შიგა-წვის დამტვირთველები
ტოიოტას შიგა-წვის დამტვირთველები განკუთვნილია 1.5-დან 8 ტონამდე ტვირთის გადასაადგილებლად. ეს ტექნიკა გარე სამუშაოების შესრულებისას მაღალი სტაბილურობითა და ეფექტურობით გამოირჩევა. გარე სამუშაოების სპეციფიკიდან გამომდინარე, ტექნიკა სხვადასხვა ტიპის კაბინით კომპლექტდება, რაც ოპერატორისთვის კომფორტულ სამუშაო გარემოს ქმნის.
ტოიოტა ტონეროს (Toyota Tonero) სერიაში დიზელისა და თხევადი გაზის ძრავებთან ერთად, ტრანსმისიის ორი ტიპი არსებობს: ჰიდროტრანსფორმატორი და ჰიდროსტატიკური სისტემა.
- 1.5-დან 3.5 ტონამდე ტვირთამწეობა და 7 მეტრამდე აწევის სიმაღლე
- ჰიდროტრანსფორმატორიანი და ჰიდროსტატიკური ტრანსმისია
- აქტიური სტაბილურობის სისტემა (SAS)
- 3.5-დან 5.0 ტონამდე ტვირთამწეობა და 7 მეტრამდე აწევის სიმაღლე
- მძიმე დატვირთვის გარე სამუშაოები და სხვადასხვა ტვირთთან მუშაობა
- აქტიური სტაბილურობის სისტემა (SAS)
- 6.0-დან 8.0 ტონამდე ტვირთამწეობა და 7 მეტრამდე აწევის სიმაღლე
- მძიმე დატვირთვის გარე სამუშაოები და სხვადასხვა ტვირთთან მუშაობა
- აქტიური სტაბილურობის სისტემა (SAS)
დამტვირთველი, რომელიც სამუშაოს სწრაფად და ეფექტურად ასრულებს
Toyota Tonero-ს სერია სხვადასხვა ინდუსტრიის სპეციფიკაზეა მორგებული, ამიტომ ის წარმატებით გამოიყენება როგორც სამშენებლო ობიექტებსა და პორტებში, ისე საწარმოებსა თუ მცირე სახელოსნოებში. ამ ხაზის დამტვირთველები მრავალფეროვანი ფუნქციებითა და თანამედროვე აღჭურვილობით გამოირჩევა. ეს მახასიათებლები განაპირობებს ტექნიკის სტაბილურობასა და ეფექტურობას. ამასთან, ტექნიკა ოპერატორისთვის მაქსიმალურად კომფორტულია და, იმავდროულად, მინიმალურ ტექნიკურ მომსახურებას საჭიროებს.
აქტიური სტაბილურობის სისტემა (SAS) და სრული კონტროლი სამუშაო პროცესზე
Toyota Tonero სერიის ყველა მოდელი სტანდარტულად აქტიური სტაბილურობის სისტემით (SAS) არის აღჭურვილი. ეს არის ტექნოლოგია, რომელსაც 20 წელზე მეტია ანალოგი არ გააჩნია. ის იცავს ოპერატორს, ტექნიკასა და ტვირთს, რის გამოც საოპერაციო ხარჯები მცირდება და სამუშაო პროცესი ჩქარდება.
ტვირთის გადატანისა თუ დასაწყობების დროს უსაფრთხოებისა და სტაბილურობის შენარჩუნება აუცილებელია. ტოიოტას კონტრბალანსიანი დამტვირთველით მუშაობისას თითოეული მანევრი, იქნება ეს ტექნიკის მართვა თუ ტვირთის აწევა და დაშვება, მაქსიმალური სიზუსტით კონროლდება. SAS სისტემა საფრთხეს წინასწარ აფიქსირებს და პოტენციურ პრობლემას მყისიერად აგვარებს.
სისტემა განუწყვეტლივ აკვირდება დამტვირთველის პარამეტრებს. შედეგად ავარიის ალბათობა იკლებს, პალეტების გადაადგილება კი ბევრად სწრაფად ხერხდება.
ტოიოტას სამრეწველო ძრავები შიგა-წვის დამტვირთველებში
მრავალწლიანი გამოცდილებითა და მაქსიმალური პროფესიონალიზმით ტოიოტა ყველა ძრავას დამოუკიდებლად აწყობს. ეს მიდგომა განაპირობებს თითოეული აგრეგატის უმაღლეს ხარისხსა და გამძლეობას. ძრავები სპეციალურად ინდუსტრიული დანიშნულებისთვის იქმნება, ამიტომ სწრაფ აჩქარებასთან ერთად საწვავსაც ეკონომიურად მოიხმარს.
- დიზელზე მომუშავე დამტვირთველები ენერგოეფექტური Stage V ძრავებით არის აღჭურვილი. მათში ინტეგრირებული გამონაბოლქვის ფილტრი (DPF) თითქმის არ საჭიროებს მოვლას და სამუშაო გარემოში სისუფთავე მუდმინად ნარჩუნდება.
- შიგაწვის სხვა დამტვირთველებზე დამონტაჟებული LPG და ბენზინის ძრავები მტკიცე კონსტრუქციით გამოირჩევა. ასეთი ტექნიკა ენერგიას მაქსიმალურად ზოგავს, სამკომპონენტიანი კატალიზატორის დახმარებით კი მავნე გამონაბოლქვს მცირე რაოდენობით გამოყოფს.
ტრანსმისიის ტიპები სხვადასხვა ამოცანისთვის
ჰიდროტრანსფორმატორიანი ტრანსმისია
ჰიდროტრანსფორმატორიანი მოდელები რბილი და თანაბარი სვლით გამოირჩევა. ასეთი ტექნიკა გადაცემათა კოლოფის გარეშე, ერთსაფეხურიანი ტრანსმისიით მუშაობს, რაც ოპერატორისთვის საქმეს საგრძნობლად ამარტივებს. ამავდროულად დამტვირთველს ძლიერი აჩქარება, ინერციით მოძრაობის ფუნქცია და მიმართულების შეუფერხებლად შეცვლის მექანიზმი გააჩნია.
ჰიდროსტატიკური ტრანსმისია
ჰიდროსტატიკური (HST) ტრანსმისია ჰიდროტრანსფორმატორის საუკეთესო ალტერნატივაა. ამ მოდელების მთავარი უპირატესობა მძლავრი დამუხრუჭება და სწრაფი აჩქარებაა. მუშაობის დროს წინასწარ განსაზღვრული პარამეტრები მოქმედებს, ამიტომ მიმართულების მყისიერად შეცვლა ბევრად მარტივია. ამასთანავე ტვირთის აწევა და თავად ტექნიკის გადაადგილება დამოუკიდებლად იმართება. დამატებითი უსაფრთხოებისთვის კი დამტვირთველს ელექტრო ხელის მუხრუჭი და დამრეც ზედაპირზე გაჩერების ფუნქცია აქვს.