ნახევრად ავტომატიზებული სისტემები შეკვეთების სწრაფად და ეფექტურად შესაგროვებლად
შეკვეთების აგროვება დიდ დროსა და ენერგიას მოითხოვს, რადგან ოპერატორს მუდმივად უწევს ტექნიკაზე ასვლა-ჩამოსვლა, ტვირთის აღება და დამტვირთველის ხელით გადაადგილება. როგორ არის შესაძლებელი ამ ფიზიკური დანახარჯების შემცირება და სამუშაოს პროდუქტიულობის გაზრდა
დისტანციური მართვით მეტი ეფექტურობა მიიღწევა
t-mote დისტანციური მართვის სისტემით აღჭურვილი Toyota-ს პირველ დონეზე ასაგროვებელი ტექნიკა ამაღლებს სამუშაო გარემოს უსაფრთხოებას და საერთო პროდუქტიულობას. რაც უფრო ინტენსიურია შეკვეთების ნაკადი, მით მეტ დროს ზოგავს ნახევრად ავტომატიზებული ტექნიკა, რადგან ოპერატორს არ უწევს ყოველჯერზე დამტვირთველთან დაბრუნება.
t-mote
სასაწყობო სივრცეში პროდუქტიულობა 20%-მდე იზრდება
დისტანციური მართვა ამცირებს თითოეული შეკვეთის აგროვების დროს და აჩქარებს სამუშაო პროცესს. სტანდარტულ მექანიკურ ტექნიკასთან შედარებით, ასეთი სისტემა იმავე დროში შესრულებულ სამუშაოს ოდენობას 20%-მდე ზრდის.
t-mote
ნახევრად ავტომატიზებული სისტემები ენერგოეფექტურია
მართვადი აჩქარება და სიჩქარის კონტროლი იცავს ნაწილებს ნაადრევი ცვეთისგან, ახანგრძლივებს მათ მუშაობას და ზოგავს ტექნიკურ მომსახურებაზე გაწეულ დანახარჯებს. გარდა ამისა, მოძრაობის სიჩქარის სწორი რეგულირება ენერგიის მოხმარებას 10%-მდე ამცირებს.
t-mote
ტექნიკა ოპერატორის შრომას ამსუბუქებს
რადგან ოპერატორს ტექნიკაზე მუდმივი ასვლა-ჩამოსვლა აღარ უწევს, დაღლილობა და ტრავმის მიღების რისკი საგრძნობლად მცირდება. თითზე წამოსაცმელი კომპაქტური პულტის წყალობით, ოპერატორს ორივე ხელი უთავისუფლდება ტვირთის ასაღებად.
t-mote
სისტემა სამუშაო სივრცის უსაფრთხოებას იცავს
ტექნიკაზე დამონტაჟებული უსაფრთხოების სკანერები 1 მეტრის რადიუსში ამჩნევს დაბრკოლებას, ავტომატურად აჩერებს ამგროვებელს ან ცვლის მიმართულებას შეჯახების თავიდან ასაცილებლად. დისტანციურ რეჟიმში ტექნიკა 4 კმ/სთ სიჩქარით გადაადგილდება, ხოლო სპეციალური განათება გარშემომყოფებს მოძრაობის შესახებ გაფრთხილებას იძლევა. მცირე ეკრანი კი ოპერატორს ძირითადი პარამეტრებსა და შეტყობინებებზე თვალყურის დევნებას უადვილებს.
როგორ მუშაობს t-mote სისტემა?
