ავტომატიზაციის ინტელექტუალური პროგრამა T-ONE
შიდა ლოგისტიკური პროცესების ერთმანეთთან დაკავშირება და მართვა
T-ONE Toyota-ს მიერ შექმნილი ავტომატიზაციის პროგრამაა. ის შუალედური რგოლის ფუნქციას ასრულებს და ერთმანეთს უკავშირებს Toyota Autopilot-ის ავტომატიზებულ სატრანსპორტო საშუალებებს (AGV) და საწყობში უკვე არსებულ ინფრასტრუქტურას – მართვის სისტემებს, ტვირთის იდენტიფიცირების საშუალებებსა და სხვა ტექნიკას. T-ONE თანამედროვე, სერვისებზეა მორგებული და API-ების დახმარებით პლატფორმასთან მარტივად ინტეგრირდება.
პროგრამა სტაბილურად მუშაობს, ოპერაციების ზრდას ერგება და სასაწყობო სივრცეში სწრაფად ინტეგრირდება. ამიტომ ის განსაკუთრებით გამოსადეგია იქ, სადაც ერთდროულად ბევრი ტექნიკა მოძრაობს. სისტემის კონფიგურირება სხვადასხვა სამუშაო დატვირთვაზეა შესაძლებელი. ოპერატორისთვის შექმნილია მოქნილი სამუშაო ეკრანი, საიდანაც ავტოპილოტების მართვაც ხერხდება. დამატებით T ONE პროგრამა აგროვებს წარმადობის მონაცემებს და მათ ვიზუალური გრაფიკების სახით პირდაპირ ეკრანზე ასახავს.
რას გულისხმობს T-ONE?
ოპტიმიზაცია
ნაკადისა და ეფექტურობის ოპტიმიზაცია
ერთი ნაბიჯით წინ აზროვნებისა და პროცესების მუდმივი მონიტორინგის წყალობით, T-ONE:
- დინამიკური განაწილების ინტელექტუალური ფუნქციით სატრანსპორტო შეკვეთების შესრულებას აუმჯობესებს და შეკვეთის დამუშავების დროს ამცირებს
- შეკვეთებისა და ტრანსპორტის მართვის მოწინავე სისტემით ტვირთს სტაბილურად და უწყვეტად გადაადგილებს
- ბიზნესის ზრდასთან ერთად სისტემის მარტივად გაფართოების საშუალებას იძლევა
- მოსახერხებელი ინტერფეისით KPI მაჩვენებლებზე წვდომას იძლევა
ნავიგაცია
NAVIGATE INTELLIGENTLY AND QUICKLY
Thanks to the advanced order/transport control, T-ONE:
- Always chooses the most ideal path for the Autopilots by scanning the system and adapting to changes of the planned travel path
- Makes sure the AGVs have less waiting time and fewer travels without a load
- Allocates orders to the best-suited Autopilots, taking the entire operations flow into account.
განხორციელება
EXECUTE SAFELY AND ACCURATELY
To execute orders to your exact needs, T-ONE:
- Ensures that all loads are delivered when and where you need them,
thanks to intelligent order allocation - Keeps track of your system and Autopilots to deliver your goods accurately
& efficiently - Provides a robust order execution to guarantee a steady logistic flow according to the expected throughput
- Communicates with other systems in the material flow to pick up loads
just in time
როგორ მართავს T-ONE ოპერაციებს?
T-ONE Toyota-ს ავტომატიზებული სისტემების ბირთვია: ის მთლიან ოპერაციას ზედამხედველობს და მუდმივად აუმჯობესებს. პროგრამა Toyota-ს AGV-ების შეკვეთებისა და მოძრაობის მართვაზეა პასუხისმგებელი და მრავალ ფუნქციას ითავსებს:
შეკვეთის ინიცირება
T-ONE-ში შეკვეთის დაწყება რამდენიმე გზით შეიძლება, ოპერაციის სპეციფიკის მიხედვით: საწყობის მართვის სისტემიდან (WMS), სამუშაო ადგილებზე განთავსებული ღილაკებით (Toyota ამისთვის CallMe ეკრანსა და CallMe ღილაკებს სთავაზობს დამკვეთს) ან მობილურ მოწყობილობებზე მორგებული ვებ-ინტერფეისით. შეკვეთის ინიცირება ასევე შესაძლებელია I/O სიგნალებით – ფოტოუჯრედებით, ფიზიკური ღილაკებითა და PLC კონტროლერებით – ან შტრიხკოდის სკანერებით, როგორც ხელის, ისე კონვეიერზე დამონტაჟებულით.
