დასაჯდომი გამწევი და პლატფორმიანი დამტვირთველები
Toyota Tracto-ს საბუქსირე ხაზი მოიცავს როგორც საშუალო დატვირთვის კომპაქტურ დამტვირთველებს, ისე შედარებით დიდ, მძიმე სამუშაოებისთვის განკუთვნილ მოდელებს 4-დან 50 ტონამდე დიაპაზონში. უფრო კომპაქტური 3-ბორბლიანი მოდელები გამოდგება ისეთი საბუქსირე ოპერაციებისთვის, როგორებიცაა საწარმოო ხაზების დროული მომარაგება ან მაღალი სიჩქარით ტრანსპორტირება შიდა და გარე სივრცეში. 4-ბორბლიანი ასორტიმენტი მოიცავს მოდელების მრავალფეროვან არჩევანს წარმოების მოსამარაგებლად ან საავადმყოფოებში, რკინიგზის სადგურებსა და აეროპორტებში არსებული სატრანსპორტო საჭიროებების დასაკმაყოფილებლად. ტვირთისა თუ სპეციფიკური აღჭურვილობის ბუქსირებისა და ტრანსპორტირებისთვის ჩვენ ასევე გთავაზობთ ბაქნიან სატვირთველებს 2000 კგ-მდე ტვირთამწეობით.
ტვირთის გადაადგილება შენობის შიგნით
კომპაქტური 3 ბორბლიანი მოდელები – Tracto TTE40 და TTE71 – კარგი არჩევანია ავტოინდუსტრიაში დეტალების გადასაადგილებლად ან სადისტრიბუციო ცენტრებში ტვირთის გადასაზიდად. მცირე ზომებისა და 3 -ბორბლიანი მართვის სისტემის წყალობით, ამ ტექნიკას მოხვევის მცირე რადიუსი აქვს, რის გამოც ვიწყო სივრცეებში ეფექტურად მანევრირებს.
ეფექტური მუშაობა ღია სივრცეში
სპეციალური საბურავებისა და ამინდისგან დამცავი აღჭურვილობის წყალობით, Toyota-ს გამწევი დამტვირთველები უმკლავდება რკინიგზის სადგურებისა თუ აეროპორტების ღია ტერიტორიებზე არსებულ გამოწვევებს. ტექნიკა აღჭურვილია სრულად დახურული კაბინით, სადაც სურვილისამებრ გათბობის სისტემის დამონტაჟებაც შეიძლება. ეს კი ოპერატორს გადატვირთულ გარემოში მუშაობისას უსაფრთხო და მოსახერხებელ პირობებს უქმნის.
მძიმე ტვირთის გადაზიდვა
მძლავრი 4 ბორბლიანი გამწევი დამტვირთველები 50 ტონამდე ტვირთის გადასაზიდად არის განკუთვნილი. მყარი კონსტრუქციისა და მაღალი გამწევი ძალის დამსახურებით, ოპერატორი სრულიად უსაფრთხოდ მუშაობს და საქმეს ეფექტურად ასრულებს.
მცირე ზომის ტვირთის გადაზიდვა
სამრეწველო ობიექტებსა თუ აეროპორტებში ხშირად ჩნდება ტექნიკური მომსახურების ხელსაწყოებისა და სხვადასხვა აღჭურვილობის გადატანის საჭიროება. ასეთ დროს პლატფორმიანი დამტვირთველები საქმეს ამარტივებს. ამ ტიპის ტექნიკას პლატფორმაზე 2 ტონამდე ტვირთის განთავსება შეუძლია, ხოლო მისი ტვირთამწეობა 10 ტონას აღწევს.
ნებისმიერი ტიპის ტვირთის გადაადგილება
Tracto-ს სერიის მოდელები მრავალფეროვანი ფუნქციონალითა და სხვადასხვა აღჭურვილობით გამოირჩევა, რის გამოც ისინი თითქმის ნებისმიერ ამოცანას ასრულებს.
