საწყობში უსაფრთხოებისა და ეფექტურობის გაზრდა ინტეგრირებული ტექნიკით
Toyota-ს I_Site სისტემა დამტვირთველებიდან ტელემეტრიულ მონაცემებს აგროვებს და თითოეული ერთეულის დატვირთვას დეტალურად აანალიზებს. სამუშაო პროცესზე ასეთი დაკვირვება ხარვეზების დროულად აღმოფხვრასა და ეფექტიანობის გაზრდას უწყობს ხელს. ტექნიკის კონტროლის შედეგად, საწყობში უსაფრთხოების დონე იზრდება, ხოლო გაუთვალისწინებელი შეფერხებების რისკი მცირდება.
I_Site და ერთმანეთთან დაკავშირებული ტექნიკა
სამუშაო საათებისა და მოცდენის დროის ზუსტი აღრიცხვა საწარმოო პროცესების სწორად წარმართვის საფუძველია. ერთმანეთთან დაკავშირებული სისტემების დახმარებით ბიზნესი რეალურ უტყუარ მონაცემებს აგროვებს, გადაწყვეტილებებს დასაბუთებულად იღებს და რესურსებს ეფექტურად ანაწილებს.
სასაწყობო ტექნიკაში ციფრული ტექნოლოგიების ინტეგრირების უპირატესობები
მონაცემების დეტალური ანალიზი სამუშაოს ხარისხზე დადებითად აისახება. Toyota-ს მუდმივი განვითარების ფილოსოფია (Kaizen) ციფრული ტექნოლოგიების დანერგვასაც გულისხმობს, რაც ბიზნესს რამდენიმე მკაფიო უპირატესობას სთავაზობს:
- გაზრდილი პროდუქტიულობა
- უსაფრთხო სამუშაო გარემო
- შემცირებული საექსპლუატაციო ხარჯები
- რესურსების ეფექტიანი გამოყენება
2018 წელს Toyota პირველი მწარმოებელი გახდა, რომელმაც ელექტრო სასაწყობო ტექნიკა ტელემეტრიული სისტემით სტანდარტულად აღჭურვა. დღეს მსოფლიოში 300 000-ზე მეტი ასეთი ერთეული მუშაობს, მათ შორის როგორც ხელის ელექტრო ურიკები, ისე მძიმე ტვირთამწეობის მქონე კონტრბალანსური დამტვირთველები.
საოპერაციო პროცესების გაუმჯობესება I_Site-ის დახმარებით
I_Site სისტემის დანერგვა როგორც Toyota-ს ახალ მოდელებზეა შესაძლებელი, ისე უკვე არსებულ ტექნიკაზე, სადაც ტელემეტრიული მოწყობილობა დამატებით მონტაჟდება. ყოველთვიური გამოწერით მომხმარებელი იღებს დეტალურ ანგარიშებსა და KPI მაჩვენებლებს. ეს პლატფორმა თანაბრად გამოსადეგია როგორც ერთი დამტვირთველის მფლობელი კომპანიებისთვის, ისე მსხვილი საწარმოებისთვის.
სისტემის ტექნიკური მახასიათებლები:
- Toyota-ს მოდელების უმრავლესობაში აპარატურა ქარხნულად ჩაშენებულია
- ობიექტზე დამატებითი ინფრასტრუქტურის მოწყობის გარეშე მუშაობს
- მონაცემთა გადასაცემად SIM ბარათების მობილურ კავშირს იყენებს
- მარტივად მონტაჟდება უკვე არსებულ ტექნიკაზეც
- ერთდროულად რამდენიმე მომხმარებლის წვდომას ითვალისწინებს და მონაცემთა უსაფრთხოების სტანდარტებს იცავს
ტექნიკის რესურსის სრულად გამოყენება KPI ანგარიშებით
მომხმარებელთა პორტალი My Toyota Material Handling და I_Site პლატფორმა ერთმანეთს უკავშირდება. I_Site უშუალოდ ტექნიკურ მაჩვენებლებსა და საოპერაციო მონაცემებს ასახავს, ხოლო My Toyota პორტალი – ზოგად მიმოხილვას, სერვისის ისტორიას, უსაფრთხოების პარამეტრებსა და ხარჯებს.
უსაფრთხოების გაუმჯობესება სამუშაო სივრცეში
Eurostat-ის კვლევის თანახმად, ევროპულ ინდუსტრიაში მძიმე დაზიანებების 10% ტვირთის დამუშავების ტექნიკას უკავშირდება, ამ ინციდენტების 80%-ზე მეტი კი დამტვირთველების არასწორი გამოყენების შედეგია. I_Site-ის მონაცემებზე დაყრდნობით კომპანიები ტექნიკის, ტვირთისა და პერსონალის დაცვას ახერხებენ.
გამოწვევა
ოპერატორების ეფექტიანი მართვა
სისტემა აკონტროლებს მძღოლების ლიცენზიებს. მოქმედების ვადის ამოწურვამდე პლატფორმა აგზავნის შეტყობინებას, რაც ტრენინგებისა და კვალიფიკაციის დროულ განახლებას უწყობს ხელს.
გამოწვევა
წვდომის კონტროლი
ტექნიკით სარგებლობის უფლებას მხოლოდ ავტორიზებული და გადამზადებული პერსონალი იღებს. PIN კოდებისა და სპეციალური ბარათების მეშვეობით თითოეული ოპერატორისთვის ინდივიდუალური პროფილი იქმნება.
გამოწვევა
შეჯახების ეფექტიანი კონტროლი
სპეციალური სენსორებით აღირიცხება ძლიერი შეჯახებები, რომლებმაც შეიძლება ტექნიკა ან ტვირთი დააზიანოს. ინციდენტის დაფიქსირებისთანავე სისტემა შეტყობინებას მობილურ მოწყობილობაზე აგზავნის.
გამოწვევა
საიმედო ფლოტი
მუშაობის დაწყებამდე სისტემა ამოწმებს ტექნიკის გამართულობას უსაფრთხოების კითხვარის მეშვეობით. სერიოზული ხარვეზის აღმოჩენისას დამტვირთველი ავტომატურად იბლოკება ან ირთვება განგაშის სიგნალი.
პროდუქტიულობის გაზრდა მონაცემთა ანალიზით
სასაწყობო ტექნიკის საშუალო დატვირთვა ხშირად მხოლოდ 34%-ია, ანუ დროის დიდ ნაწილში დამტვირთველი უბრალოდ გაჩერებულია. I_Site-ის ფუნქციებით ეს რესურსი მაქსიმალურად ეფექტურად გამოიყენება.
გამოწვევა
ტექნიკის დატვირთვის მონიტორინგი
ადარებს დაგეგმილ და რეალურ სამუშაო საათებს და არსებულ პოტენციალს უკეთ ავლენს.
გამოწვევა
კომუნიკაცია
ამარტივებს ოპერატორებთან შეტყობინებების გაცვლას და ავტომატურად აგზავნის გაფრთხილებებს დაჯახების, ელემენტის გაუმართაობისა თუ ლიცენზიის ვადის შესახებ.
გამოწვევა
ადგილმდებარეობის განსაზღვრა
ზუსტად აჩვენებს ტექნიკის ადგილს ღია სივრცეში.
გამოწვევა
ბატარეის მართვა
აკონტროლებს ელემენტის მოხმარებას, ასახავს მუხტის დონეს, დროულად ამოიცნობს ტექნიკურ ხარვეზებს და ახანგრძლივებს მის რესურსს.