ელექტრო დასადგომი ურიკა

მაღალი ეფექტურობა

კომპაქტური დიზაინის დახმარებით, BT Levio სატვირთო ურიკა 360° მართვის სისტემითა და შეუფერხებელი მოძრაობით გამოირჩევა. მიმართულების სწრაფად შეცვლის ფუნქცია განსაკუთრებით მოსახერხებელია დატვირთულ ზონებსა და ვიწრო დერეფნებში მუშაობისას. შედეგად, დაბრკოლებები იხსნება და ტვირთის გადატანის პროცესი გაცილებით სწრაფად მიმდინარეობს.

ოპერატორის კომფორტი

ერგონომიული კაბინა ოპერატორს სამუშაო პროცესს უმსუბუქებს. კაბინის დიზაინში გათვალისწინებულია მარჯვენა მხარეს განთავსებული რეგულირებადი მოდული და მარტივად მისადგომი მართვის პანელი. დამატებით, ინტუიციური სენსორული ეკრანი და დასაჯდომად თუ დასადგომად განკუთვნილი სკამი დაღლილობას ამცირებს, რაც სამუშაო გარემოს კიდევ უფრო აუმჯობესებს.

ენერგოეფექტური ლითიუმ-იონის ტექნოლოგია

ერგონომიული დამტენი პორტის დახმარებით, ტექნიკა სწრაფად და უსაფრთხოდ იმუხტება. BT Levio LS1200 მოდელისთვის ხელმისაწვდომია Toyota ბრენდის ლითიუმ-იონის ტექნოლოგიაზე დაფუძნებული ბატარეის სამი ინტელექტუალური მოდული. აღნიშნული სისტემა ენერგიას ეკონომიურად მოიხმარს და ხარჯებს ამცირებს.

უსაფრთხოება

უსაფრთხოების მაქსიმალურად დასაცავად, მოსახვევებში სისტემა სიჩქარეს ავტომატურად ანელებს. ტექნიკაში ასევე ჩამონტაჟებულია ოპერატორის არსებობის სენსორი, რომელიც მუშაობის პროცესს დამატებით აკონტროლებს. მეტი სიფრთხილისთვის, კომპლექტაციას ემატება გამაფრთხილებელი ლურჯი LED ნათურაც, რომელიც გარშემომყოფებს ტექნიკის მოახლოებას ანიშნებს.