მოსახერხებელი ჩასხდომა
Tracto-ს სერიის ყველა მოდელს დაბალი საფეხური აქვს, რაც ოპერატორს კაბინაში მარტივად ასვლისა და ჩამოსვლის საშუალებას აძლევს. ეს ფუნქცია განსაკუთრებით მოსახერხებელია ხშირი გაჩერებების დროს. 15 ტონაზე მეტი ტვირთამწეობის მოდელებისთვის შესაძლებელია გასაგორებელი კარებით აღჭურვილი კაბინის შერჩევა, რაც კიდევ უფრო კომფორტული და მოსახერხებელია.
ნელი სვლის (მიახლოების) ღილაკები
გამწევი დამტვირთველისა და მისაბმელის ერთმანეთთან მარტივად დასაკავშირებლად, Tracto-ს სერიის მოდელებს აქვს მიახლოების ღილაკები, რომელთა საშუალებითაც ტექნიკის წინ ან უკან მცირე მანძილით გადაადგილებაა შესაძლებელი. ეს ღილაკები აუმჯობესებს ერგონომიკას და ამცირებს ოპერატორის კაბინიდან ხშირად ჩამოსვლის საჭიროებას
გარე სამუშაოებისთვის განკუთვნილი აღჭურვილობა
უსწორმასწორო ზედაპირზე გადაადგილებისთვის ტექნიკა აღჭურვილია პნევმატური საბურავებით. გარე სამუშაო პირობებში ოპერატორის დასაცავად, Tracto-ს მოდელები შეიძლება დაკომპლექტდეს დამცავი სახურავით ან სრულად დახურული კაბინით.
ავტომობილის მსგავსი მართვის სისტემა
მართვის პანელი და სამუშაო სივრცე მსუბუქი ავტომობილის მსგავსადაა მოწყობილი: საჭე, პედლები, ხელმისაწვდომ ადგილას განთავსებული მართვის ელემენტები და ეკრანი. დიდ მოდელებზე შესაძლებელია მეორე სავარძლის დამატებაც.
მოქნილი პლატფორმული სისტემა
Toyota-ს პლატფორმიან დამტვირთველებს უკანა ნაწილში აქვს მოსახერხებელი პლატფორმა, რომელიც განკუთვნილია ტექნიკური ხელსაწყოების, სპეციალური მოწყობილობებისა თუ სხვა მცირე ზომის ტვირთის გადასატანად.
პლატფორმა
გამძლე მასალისგან დამზადებულ სტანდარტულ პლატფორმას არ აქვს გვერდითი დამცავები. თუმცა, კონკრეტული ამოცანებიდან გამომდინარე, ტვირთის უფრო უსაფრთხო გადაზიდვისთვის შესაძლებელია გვერდითი დამცავების დამატებით შეკვეთა. პლატფორმის მაქსიმალური ტვირთამწეობა 2 ტონას შეადგენს.
ოპერატორის სამუშაო სივრცე
ერგონომიკის გასაუმჯობესებლად, სავარძელი და საჭის სვეტი ოპერატორის სიმაღლეზე მარტივად რეგულირდება. ეკრანზე კი, პროცესების სამართავად, გამოსახულია ყველა საჭირო მონაცემი.
ნელი სვლის (მიახლოების) ღილაკები
პლატფორმიან დამტვირთველებს 10 ტონამდე მასის მისაბმელების გადაზიდვა შეუძლია. მისაბმელთან დაკავშირების გასამარტივებლად, ტექნიკის გვერდითა პანელზე განთავსებული მიახლოების ღილაკებით შესაძლებელია დამტვირთველის წინ ან უკან ფრთხილად გადაადგილება.
განათება უსაფრთხოებისთვის
უსაფრთხოების გასაზრდელად და სამუშაო ზონის უკეთ გასანათებლად, Toyota-ს პლატფორმიანი დამტვირთველები აღჭურვილია წინა და უკანა LED ფარებითა და მოხვევის მაჩვენებლებით. სურვილის შემთხვევაში, შესაძლებელია ლურჯი LED უსაფრთხოების ნათებისა და ციმციმა შუქურების დამატებაც.