Logiconomi – პლატფორმა ლოგისტიკის ტენდენციებისა და ინოვაციებისთვის
Logiconomi Toyota Material Handling Europe-ის მიერ შექმნილი საკომუნიკაციო პლატფორმაა, რომელიც ლოგისტიკის სფეროში არსებულ გამოწვევებს, ახალ ტენდენციებსა და ტექნოლოგიურ სიახლეებს ეხმიანება. ინიციატივის მიზანია, ლოგისტიკის სფეროს წარმომადგენლებს გაუზიაროს ცოდნა და პრაქტიკული იდეები, რომლებიც სამუშაო პროცესების გაუმჯობესებაში დაეხმარება. ამასთანავე, პლატფორმა Toyota-ს გუნდს გამოცდილების გაღრმავებისა და სექტორში მიმდინარე ცვლილებების უკეთ გააზრების შესაძლებლობას აძლევს.
Logiconomi ორ წელიწადში ერთხელ მართავს ღონისძიებებს, სადაც მონაწილეებს ლოგისტიკის სფეროში დაგროვილ ცოდნას, გამოცდილებასა და ახალ იდეებს უზიარებს. ღონისძიებებს შორის პერიოდში კი Logiconomi Connections სხვადასხვა სფეროს წარმომადგენლებს შორის თანამშრომლობისა და გამოცდილების გაზიარების ხელშეწყობას ცდილობს.
ტენდენციებზე დაკვირვება და გამოცდილების გაზიარება
Toyota-ს კვლევისა და ინოვაციების გუნდი მუდმივად აკვირდება ინდუსტრიაში მიმდინარე ცვლილებებსა და ახალ ტექნოლოგიებს. ამისთვის გუნდი თანამშრომლობს დარგობრივ ასოციაციებთან, წამყვან საკონსულტაციო კომპანიებსა და ინოვაციების ფორუმებთან.
ინფორმაციის ერთ-ერთი მთავარი წყარო მომხმარებლებთან პირდაპირი საუბარია. მათი გამოცდილება და შეფასებები ნათლად აჩვენებს, რა გამოწვევებს აწყდებიან კომპანიები ყოველდღიურ საქმიანობაში და რომელ საკითხებზეა საჭირო მეტი ყურადღების გამახვილება. ამ ცოდნაზე დაყრდნობით ვითარდება Logiconomi-ს ხედვაც, რომლის საფუძველიც მოსმენა და მუდმივი სწავლაა.
Logiconomi პარტნიორთა ქსელი
ინოვაციური მიდგომები ლოგისტიკური გამოწვევების გადასაჭრელად
ბიზნესგარემო სწრაფად იცვლება, ამიტომ ლოგისტიკის მენეჯერებს ყოველდღიური პრობლემებისთვის ახალი გზების მოძიება ხშირად უწევთ. Logiconomi Connections მათ ინოვაციურ კომპანიებსა და ტექნოლოგიურ პარტნიორებს აცნობს, რომელთა გამოცდილებაც სამუშაო პროცესების გაუმჯობესებაში შეიძლება გამოადგეთ.
ზოგიერთი მომწოდებელი მხოლოდ კონკრეტულ ქვეყნებში საქმიანობს, თუმცა მათი მიდგომები და ტექნოლოგიები მაინც საინტერესოა. ისინი აჩვენებს, როგორ შეიძლება ოპერაციების უკეთ დაგეგმვა, რესურსების გონივრულად გამოყენება და ეფექტურობის გაზრდა.
მომხმარებელთა საჭიროებების უკეთ გააზრება
Logiconomi Connections-ის ფარგლებში წარმოდგენილი მეთოდები ლოგისტიკურ საქმიანობაში არსებულ სხვადასხვა გამოწვევას ეხება. თითოეული მათგანი ეფუძნება რეალურ სამუშაო გამოცდილებას, საოპერაციო პროცესებზე დაკვირვებასა და მომხმარებელთა საჭიროებების საფუძვლიან შესწავლას.
ამ ცოდნის საფუძველზე იქმნება პრაქტიკული მიდგომები, რომლებიც კომპანიებს ყოველდღიურ სირთულეებთან გამკლავებასა და სამუშაო პროცესების გაუმჯობესებაში ეხმარება
წინა ფორუმები
Logiconomi-ის ფორუმი ორ წელიწადში ერთხელ იმართება და ლოგისტიკის სფეროს პროფესიონალებს, ინდუსტრიის ლიდერებსა და ტექნოლოგიების ექსპერტებს შეხვედრისა და გამოცდილების გაზიარებისთვის სივრცეს სთავაზობს. მონაწილეები ეცნობიან დარგში მიმდინარე ცვლილებებს, ახალ ტექნოლოგიებსა და იმ ტენდენციებს, რომლებიც ლოგისტიკის მომავალზე გავლენას ახდენს.
ღონისძიების პროგრამა მოიცავს თემატურ დისკუსიებსა და სამუშაო შეხვედრებს, სადაც მონაწილეები აქტუალურ საკითხებს განიხილავენ და გამოცდილებას ერთმანეთს უზიარებენ. ფორუმის სამუშაო ენა ინგლისურია. ის ევროპის სხვადასხვა ქალაქში ტარდება და საშუალოდ 500-ზე მეტ მონაწილეს მასპინძლობს.
პირველი ფორუმი შვედეთში
Logiconomi-ის პირველი ფორუმი 2018 წლის იანვარში შვედეთის ქალაქ მიოლბიში, Toyota Material Handling-ის ქარხანასა და სათავო ოფისში გაიმართა. მონაწილეები კომპანიის კვლევისა და განვითარების ცენტრს ეწვივნენ და მოისმინეს Volvo Venture Capital-ის წარმომადგენლების, რობოტოტექნიკის ექსპერტ რანდალ ვან პოელვორდესა და ფუტურისტ დოქტორ პატრიკ დიქსონის მოხსენებები.
ფორუმების განვითარება
პირველ ღონისძიებას კიდევ ორი ფორუმი მოჰყვა. 2019 წელს Logiconomi-ის ფორუმი ამსტერდამში, SugarCity-ში გაიმართა. 2022 წლის ფორუმი კი ანტვერპენის ცენტრში მდებარე Handelsbeurs-სა და ქალაქთან ახლოს არსებულ ლოგისტიკური ინოვაციების ცენტრში, Logiville-ში ჩატარდა.
მდგრადი განვითარების მიმართულებით გადადგმული ნაბიჯები და მომავლის ხედვა
2025 წელს Logiconomi-ის ფორუმი მარსელში გაიმართა. წამყვანი კომპანიების ხელმძღვანელებმა და ექსპერტებმა ცოდნა და გამოცდილება მთავარი მოხსენებების, სამუშაო შეხვედრებისა და პანელური დისკუსიების ფარგლებში გააზიარეს.
ღონისძიებაში კვლავ მონაწილეობდნენ ინოვაციური სტარტაპები, რომლებმაც ლოგისტიკის სფეროს ახალი ტექნოლოგიები და პრაქტიკული მიდგომები Logiconomi-ის პარტნიორთა ქსელის ფარგლებში გააცნეს.