საიმედო და ეკოლოგიური
იხილეთ ჩვენი მეორადი ტექნიკის კატალოგი. თითოეულ მათგანს გავლილი აქვს სრული ტექნიკური მომსახურება და აღდგენილია ხანგრძლივი, საიმედო ექსპლუატაციისთვის.
Toyota-ს მეორადი დამტვირთველები
მიუხედავად იმისა, ლოგისტიკა თქვენი ძირითადი საქმიანობაა თუ დამხმარე პროცესი, Toyota-ს მეორადი დამტვირთველების შერჩევა მაღალი ხარისხის გარანტიაა. ტექნიკის ფართო ასორტიმენტი სრულად შეესაბამება Toyota-ს წარმოების სისტემის (TPS) სტანდარტებს. ნებისმიერი საოპერაციო საჭიროებისთვის შესაძლებელია შესაბამისი და მოსახერხებელი მოდელის პოვნა.
რატომ უნდა შეარჩიოთ Toyota-ს მიერ შემოწმებული მეორადი დამტვირთველი?
ტექნიკური მომსახურება Toyota-ს სერტიფიცირებული ტექნიკოსების მიერ ორიგინალი ნაწილების გამოყენებით, სპეციალიზებულ სერვის ცენტრებშია ხელმისაწვდომი:
-
ტექნიკის ხარისხი და საიმედოობა დაცულია მისი ექსპლუატაციის განმავლობაში.
-
სამუშაო პროცესისთვის ტექნიკის დაუყოვნებლივ საჭიროებისას თუ დამატებითი, სათადარიგო დამტვირთველის ძიებისას, შემოწმებული მეორადი ტექნიკა ყოველთვის იძლევა საჭირო ალტერნატივას.
-
მეორადი ტექნიკის გამოყენებით მცირდება გარემოზე ზემოქმედება და იზრდება თითოეული დამტვირთველის ექსპლუატაციის ეფექტიანობა.
თქვენს საჭიროებებზე მორგებული ტექნოლოგიური არჩევანი
შემოწმებული მეორადი დამტვირთველების ასორტიმენტი მოიცავს როგორც თითქმის ახალ, ისე გარკვეული პერიოდის განმავლობაში ნამუშევარ მოდელებს, რაც საშუალებას იძლევა ტექნიკა მოკლე ვადებში მომზადდეს.
Toyota-ს მიერ შემოწმებული მეორადი ტექნიკის ქსელი საქართველოში ხელმისაწვდომს ხდის მოდელების სრულ ასორტიმენტს – მცირე ზომის ხელის ურიკებიდან მაღალი ამწეობის რიჩ-დამტვირთველებამდე.
მდგრადი განვითარება
Toyota Material Handling Europe-ის სტრატეგია "მეორე სიცოცხლე" მიზნად ისახავს ჩამოსაწერი ტექნიკის წილის შემცირებას. ამ მიდგომით მცირდება ნედლეულის მოპოვებისა და წარმოების მოცულობა, რაც ახალი დამტვირთველის შექმნისას ნახშირბადის ძირითად წყაროს ატარებს.
მაღალი ინტენსივობის სამუშაოებისთვის ახალი ენერგოეფექტური მოდელები გამოიყენება, ხოლო შედარებით დაბალი დატვირთვისას სათადარიგო ტექნიკად განახლებული დამტვირთველები გამოდგება. აღდგენის პროცესი მოიცავს კაბინისა და ძრავის განახლებას შასის შეცვლის გარეშე, რაც საგრძნობლად ზოგავს რესურსებს. ამ მიდგომით Toyota-ს ავტოპარკში ჩამოსაწერი ერთეულების რაოდენობა სამი პროცენტით შემცირდა. ამასთან, მომხმარებლებს აქვთ შესაძლებლობა, შეიძინონ ხარისხიანი Toyota-ს ტექნიკა ახალ მოდელებთან შედარებით ბევრად მისაღებ ფასად.
