Toyota Material Handling და EU OSHA: პარტნიორობა ჯანმრთელობისა და უსაფრთხოების სფეროში
Toyota Material Handling Europe-ისთვის თანამშრომლებისა და სამუშაო პროცესში ჩართული სხვა ადამიანების ჯანმრთელობა, ასევე მათთვის უსაფრთხო გარემოს შექმნა, უმთავრესი საზრუნავია. კომპანია მიიჩნევს, რომ დაცული სამუშაო გარემო გრძელვადიანი და წარმატებული თანამშრომლობის წინაპირობაა. ამ ღირებულებების ერთგულებით აიხსნება ის ფაქტი, რომ Toyota Material Handling უკვე ათ წელზე მეტია, რაც ევროპის შრომის უსაფრთხოებისა და ჯანმრთელობის დაცვის სააგენტოს (EU-OSHA) კამპანიის ოფიციალური პარტნიორია.
მიზანი მაქსიმალურად უსაფრთხო და ჯანსაღი გარემოს შექმნაა
თითოეული თანამშრომლისთვის საუკეთესო სამუშაო პირობების შესაქმნელად კომპანია Toyota Material Handling მათ ჯანმრთელობასა და კეთილდღეობაზე მუდმივად ზრუნავს.
კომპანიის ხედვა და მიდგომა
სამუშაო სივრცეში რისკების შესამცირებლად კომპანია სიღრმისეულად აანალიზებს პრობლემების გამომწვევ მიზეზებს და პრევენციულ ნაბიჯებს ყოველთვის დროულად დგამს.
ეს მიდგომა ეფუძნება Toyota Industries Corporation (TICO) უსაფრთხოების ხედვას: Toyota Industries Group და მისი თითოეული წევრი ერთობლივად აყალიბებს ისეთ სამუშაო კულტურას, სადაც უსაფრთხოება ნებისმიერ ვითარებაში მთავარი პრიორიტეტია. კომპანიის მიზანი ურთიერთპატივისცემაზე დამყარებული ინკლუზიური გარემოს შექმნაა, სადაც თანამშრომლებს ყოველდღიურად მისვლა უხარიათ და თავიანთი საქმიანობითაც ამაყობენ.
გაიგე მეტი ჩვენი მდგრადი განვითარების მიდგომის შესახებ
„ჩვენი გუნდის ჯანმრთელობა, უსაფრთხოება და კეთილდღეობა უცვლელი პრიორიტეტია, რადგან სწორედ ეს ქმნის მდგრადი ბიზნესის მყარ საფუძველს. ტექნოლოგიების მზარდი როლის მიუხედავად, ამ საქმიანობაში მთავარ ფასეულობად ყოველთვის ადამიანი რჩება.“
ერნესტო დომინგეზი,
პრეზიდენტი და აღმასრულებელი დირექტორი
Healthy Workplaces კამპანიებში მონაწილეობა
ორგანიზაცია EU OSHA Healthy Workplaces კამპანიას 2000 წლიდან მართავს. კომპანია Toyota ამ ინიციატივას 2010 წელს შეუერთდა და მას შემდეგ მხარს აქტიურად უჭერს. ამ თანამშრომლობის მიზანი უსაფრთხო, ჯანსაღი და პროდუქტიული სამუშაო პირობების შექმნაა როგორც გუნდის წევრებისთვის, ისე საქმიანობაში ჩართული ნებისმიერი ადამიანისთვის.
კომპანია უსაფრთხოებაზე მუდმივად ზრუნავს, რადგან სამუშაო სივრცეში რისკების სწორად მართვა ერთნაირად სასიკეთოა თანამშრომლებისთვის, საზოგადოებისა და თავად ბიზნესისთვის.
2023–2025 წლების გამოწვევა: როგორ მოქმედებს ციფრული სამყარო სამუშაო პირობებზე
აღნიშნული ინიციატივა იკვლევს თანამედროვე ტექნოლოგიების გავლენას სამუშაო გარემოსა და გუნდის წევრებზე. მართალია, ციფრული ტრანსფორმაცია ბევრ საინტერესო პერსპექტივას ქმნის, თუმცა ჯანმრთელობისა და უსაფრთხოების მიმართულებით აქამდე უცნობ გამოწვევებსაც აჩენს.
რისკების თავიდან ასაცილებლად, ინოვაციების დანერგვის პროცესში მოსალოდნელი საფრთხეები საწყის ეტაპზევე ფასდება. ამავდროულად, დიდი ყურადღება ეთმობა თანამშრომლების ციფრული ცნობიერების ამაღლებასა და მათთვის ახალი ინსტრუმენტების ათვისებაში დახმარების გაწევას.
გრძელვადიანი პარტნიორობა
კომპანია Toyota Material Handling 2013 წლიდან ორგანიზაცია EU OSHA ბენჩმარკინგის ინიციატივის მმართველი კომიტეტის წევრია. თანამშრომლობის პროცესში ის პარტნიორებს საკუთარ ცოდნასა და დაგროვილ გამოცდილებას მუდმივად უზიარებს.
კომპანიისთვის გუნდის წევრებისა და მომხმარებლების უსაფრთხოება ყველაზე მნიშვნელოვანია, ამიტომ მომავალში რისკების თავიდან ასაცილებლად სამუშაო სივრცეში მომხდარი ინციდენტების გამომწვევი მიზეზები ყოველთვის დეტალურად ფასდება. უსაფრთხოების მიმართულებით დაგროვილი გამოცდილების გასაზიარებლად კი კომპანიამ გასული წლების განმავლობაში არაერთ მნიშვნელოვან ინიციატივაში მიიღო მონაწილეობა:
- 2020 და 2022 წლები: Healthy Workplaces Lighten the Load (ფიზიკური დატვირთვის შემცირება);
- 2018 და 2019 წლები: Healthy Workplaces Manage Dangerous Substances (სახიფათო ნივთიერებების მართვა);
- 2016 და 2017 წლები: Healthy Workplace for All Ages (ჯანსაღი სამუშაო სივრცე ნებისმიერი ასაკის ადამიანისთვის);
- 2014 და 2015 წლები: Healthy Workplaces Manage Stress (სტრესის მართვა სამუშაო სივრცეში);
- 2012 და 2013 წლები: Working Together for Risk Prevention (რისკების პრევენცია);
- 2010 და 2011 წლები: Safe Maintenance (უსაფრთხო ტექნიკური მომსახურება).