„ჩვენ ვაჩქარებთ სვლას ნახშირბადის ნულოვანი ემისიისკენ. ეს შორეული მომავლის მიზანი აღარ არის, რადგან ცვლილებები უკვე დაწყებულია.“
პერ ფირენიუსი (Per Fyrenius) Toyota Material Handling Europe-ის კორპორაციული განვითარების უფროსი ვიცე პრეზიდენტი
გარემოზე ნახშირბადის საზიანო გავლენის შემცირება დაბალი ემისიის მქონე დამტვირთველებით
Toyota Material Handling Europe საწყობის ტექნიკისა და მასალების მართვის სფეროში პირველი მწარმოებელია, რომელმაც პროდუქციის წარმოებაში გადამუშავებული ფოლადის გამოყენება დაიწყო. ამ ფოლადის დამუშავებისას გამოყენებული ენერგია წიაღისეული საწვავისგან არ მიიღება, რის გამოც წარმოების პროცესში ემისიებიც მცირდება. გადამუშავებული ფოლადის გამოყენებით, ახალი ნედლეულის წარმოებისას გამოყოფილი ნახშირბადის რაოდენობა მცირდება. ამავე დროს, პროდუქცია კვლავ ინარჩუნებს იმ სიმტკიცესა და გამძლეობას, რომელსაც მომხმარებელი Toyota-ს ტექნიკისგან მოელის.
მჭიდრო პარტნიორობა ინოვაციებისა და კლიმატის დაცვის საწინდარია
წვლილი მოკლევადიანი და გრძელვადიანი სამეცნიერო მიზნების მიღწევაში
ფოლადის წარმოება ნახშირბადის ემისიების ერთ-ერთი მთავარი წყაროა. SSAB Zero™ ფოლადის გამოყენებისას, ტრადიციული მეთოდით წარმოებულ ფოლადთან შედარებით, ემისიები 75%-მდე მცირდება. შედეგად, ამ ფოლადის შეძენითა და წარმოებაში გამოყენებით, კომპანია ნახშირბადის ნაკვალევს ამცირებს და გარემოსდაცვით მიზნებს უახლოვდება.
მდგრადი განვითარება კომპანიის საქმიანობის ერთ-ერთი მთავარი მიმართულებაა. ამიტომ ის მუდმივად ეძებს ისეთ მიდგომებს, რომლებიც გარემოზე უარყოფით გავლენას შეამცირებს. ნახშირბადის ნულოვანი ემისიისკენ მიმავალ გზაზე მნიშვნელოვანი ნაბიჯია პროდუქციაში დაბალი ემისიის მქონე ფოლადის გამოყენება.
ნახშირბადის ნულოვანი ემისია, როგორც გრძელვადიანი მიზანი
Toyota Material Handling მიზნად ისახავს, 2041 ფისკალურ წლამდე მთელ საწარმოო ჯაჭვში ნახშირბადის ნულოვან ემისიას მიაღწიოს. მიზანი ვრცელდება კომპანიის საქმიანობის ყველა ეტაპზე, მათ შორის პროდუქციის წარმოებაზე, ტრანსპორტირებასა და მომხმარებლისთვის მიწოდებაზე.
კომპანიის მიერ განსაზღვრული ემისიების შემცირების მიზნები SBTi ინიციატივამ უკვე დაამტკიცა. შეფასების მიხედვით, აღნიშნული გეგმები შეესაბამება კლიმატის თანამედროვე კვლევებსა და პარიზის შეთანხმების პრინციპებს.
თანამშრომლობა მდგრადი მომავლისთვის
გარემოსდაცვითი მიზნების მიღწევა კომპანიის საქმიანობის ყველა ეტაპზე მომწოდებლების, პარტნიორებისა და მომხმარებლების მჭიდრო თანამშრომლობაზეა დამოკიდებული. ინფორმაციის ღიად გაზიარება და საერთო პასუხისმგებლობა თითოეულ მხარეს ეხმარება, უკეთ დაინახოს საკუთარი როლი და გარემოზე ზემოქმედების შესამცირებლად საჭირო ნაბიჯები გადადგას.
კომპანია მომავალშიც გააგრძელებს ისეთი ინიციატივების დანერგვას, რომლებიც რესურსების გონივრულ გამოყენებას, ემისიების შემცირებასა და უფრო მდგრადი გარემოს შექმნას შეუწყობს ხელს.
