდაპირველად შედარებით ძვირი ღირს, თუმცა ეს ხარჯი დაბალი ელექტროენერგიისა და იაფი ტექნიკური მომსახურების დანახარჯით ბალანსდება. თანამედროვე ელექტრო დამტვირთველების ბატარეების ტევადობა საგრძნობლად გაზრდილია, თუმცა სამუშაო განრიგში დატენვის ან ელემენტის შეცვლისთვის დროის გათვალისწინება მაინც აუცილებელია.

თავის მხრივ, შიგაწვისძრავიან დამტვირთველებს დატენვისთვის დრო არ სჭირდება და შესაბამისი პირობების არსებობისას მათი საწვავით შევსება რამდენიმე წუთშია შესაძლებელი. შიგაწვის ძრავები ორ ტიპად იყოფა: დიზელისა და თხევადი აირის (LPG) მოდელებად, რომლებიც სხვადასხვა სამუშაო გარემოზეა გათვლილი.

წინასწარ შესაფასებელი ფაქტორები:

• სამუშაო სივრცის ტიპი (დახურული, ღია თუ შერეული)
• დატენვისთვის გამოყოფილი სივრცის არსებობა
• დიზელის ავზის ხელმისაწვდომობა
• სათანადო ვენტილაციის სისტემა

შიგაწვისძრავიანი კონტრბალანსური დამტვირთველი ღია სივრცეში, მათ შორის რთულ ამინდშიც, ეფექტურად მუშაობს. თუმცა დახურულ შენობაში მისი გამოყენება არ არის დეკომენტებული. უსაფრთხოების რეგულაციებით, დიზელის მოდელების შენობაში შეყვანა, როოგრც წესი, აკრძალულია, ხოლო თხევად აირზე (LPG) მომუშავე ტექნიკა მხოლოდ გამართული ვენტილაციის პირობებში გამოიყენება.

გარდა ამისა, დიზელის ტექნიკას სპეციალური საწვავგამამართველი ადგილი სჭირდება, LPG ბალონები კი ღია, უსაფრთხო სივრცეში ინახება.

ელექტრო დამტვირთველები გამოიყენება როგორც დახურულ, ისე ღია სივრცეში. თუმცა ცივ გარემოში ტყვია-მჟავა ბატარეით აღჭურვილი ტექნიკა სრული სიმძლავრით ვერ მუშაობს და დასამუხტად ცალკე სივრცეს მოითხოვს. ამის საუკეთესო ალტერნატივა ლითიუმ-იონის ბატარეებია. ისინი ნებისმიერ ადგილას იმუხტება, არ საჭიროებს სპეციალურ მოვლას და მაცივარ-საწყობებშიც კარგად მუშაობს.

წინასწარ შესაფასებელი ფაქტორები:

• ობიექტის ტიპი და სპეციფიკა
• გასასვლელი დერეფნების სიგანე
• მოხვევის საჭირო რადიუსი

ელექტრო კონტრბალანსური დამტვირთველები სამთვლიანი და ოთხთვლიანი კონფიგურაციით იწარმოება, რომლებიც განსხვავებულ სამუშაო გარემოზეა გათვლილი. მცირე ფართობზე სამთვლიანი მოდელი საუკეთესო არჩევანია, ხოლო ღია სივრცესა და არათანაბარ იატაკზე ოთხთვლიანი დამტვირთველის გამოყენებაა რეკომენდებული.

ზოგიერთი მოდელი სპეციალურად ვიწრო დერეფნებისთვის იქმნება. მათ კომპაქტური კორპუსი აქვს და მცირე რადიუსით უხვევს. მოხვევის პარამეტრების შემოწმება ტექნიკის მონაცემთა ფურცლიდანაა შესაძლებელი, Toyota-ს მოდელების დოკუმენტაციის ჩამოტვირთვა კი პირდაპირ პროდუქტის გვერდიდანაა ხელმისაწვდომი.

წინასწარ შესაფასებელი ფაქტორები:

• სამუშაო გარემოს თავისებურებები (არათანაბარი იატაკი ან დაქანებები)
• კლიმატური და გარემო პირობები
• დახურული კაბინის საჭიროება

დამტვირთველის შერჩევისას ოპერატორის სამუშაო პირობები ერთ-ერთი მთავარი პრიორიტეტია. ტექნიკის საბურავები იატაკის საფარსა და გზად არსებულ ზედაპირს უნდა შეესაბამებოდეს. იმ შემთხვევაში, თუ ობიექტზე პანდუსებია, მნიშვნელოვანია შერჩეულ მოდელს სათანადო ასვლის კუთხე (Gradeability) ჰქონდეს.

ღია სივრცეში მუშაობისას დამტვირთველს კაბინა სჭირდება, რათა ოპერატორი უამინდობისგან იყოს დაცული. დახურულ შენობაში კაბინა აუცილებელი არ არის, თუმცა ხმაურის შემცირების მიზნით მისი გამოყენება მაინც შეიძლება. 

ოპერატორებისთვის ელექტრო დამტვირთველები განსაკუთრებით მოსახერხებელია, რადგან მათ გამონაბოლქვი არ აქვთ და დაბალი ხმაურის დონით გამოირჩევიან. ეს მოდელები დახურული სივრცეებისთვის საუკეთესო არჩევანია, თუმცა ღია ტერიტორიაზეც ეფექტურად გამოიყენება. სათანადო ვენტილაციის არსებობისას შენობაში თხევად აირზე (LPG) მომუშავე ტექნიკის გამოყენებაც დასაშვებია.

ახალი შიგაწვისძრავიანი დამტვირთველის შეძენისას ყურადღება უნდა მიექცეს Stage V სტანდარტთან შესაბამისობას. ამ რეგულაციის მიზანი დიზელისა და გაზის (LPG) ძრავების გამონაბოლქვის შემცირება და გარემოს დაცვაა.