ტყვია-მჟავა ბატარეები Toyota-სგან
ტვირთის დამუშავების სფეროში ტყვია-მჟავა ბატარეებს ხანგრძლივი და სანდო რეპუტაცია აქვს. ელექტრო დამტვირთველების ენერგიის წყაროებს შორის ის ყველაზე ეკონომიურია, ამასთან საიმედოდ და სტაბილურად მუშაობს, განსაკუთრებით მაშინ, როდესაც სამუშაო დატვირთვა წინასწარ პროგნოზირებადია.
რა არის ტყვია-მჟავა ბატარეა და როგორ მუშაობს?
ტყვია-მჟავა ბატარეა ელექტრო დამტვირთველების ყველაზე ტრადიციული ენერგიის წყაროა. ბატარეის შიგნით გოგირდმჟავა და წყალი დამუხტულ ფირფიტებთან ურთიერთქმედებს, შედეგად კი ასე გროვდება და გაიცემა ენერგია.
დროთა განმავლობაში სითხე ორთქლდება, ამიტომ ბატარეას რეგულარული მოვლა სჭირდება, მათ შორის წყლის დამატება. ეს პროცედურები ბატარეის მუშაობის ვადასა და წარმადობას ინარჩუნებს.
ტყვია-მჟავა ბატარეები კარგად ერგება ოპერაციებს, სადაც:
- დღეში ორი ან სამი ცვლა მუშაობს
- ბატარეის დატენვის ან გამოცვლისთვის დროის გამოყოფა შესაძლებელია
- დასატენი და გამოსაცვლელი სადგურებისთვის შესაბამისი ინფრასტრუქტურა არსებობს
ეს ბატარეები განსაკუთრებით გამოსადეგია:
- დახურულ სასაწყობე გარემოში
- პროგნოზირებადი დატვირთვის პირობებში
- ეკონომიურ რეჟიმზე ორიენტირებული ბიზნესებისთვის
- ობიექტებზე, სადაც დატენვის, მოვლისა და ბატარეების შენახვისთვის საკმარისი სივრცე და რესურსია
რა უპირატესობები აქვს ტყვია-მჟავა ბატარეას?
ეკონომიურია
ელექტრო ტექნიკის ენერგიის წყაროებს შორის ყველაზე ხელმისაწვდომი ვარიანტია და კარგად ერგება ბიზნესებს, რომლებიც ტექნიკაში დიდი ინვესტიციისთვის ჯერ მზად არ არიან.
გამძლე და საიმედოა
სათანადო მოვლის შემთხვევაში ტყვია-მჟავა ბატარეა 7 წლამდე ძლებს და ერთ ცვლაში 8 საათამდე შეუფერხებლად მუშაობს.
გადამუშავებადია
ტყვია-მჟავა ბატარეების 99% გადამუშავებადია, შესაბამისი სისტემები კი მსოფლიოში ფართოდ არის დანერგილი.
გასათვალისწინებელი ფაქტორები
რეგულარული მოვლის საჭიროება
შეფერხების თავიდან ასაცილებლად ბატარეას წყლის დამატება და გაწმენდა რეგულარულად სჭირდება.
დატენვისა და გაგრილების ხანგრძლივი დრო
დატენვას 8-12 საათი სჭირდება, რასაც გაგრილების დროც ემატება. ამ პერიოდში ტექნიკა ვერ მუშაობს, თუ გამოსაცვლელად სათადარიგო ბატარეები ხელმისაწვდომი არ არის.
ვენტილაციის საჭიროება
დატენვისას აირი გამოიყოფა, ამიტომ უსაფრთხოებისთვის სპეციალურად გამოყოფილი, კარგად ვენტილირებადი სივრცეა აუცილებელი.
ნაკლები ეფექტურობა ცივ გარემოში
დაბალ ტემპერატურაზე ტყვია-მჟავა ბატარეამ შესაძლოა ტევადობა დაკარგოს, ამიტომ სამაცივრე საწყობებსა და ზამთრის გარე სამუშაოებზე ის ნაკლებად გამოსადეგია.