მხარდაჭერისა და მომსახურების პაკეტები
თქვენს საჭიროებებზე მორგებული გადაწყვეტა
ტექნიკის მოწოდება საოპერაციო ამოცანის მხოლოდ ერთი ნაწილია. ამ მიზეზით, თითოეულ შემოწმებულ მეორად დამტვირთველს თან ახლავს გრძელვადიანი მხარდაჭერის პაკეტები, რომლებიც კონკრეტულ საოპერაციო გარემოსა და მოთხოვნებს ერგება
საგარანტიო მომსახურების გეგმა
გარკვეული მოდელებისთვის მოქმედებს შემოწმებული ტექნიკის საგარანტიო პირობები. ეს საშუალებას აძლევს კომპანიას, მთელი ყურადღება დაუთმოს ძირითად ლოგისტიკურ პროცესებს.
საცდელი პერიოდი შეძენამდე
საჭირო მოდელის ზუსტად შერჩევა ხშირად დამატებით შემოწმებას საჭიროებს. ამისთვის მოქმედებს ორკვირიანი საცდელი პერიოდი მომხმარებლის ავტოპარკში. თუ ტექნიკა არ შეესაბამება მოთხოვნებს, იფარება მხოლოდ ამ პერიოდის იჯარის საფასური, ყოველგვარი დამატებითი რისკის გარეშე.
ჩანაცვლების პროგრამა
შემოწმებული მეორადი დამტვირთველის შეძენის შემდეგ მოქმედებს ტექნიკის ჩანაცვლების შესაძლებლობა 30 დღის განმავლობაში. ეს პირობა იძლევა გარანტიას, რომ სამუშაო სპეციფიკასთან მაქსიმალურად თავსებადი მოდელი შეირჩევა.
მეორადი ტექნიკის მომზადების ეტაპები
მეორადი დამტვირთველები გადის იმავე ხარისხის კონტროლს, რასაც ახალი ტექნიკა.
მომზადების პროცესი რამდენიმე ძირითადი საფეხურისგან შედგება:
კლასიფიკაცია
ჩვენს საწყობში, მეორადი ტექნიკის შემოსვლისთანავე მოწმდება მისი ტექნიკური მდგომარეობა და განისაზღვრება განახლების შესაძლებლობა. ტექნიკოსები ამოწმებენ ბატარეას და საჭიროების შემთხვევაში ახდენენ მის რეგენერაციას, რათა გაუმჯობესდეს სამუშაო ციკლის წარმადობა.
რეცხვა
ტექნიკა სრულად ირეცხება და სუფთავდება.
ტესტირება
სერთიფიცირებული ტექნიკოსი ამოწმებს ყველა ფუნქციურ და უსაფრთხოების სისტემას, ჰიდრავლიკურ, მექანიკურ და ელექტრო დეტალს.
შეღებვა
ტარდება ვიზუალური განახლება და საფარის აღდგენა
საბოლოო ინსპექტირებ
ექსპლუატაციაში გაშვებამდე ტექნიკა გადის საბოლოო საკონტროლო შემოწმებას.
როგორ აუმჯობესებს ბიზნესის შედეგს ავტოპარკის მართვის ჭკვიანი სისტემა?
მეორადი დამტვირთველების პერსპექტივა
Toyota Material Handling-ის ავტოპარკის სულ უფრო მეტი მოდელი აღჭურვილია სტანდარტული ციფრული კავშირით.
მალე შესაძლებელი იქნება მეორადი "ჭკვიანი" დამტვირთველების მთლიანი ავტოპარკის დაკომპლექტება. ეს სისტემა იძლევა სრულ ინფორმაციას ტექნიკის სერვისის ისტორიასა და საჭიროებებზე. "ჭკვიანი" დამტვირთველები აგროვებს მონაცემებს ექსპლუატაციის რეჟიმების შესახებ, რაც საშუალებას იძლევა, სამუშაო გრაფიკები რეალურ დროში, დისტანციურადაც კი დაკორექტირდეს. როგორც ცალკეული დამტვირთველის, ისე დიდი ავტოპარკის მართვისას შედეგი ოპტიმიზებული საოპერაციო პროცესი და ტექნიკისა თუ ოპერატორების დროის მაქსიმალურად ეფექტიანი გამოყენებაა.