შეკვეთების აგროვებისას ოპერატორს ჩვეულებრივ მუდმივად უწევს ტექნიკაზე ასვლა და ჩამოსვლა. t-mote ფუნქციით აღჭურვილი Toyota Optio-ს ამგროვებლის შემთხვევაში კი ტექნიკის გადაადგილება მასზე ასვლის გარეშეც შესაძლებელია. მართვისთვის გამოიყენება კომპაქტური ორღილაკიანი პულტი, რომელიც საჩვენებელ თითზე მაგრდება. პულტის გამოყენება თანაბრად მოსახერხებელია როგორც მარჯვენა, ისე მარცხენა ხელზე, მათ შორის ხელთათმანით მუშაობისას. ამ მეთოდით ოპერატორი თავისუფლად მიჰყვება ტექნიკას გვერდიდან ან უკნიდან და თაროებიდან ტვირთს ნებისმიერ დროს, შეფერხების გარეშე იღებს.
ხშირად დასმული კითხვები
რა არის Toyota-ს ნახევრად ავტომატიზებული სისტემა t-mote?
ეს არის ტექნოლოგია, რომლის დახმარებითაც ოპერატორი პირველ დონეზე ასაგროვებელ ტექნიკას დისტანციურად მართავს და მას გვერდით ფეხით მიჰყვება.
რა არის დისტანციურად მართვადი ამგროვებლის მთავარი უპირატესობა?
მთავარი უპირატესობა ტექნიკაზე ხშირი ასვლა-ჩამოსვლის შემცირებაა. მონაცემებით, ეს მოქმედებები დაახლოებით 70%-ით იკლებს, რაც საგრძნობლად ამცირებს ფეხებსა და სახსრებზე ფიზიკურ დატვირთვას. ამასთან, იზრდება სამუშაოს ტემპიც, რადგან ოპერატორი დროის უდიდეს ნაწილს უშუალოდ ტვირთის აღებას ურთმობს და არა ტექნიკის მართვას. ტრადიციულ მეთოდთან შედარებით, დრო 5-დან 15%-მდე იზოგება.
რაც უფრო ინტენსიურია შეკვეთების ნაკადი გასასვლელში, მით მეტი დრო იზოგება. ეს განსაკუთრებით ხელსაყრელია სწრაფად მოხმარებადი პროდუქციის (FMCG) სექტორში მომუშავე კომპანიებისთვის.
სჭირდება თუ არა ოპერატორს სპეციალური ტრენინგი t-mote სისტემით აღჭურვილი ტექნიკის მართვისთვის?
სპეციალური სწავლება საჭირო არ არის, რადგან სისტემა მარტივი გამოსაყენებელია.
შესაძლებელია თუ არა t-mote ფუნქციის დამატება უკვე არსებულ ამგროვებელზე?
დიახ, t-mote სისტემის დამონტაჟება შესაძლებელია Toyota Optio-ს არსებულ მოდელებზეც. დეტალების დაზუსტება ადგილობრივ წარმომადგენელთან არის შესაძლებელი.
თავსებადია თუ არა t-mote სისტემის პულტი ხელთათმანებთან?
დიახ, თითზე წამოსაცმელი პულტით მუშაობა ხელთათმანითაც მოსახერხებელია.
როგორ აქტიურდება t-mote დისტანციური მართვის სისტემა?
სისტემის გამოყენებამდე საჭიროა პულტის დაკავშირება კონკრეტულ ამგროვებელთან. ეს პროცედურა ძალიან სწრაფი და მარტივია.
როგორ იტენება Toyota t-mote-ის დისტანციური პულტი?
პულტი მუშაობს ლითიუმ-პოლიმერულ ელემენტზე და იტენება სპეციალურ სადგურში, რომელიც ელექტროქსელშია მიერთებული. სადგურში ერთდროულად 10 პულტი თავსდება. პულტზე განთავსებული ინდიკატორი აჩვენებს დატენვის საჭიროებას, ხოლო ტექნიკის ეკრანი ასახავს დაკავშირებული ელემენტის სტატუსს.
შეკვეთების ამგროვებლის რომელ მოდელებზეა ხელმისაწვდომი t-mote სისტემა?
სისტემა ხელმისაწვდომია პირველ დონეზე ასაგროვებელი ტექნიკის შემდეგ მოდელებზე: OSE120, OSE120P, OSE250, OSE250P, OSE200X, OSE180XP.
