ნულოვანი ემისიის პროგრამა
კლიმატური ცვლილებების საპასუხოდ, კომპანიის საქმიანობა ეფუძნება გაზომვად და მეცნიერულად დასაბუთებულ მიზნებს. ნულოვანი ემისიის მიღწევის სტრატეგია ეყრდნობა თანამედროვე კლიმატურ კვლევებს, რომლებიც გლობალური დათბობის შეზღუდვას ისახავს მიზნად. 2041 ფისკალური წლისთვის ნეტო ნულოვანი ემისიის მიღწევის გეგმა დადასტურებულია „მეცნიერებაზე დაფუძნებული მიზნების ინიციატივის“ (SBTi) მიერ, რაც ასახავს პასუხისმგებლიან მიდგომას გარემოზე ზემოქმედების შემცირების მიმართ.
მაღალი ამბიციები: დასახული მიზნები
საწყის ეტაპზე განისაზღვრა საბაზისო მაჩვენებელი (2023 ფისკალური წელი), ანუ ყოველწლიური ემისიების ზუსტი მოცულობა. ამ მონაცემებზე დაყრდნობით შეიქმნა ნულოვანი ემისიის მიღწევის პროგრამა. მთავარი მიზანია 2041 ფისკალური წლისთვის ღირებულების სრულ ჯაჭვში ნეტო ნულოვან მაჩვენებელზე გადასვლა. 2041 ფისკალური წლის უდიდესი ნაწილი 2040 კალენდარულ წელზე მოდის, რაც Toyota Material Handling Europe-ს კლიმატური მიზნების განხორციელებაში წამყვან პოზიციას ანიჭებს.
- 0%
იანი შემცირება 2031 ფისკალურ წლამდე.
- 0%
იანი შემცირება 2031 ფისკალურ წლამდე
-0%
იანი შემცირება 2041 ფისკალურ წლამდე.
რას ნიშნავს ეს მომხმარებლებისთვის, პარტნიორებისა და მომწოდებლებისთვის?
დეკარბონიზაცია ევროპული კომპანიებისთვის ერთ-ერთ მთავარ პრიორიტეტად იქცა. საერთო პასუხისმგებლობა და ნულოვანი ემისიის მისაღწევად გაერთიანებული ძალისხმევა თანამშრომლობისთვის ქმნის საფუძველს. როგორც მომწოდებელი, კომპანია სრულად მონაწილეობს SBTi-ს მიზნების მიღწევაში და ეხმარება პარტნიორ ორგანიზაციებს საკუთარი ემისიების შემცირებაში. ეს პროცესი ეფუძნება სრულ გამჭვირვალობასა და პასუხისმგებლობას ღირებულების მთელ ჯაჭვში.
მდგრადი ღირებულების შექმნა მომხმარებლებისთვის
მომხმარებლები ეძებენ საიმედო პარტნიორებს, რომლებიც იღებენ მეცნიერულად დასაბუთებულ ვალდებულებებს, აწვდიან ინფორმაციას ნახშირბადის რაოდენობის შესახებ და ამ მაჩვენებლის შესამცირებლად კონკრეტულ ნაბიჯებს დგამენ. 2041 ფისკალური წლისთვის დასახული მიზნების მისაღწევად გამოყოფილია 5 ძირითადი მიმართულება.
მომხმარებლების მხარდაჭერით ნახშიროჟანგის ემისიების შემცირებით, მცირდება კომპანიის ირიბი (Scope 3) ემისიებიც. ეს ერთობლივი მიდგომა ყველა მხარეს აძლევს საშუალებას, გაზომვად და გრძელვადიან პროგრესს მიაღწიოს.
დაბალი ემისიის პროდუქცია
Toyota პირველი მწარმოებელია ინდუსტრიაში, რომელმაც პროდუქციაში წიაღისეული საწვავისგან თავისუფალი ენერგიით დამზადებული მეორადი/გადამუშავებული ფოლადი (SSAB Zero™ Steel) გამოიყენა.
პირველადი ნედლეულისგან დამზადებულ ტრადიციულ ფოლადზე დამოკიდებულების შემცირებით მცირდება ტექნიკის წარმოებისთვის საჭირო მასალების ნახშირბადის ნაკვალევი, ხოლო პროდუქციის სიმტკიცე და გამძლეობა უცვლელი რჩება.