დანიშნულების ადგილის განსაზღვრა
შეკვეთის დანიშნულების ადგილი ან ინიცირებისას განისაზღვრება, ან ტვირთის აღების ადგილზე ID-ის დასკანერების შემდეგ. ცხრილების ფუნქციის დახმარებით მიმართულების შერჩევა სკანირებისას მიღებული ინფორმაციის, I/O სიგნალის ან სხვა ნებისმიერი მონაცემის საფუძველზეც ხერხდება. ამ განაწილებას ოპერატორი მართავს და საჭიროებისამებრ ცვლის, მაგალითად, დილისა და შუადღის განრიგი შეიძლება ერთმანეთისგან განსხვავდებოდეს.
ტრანსპორტირების მენეჯმენტი
T-ONE შეკვეთების შესრულების თანმიმდევრობასაც განსაზღვრავს. პრიორიტეტების დადგენა WMS-იდან ან თავად T-ONE-იდან შეიძლება. ამის ალტერნატივაა მარტივი წესი: ჯერ ის შეკვეთა სრულდება, რომელიც პირველი შემოვიდა. შეკვეთა შეიძლება ერთ გადაზიდვას მოიცავდეს, ან მთლიანი რიგის თუ ზონის დაცლას. ამას გარდა, არსებობს რამდენიმე ალტერნატიული გზა:
- გადაზიდვა A წერტილიდან B წერტილამდე, ორ სადგურს შორის
- წრიული მარშრუტი რამდენიმე გაჩერებით
- მრავალეტაპიანი გადაზიდვის პროცესში ტვირთის გადაადგილებას რამდენიმე დანადგარი ინაწილებს. მსგავსი მიდგომის შედეგად თითოეულ მონაკვეთზე ზუსტად ის ტექნიკა მუშაობს რომელიც კონკრეტული დავალებისთვის ყველაზე შესაფერისია.
მაჩვენებლები და შეცდომების ვიზუალიზაცია
სისტემის მუშაობის შესაფასებლად T-ONE მაჩვენებლებს აგროვებს და ეკრანზე გრაფიკულ გამოსახულებებად აჩვენებს:
- მონიტორინგი: მოიცავს აქტიური და დასრულებული დავალებების დეტალებს საწყისი ლოკაციის, დანიშნულების წერტილისა და ტვირთის მახასიათებლების ჩათვლით.
- სტატისტიკური მაჩვენებლები: ასახავს გასული ოცდაათი დღის განმავლობაში შესრულებული ოპერაციების სრულ ისტორიას.
ავტორიზაციის კონტროლი და უსაფრთხოება
AGV დანადგარების დაცულად მართვის მიზნით T ONE სისტემაში პროფილების ადმინისტრირების მოდულია დამატებული. მთავარი ადმინისტრატორი ქსელში ანგარიშებს აგენერირებს და დაშვების დონეებს განსაზღვრავს. სისტემაში შესვლისთანავე სამუშაო ეკრანზე ჩანს მხოლოდ ის ფუნქციონალი რომელიც კონკრეტული როლისთვისაა გაწერილი. დამატებითი უსაფრთხოებისთვის პროგრამა იმახსოვრებს თითოეულ ავტორიზაციასა და განხორციელებულ აქტივობას. ბრაუზერსა და T ONE სერვერს შორის მიმოქცეული ინფორმაცია SSL და TLS უსაფრთხოების სტანდარტით იშიფრება. მსგავსი დაცვის პირობებში ინფორმაციის გადაწერა ან შეცვლა ფაქტობრივად შეუძლებელია.
სისტემური ინტეგრაცია
Toyota-ს ავტომატიზაციის პროგრამა ობიექტზე უკვე არსებულ სისტემებთანაც თავსებადია, მათ შორისაა:
- WMS (REST ინტერფეისი)
- OPC DA (ლოგიკური სიგნალები - PLC კონტროლერები, კონვეიერები, რობოტული უჯრედები, კარები, სახანძრო სიგნალიზაცია)
- OPC UA (PLC კონტროლერები, კონვეიერები, რობოტული უჯრედები, კარები, სახანძრო სიგნალიზაცია)
ბატარეის მართვა
Autopilot-ის ტექნიკა ტყვია-მჟავა ან ლითიუმ-იონის ბატარეებით მუშაობს. ლითიუმ-იონის ბატარეების დატენვა პირველივე შესაძლებლობისას და ავტომატურ რეჟიმშიც შესაძლებელია.
ბატარეის მართვის ფუნქციით წინასწარ დგინდება წესები, თუ როდის უნდა დაიტენოს სისტემაში ჩართული ტექნიკა. დატენვის ოპტიმალური სქემა რამდენიმე ფაქტორზეა დამოკიდებული: ობიექტის განლაგებაზე, საჭირო გამტარუნარიანობაზე, ფლოტის შემადგენლობასა და ბატარეის ტიპზე. Toyota-ს Autopilot-ები დატენვის სამივე რეჟიმს იყენებს: სარეზერვოს, პირველივე შესაძლებლობისას და დაგეგმილ დატენვას.