დაბალი ემისიის მქონე პროდუქცია
Toyota Lifter LHM230 ხელი ურიკის ჩანგლები და ჩარჩო ამჟამად SSAB Zero™ ფოლადისგან მზადდება. იგივე მასალა გამოიყენება Toyota BT Levio სერიის სამი პოპულარული ელექტრო დამტვირთველის, LWE130, LWE140 და LWE160 მოდელების ჩანგლების წარმოებაშიც.
ხელი ურიკების ჩანგლებისა და ჩარჩოების წარმოებისას ემისიები 75%-მდე მცირდება;
Toyota Lifter LHM230-ის წარმოებისას ნახშირბადის გამოყოფა 18%-ით მცირდება;
დაბალი ემისიის მქონე ფოლადი მხოლოდ ტრადიციულ მასალის ეკოლოგიური ალტერნატივაა, პროდუქტის ხარისხი და ტექნიკური მახასიათებლები უცვლელი რჩება.
Toyota Lifter-ის ხელის ურიკები
Toyota Lifter-ის სერიაში ყველაზე გავრცელებული ზომის ჩარჩოები უკვე გადამუშავებული ფოლადისგან მზადდება. მისი დამუშავებისას მხოლოდ წიაღისეული საწვავის გარეშე მიღებული ენერგია და ელექტროენერგია გამოიყენება.
Toyota BT Levio-ს ელექტრო დამტვირთველები
Toyota BT Levio LWE130, LWE140 და LWE160 ელექტრო დამტვირთველებია, რომლებიც მარტივი და ინტუიციური მართვით გამოირჩევა. მათი ჩანგლები SSAB Zero™ ფოლადისგან მზადდება, რის შედეგადაც წარმოებასთან დაკავშირებული ნახშირბადის ემისიები შესამჩნევად მცირდება.
ხშირად დასმული კითხვები
რა არის SSAB Zero™?
SSAB Zero™ გადამუშავებული ფოლადისგან მზადდება. წარმოებისას გამოიყენება წიაღისეული საწვავის გარეშე მიღებული ელექტროენერგია და ბიოგაზი, რის შედეგადაც ნახშირბადის ემისია საგრძნობლად მცირდება. ეს პირველი კომერციული ფოლადია, რომლის წარმოებასაც წიაღისეული საწვავის გამოყენებასთან დაკავშირებული თითქმის ნულოვანი ემისია აქვს.
GHG პროტოკოლის Scope 1 და Scope 2 სტანდარტების მიხედვით, 1 კგ SSAB Zero™ ფოლადის წარმოებისას წიაღისეული საწვავიდან გამოყოფილი ნახშირბადის ემისია 0.05 კგზე ნაკლებია.
რა უპირატესობები აქვს დაბალი ემისიის მქონე ტექნიკას?
რკინის მადნისგან წარმოებულ ტრადიციულ ფოლადთან შედარებით, დაბალი ემისიის მქონე მასალის გამოყენებისას ნაკლები ნახშირბადი გამოიყოფა. ამასთან, ფოლადის ხარისხი, ზომების სიზუსტე, სიმტკიცე და სხვა ფიზიკური თუ მექანიკური თვისებები არ იცვლება.
მოქმედებს თუ არა დაბალი ემისიის მქონე ფოლადი ტექნიკის გამძლეობასა და წარმადობაზე?
არა. ეს მასალა ტრადიციული ფოლადისთვის დადგენილ მაღალ სტანდარტებს აკმაყოფილებს. იგი ინარჩუნებს სიმტკიცეს, გამძლეობასა და საიმედოობას, ამიტომ ტექნიკა რთულ პირობებშიც სტაბილურად და ეფექტურად მუშაობს.
რას გულისხმობს ტერმინი „Cradle to gate“?
ეს პროდუქტის სასიცოცხლო ციკლის შეფასების მეთოდია. იგი მოიცავს ბუნებრივი რესურსების მოპოვებას, ნედლეულის დამუშავებასა და პროდუქტის წარმოებას ქარხნის დატოვებამდე. შეფასებაში არ შედის პროდუქტის გამოყენებისა და ექსპლუატაციის დასრულების შემდგომი ეტაპები.