მომწოდებლები და პარტნიორები
მომწოდებლებზე მოდის ჯამური ნახშირბადის ნარჩენის 30% (Scope 3 Upstream). შესაბამისად, მათთან მჭიდრო თანამშრომლობას გადამწყვეტი როლი აქვს ემისიების შემცირების მიზნების მისაღწევად. პროცესში ჩართულნი არიან ისეთი მომწოდებლები, რომლებიც იზიარებენ SBTi-ს სტანდარტებს და გვაწვდიან ნახშირბადის მონაცემებს.
ასევე მიმდინარეობს მუშაობა ინოვაციურ მიდგომებზე მაღალი ნახშირბადოვანი ნედლეულისა და აკუმულატორების გავლენის შესამცირებლად. მომწოდებლებთან ერთად, ლოგისტიკურ პარტნიორებსაც ეძლევათ რეკომენდაცია, გადავიდნენ ალტერნატიულ სატრანსპორტო საშუალებებზე CO2-ის შემცირების მიზნით.
SBTi მიზნების მიღწევა ერთობლივი ძალისხმევით
ჩვენი გეგმა
დეკარბონიზაციის სტრატეგიის 5 ძირითადი მიმართულება
პირველი მიმართულება მოიცავს Scope 1 და Scope 2 ემისიებს, ხოლო დანარჩენი ოთხი მიმართულია Scope 3 ემისიების შემცირებაზე, კერძოდ, მეორე და მესამე მიმართულება ეხება მასალებს, რომლებზეც ემისიების 23.6% მოდის. მეოთხე მიმართულება ფარავს ექსპლუატაციის ფაზას (66.7%), ხოლო მეხუთე ეხება ტრანსპორტირებას (8%).
Scope 1 & Scope 2
1: ნულოვანი მაჩვენებელი ოპერაციებში
ენერგიის ეფექტურად გამოყენება და გადასვლა ნულოვანი ემისიის წყაროებზე:
- ნულოვანი ემისიის მქონე ავტოპარკი
- ნეტო ნულოვანი მაჩვენებელი ქარხნებში, წარმომადგენლობებსა და საწყობებში
- 100%-ით მწვანე ელექტროენერგია
Scope 3
Action 2: მასალების ემისიის შემცირება
ფოკუსირება მაღალი CO2 ინტენსივობის მასალებზე:
- გადასვლა გადამუშავებულ და მწვანე ფოლადზე
- დაბალი CO2 ინტენსივობის აკუმულატორების ტექნოლოგიების დანერგვა.
Scope 3
3: ცირკულარული ეკონომიკა
ეკო-დიზაინის გაუმჯობესება და ტექნიკის ექსპლუატაციის ვადის გახანგრძლივება:
- გადამუშავებული მასალებისა და ნაწილების გამოყენება;
- ტექნიკის გამოყენების ვადის გაზრდა.
Scope 3
4: ექსპლუატაციის ფაზის ემისიების შემცირება
მომხმარებლებთან თანამშრომლობა დაბალნახშირბადოვან ენერგომატარებლებზე გადასასვლელად:
- ახალი თაობის დამტვირთველების დაპროექტება
- მწვანე ელექტროენერგიის გამოყენება
- ენერგოეფექტიანობის ამაღლება
Scope 3
5: ლოგისტიკის ემისიების შემცირება
ლოგისტიკური პროცესების ოპტიმიზაცია:
- დაბალნახშირბადოვანი ტრანსპორტი
- ბიოსაწვავი და ელექტრომობილები
“ნახშირბადის ემისიის მიზანი ითვლება მეცნიერულად დასაბუთებულად, თუ ის შეესაბამება დეკარბონიზაციის იმ დონეს, რომელიც კლიმატის მკვლევართა შეფასებით აუცილებელია გლობალური ტემპერატურის მატების დაბალ, ხოლო ოპტიმალურ შემთხვევაში 1.5 გრადუსის ფარგლებში შესანარჩუნებლად ინდუსტრიამდელ პერიოდთან შედარებით.”
