ავტომატიზაციის სერვისი, რომელიც ინვესტიციას პირველივე დღიდან ამართლებს

თანამედროვე ლოგისტიკაში კადრების დეფიციტი, გაზრდილი მოთხოვნები, ტვირთის დაზიანება, მარაგების დაკარგვა და შეფერხებული პროცესები ხშირი პრობლემაა. ტექნოლოგიების განვითარებასთან ერთად ნათელი ხდება, რომ ავტომატიზაციაზე გადასვლა ამ სირთულეების უმეტესობას აგვარებს. თუმცა, დიდ ინვესტიციამდე კომპანიებს სურთ დარწმუნდნენ, რომ ახალი სისტემა რეალურ შედეგს მოიტანს და არსებულ სამუშაო გარემოს შეეთავსება.Toyota Material Handling-ი ბაზარს სთავაზობს Swarm Automation Go-ს. ეს არის პალეტების გადაზიდვისა და დასაწყობების დაბალრისკიანი და მარტივად დასანერგი მოდელი. მისი დახმარებით დამწყები თუ გამოცდილი კომპანიები ახერხებენ, თავდაპირველი დიდი დანახარჯების გარეშე გამოცადონ სიახლე მცირე მასშტაბით, ან მხოლოდ ერთი კონკრეტული სამუშაო მიმართულება გადაიყვანონ ავტომატურ რეჟიმზე.

უპირატესობები
რას მოიცავს
ვისთვისაა?

Swarm Automation Go-ს უპირატესობები

ავტომატიზებული პროცესების დახმარებით კომპანიები ნაკლებად აზიანებენ ტვირთს, ზოგავენ რესურსებს, მოიხმარენ ნაკლებ ენერგიას და ზრდიან უსაფრთხოების დონეს. ამ სტანდარტულ დადებით მხარეებთან ერთად, სისტემა Swarm Automation Go ბიზნესს დამატებით სარგებელს სთავაზობს:

კომპანიებს დიდი საწყისი დანახარჯები არ სჭირდებათ. ფიქსირებული ყოველთვიური გადასახადი უკვე სრულად ფარავს სისტემის დამონტაჟებასა და ტექნიკურ მომსახურებას. სურვილის შემთხვევაში კი მოკლევადიანი ხელშეკრულება მარტივად იცვლება გრძელვადიანი თანამშრომლობით.

საწყის ეტაპზე ხელშეკრულება 6 თვიანი ვადით ფორმდება. ბიზნესგეგმების ცვლილებისას პირობების განახლება მოკლე დროში, ყოველგვარი გართულების გარეშე მიმდინარეობს.

მომხმარებელი იღებს სრულ პაკეტს. მასში შედის ყველა ტექნიკური თუ პროგრამული დეტალი, რომელიც პალეტების გადატანის, დასტაბელებისა და პროცესების შეუფერხებელი მართვისთვის არის საჭირო.

ბიზნესი ავტომატიზაციას საწყის ეტაპზე მცირე მასშტაბით ცდის. მოგვიანებით კი, უფრო დიდ პროექტებზე გადასვლისას, ის სრულ მხარდაჭერას იღებს.

ავტომატიზებული სისტემა იჯარით

კომპანიას ერთიანად გადაეცემა ყველა ტექნიკური მოწყობილობა, პროგრამული ნაწილი და დამხმარე აქსესუარი, რაც სამუშაო პროცესის შეუფერხებლად წარმართვას სჭირდება. საიჯარო შეთანხმება მინიმუმ ექვს თვეს მოიცავს და ტექნიკურ მომსახურებასაც სრულად ფარავს.

როგორ მუშაობს სისტემა?

სისტემის ძირითადი კომპონენტებია Toyota AGV, T-ONE პროგრამული უზრუნველყოფა და CallMe ეკრანი.

ლოგისტიკური პროცესი Callme ეკრანზე თითი დაწერით იწყება. ოპერატორის ამ ბრძანების შემდეგ შტაბელერი პალეტების გადატანას იწყებს. ეს ფუნქცია ხელმისაწვდომია ნებისმიერ პორტატულ მოწყობილობაზე, რომელსაც ინტერნეტთან წვდომა აქვს, მათ შორის Toyota ბრენდის ინდუსტრიულ პლანშეტზეც.
სატრანსპორტო მარშრუტებს სპეციალისტები პროგრამა T ONE დახმარებით ქმნიან და ანახლებენ. ეს სისტემური პროგრამა ასევე მართავს შეკვეთების მიღებასა და მათ შეუფერხებლად შესრულებას

მოწყობილობის 360 გრადუსიან უსაფრთხოებას სპეციალური სენსორული ტექნოლოგია განაპირობებს. ადამიანის ან რაიმე დაბრკოლების დაფიქსირებისთანავე ტექნიკა მყისიერად ანელებს სვლას ან სრულად ჩერდება. დამატებითი დაცვის მიზნით მასზე ავარიული გაჩერების ღილაკებიც არის დამონტაჟებული.
ტექნიკა მოძრაობისას განსაკუთრებულ სიზუსტესა და სტაბილურობას ინარჩუნებს. შესაბამისად, ტვირთი და საწყობის ინფრასტრუქტურა დაზიანებისგან დაცულია. ამასთან ერთად მცირდება საქონლის არასწორად განთავსების რისკი და იზოგება ენერგია. საბოლოოდ კი ეს ყველაფერი საოპერაციო ხარჯებს ამცირებს.

მინდა მეტი გავიგო Swarm Automation Go-ს შესახებ

სხვა ავტომატიზაციებს ეძებ?

ვისთვის არის განკუთვნილი მოკლევადიანი ავტომატიზაცია?

მოკლევადიანი ავტომატიზაცია სხვადასხვა ტიპის ბიზნესს გამოადგება. თუმცა, სისტემა ყველაზე ეფექტურად იქ მუშაობს, სადაც წარმოება მინიმუმ ორ ცვლაში მიმდინარეობს და ტვირთბრუნვის პროცესში რუტინული დავალებები ჭარბობს.

კომპანიები, რომლებიც ავტომატიზაციას პირველად ნერგავენ: ვინაიდან დიდი საწყისი დანახარჯები საჭირო არ არის, ბიზნესი სიახლეს ჯერ მცირე მასშტაბით ცდის. შესაბამისად, ახალ ტექნოლოგიებზე გადასვლის პროცესს ფინანსური რისკები არ ახლავს თან.

კომპანიები, რომლებიც ავტომატიზებულ სისტემებს უკვე იყენებენ: ახალ მიმართულებებზე დიდი თანხის დახარჯვამდე, ბიზნესი კონკრეტული ლოგისტიკური ოპერაციების ავტომატურ რეჟიმში მუშაობას წინასწარ ამოწმებს.