რა არის SBTi და რატომ არის მნიშვნელოვანი სამომავლო მიზნების დასახვა?
მეცნიერებაზე დაფუძნებული მიზნების ინიციატივა (SBTi) არის წამყვანი ორგანიზაცია, რომელიც კომპანიებს სათბურის გაზების ემისიის შემცირების მიზნების განსაზღვრასა და მათ სამეცნიერო ვალიდაციაში ეხმარება. SBTi CDP-ის, გაეროს გლობალური შეთანხმების (UN Global Compact), მსოფლიო რესურსების ინსტიტუტისა (WRI) და ბუნების დაცვის მსოფლიო ფონდის (WWF) თანამშრომლობით შეიქმნა.
უახლეს სამეცნიერო რეკომენდაციებზე დაყრდნობით, SBTi ადგენს ჩარჩოსა და გაიდლაინებს, რათა კომპანიებმა დასახონ რეალური და ეფექტიანი მიზნები კლიმატის ცვლილების უარყოფითი შედეგების თავიდან ასაცილებლად.
ემისიების კატეგორიები (Scopes)
კატეგორიები განსაზღვრულია სათბურის გაზების ოქმის (GHG Protocol) მიერ. ეს სისტემა საშუალებას იძლევა კომპანიის ემისიები დაჯგუფდეს პირდაპირი და ირიბი კონტროლის მიხედვით, რაც ემისიების ეფექტური მართვისა და შემცირების სტრატეგიისთვის ქმნის საფუძველს.
განმარტებები და ხშირად დასმული კითხვები
რა არის SBTi?
მეცნიერებაზე დაფუძნებული მიზნების ინიციატივა (SBTi) პარიზის შეთანხმების მიზნების შესაბამისად, ანუ ემისიების შესამცირებლად კომპანიებს მკაფიოდ განსაზღვრულ გზას სთავაზობს. მსოფლიოში 6 000-ზე მეტი ბიზნესი უკვე თანამშრომლობს SBTi-სთან.
რატომ არის მნიშვნელოვანი ნეტო ნულოვანი მაჩვენებელი?
ნეტო ნულოვანი ემისიის მისაღწევად აუცილებელია ატმოსფეროში გამოყოფილი ნახშირბადის დიოქსიდისა და ატმოსფეროდან შთანთქმული გაზის ბალანსის შენარჩუნება. ეს წონასწორობა აჩერებს სათბურის გაზების კონცენტრაციის ზრდას. ამ მიზნის მიღწევა ენერგიის წარმოებისა და მოხმარების, მასალების ტრანსპორტირებისა და პროდუქციის წარმოება-მოხმარების მიდგომების შეცვლას საჭიროებს.
რა არის კომპანიის საბაზისო მაჩვენებელი (Baseline)?
საბაზისო მაჩვენებელი არის ათვლის წერტილი (წელი), რომელიც SBTi-ს სტანდარტებთან მიმართებით შედარებითი ანალიზისთვის გამოიყენება.
არის თუ არა ნულოვანი ემისიის მიზნების დასახვა სავალდებულო?
ეს არ არის სავალდებულო. თუმცა კომპანიები, რომლებიც SBTi-ს 2022 წლის 15 ივლისის შემდეგ შეუერთდა, ვალდებულნი არიან, გამოიყენონ კრიტერიუმების მე-5 ვერსია, რაც მოითხოვს 1.5 გრადუსიან ტრაექტორიასთან შესაბამისობას.
არის თუ არა Toyota Material Handling Europe-ის მიზნები დამტკიცებული SBTi-ს მიერ?
დიახ, მიზნები ოფიციალურად დადასტურებულია.
რა არის Toyota Material Handling Europe-ის SBTi მიზნები?
2024 წლის 27 მარტს SBTi-მ დაადასტურა Toyota Material Handling Europe AB-ის მიერ წარდგენილი სათბურის გაზების შემცირების მიზნები SBTi-ს კორპორაციულ ნეტო ნულოვან სტანდარტებთან თავსებადობად. მთავარი მიზანია 2041 ფისკალური წლისთვის ღირებულების მთელ ჯაჭვში ნეტო ნულოვან ემისიებზე გადასვლა.