დასაწყობებისა და გაცემის ავტომატიზებული სისტემა
საწყობის მართვისას კადრების ნაკლებობა და შეზღუდული სივრცე ხშირად სერიოზულ დაბრკოლებას ქმნის. თანამშრომლებს უჭირთ ერთფეროვანი დავალებების ხანგრძლივად შესრულება ან დაბალტემპერატურულ სამაცივრე ზონებში მუშაობა. ამასთან, მცირე ფართობში რთულია მარაგების სწორად გადანაწილება და პროდუქციის დროულად გაგზავნა.
Toyota-ს Swarm Automation Storage (ASRS) პალეტების დასაწყობებისა და გაცემის ავტომატიზებული ტექნოლოგიაა, რომელიც AGV ტექნიკითა და შატლებით იმართება. ეს სისტემა ამცირებს ადამიანურ რესურსზე დამოკიდებულებას, ინარჩუნებს სტაბილურ და უწყვეტ სამუშაო რიტმს, მაქსიმალურად ითვისებს სასაწყობე სივრცეს და ადვილად ერგება ბიზნესის ზრდას. ტვირთის მიღებიდან გაგზავნამდე მთლიან პროცესს Toyota-ს მაღალი ხარისხის დამტვირთველები და სასაწყობე ტექნიკა ემსახურება. Toyota Automated Logistics Group-ის პარტნიორობა კი ნებისმიერი ლოგისტიკური ამოცანის საიმედოდ შესრულების გარანტიაა.
სასაწყობე სივრცის ეფექტური ათვისება Swarm Automation Storage-ით
როგორ შეიძლება არსებულ შენობაში დამატებითი ფართობის გამოთავისუფლება? Toyota-ს ავტომატიზებული რადიოშატლი და მაღალი სიმჭიდროვისთვის განქუთვნილი თაროები ქმნის ისეთ სასაწყობო ინფრასტრუქტურას, რასაც პალეტირებული ტვირთი სპეციალურად გამოყოფილი დერეფნების გარეშე გადაადგილდება და თავსდება.
სისტემის მთავარი კომპონენტები
ეს ავტომატიზებული პროცესი Toyota-ს სამ ძირითად ტექნოლოგიას მოიცავს:
- რადიოშატლი და მაღალი სიმჭიდროვის თაროები: ამ ტექნოლოგიით სასაწყობე სივრცის 80%-მდე ათვისება ხერხდება. Toyota-ს რადიოშატლი დამტვირთველების დახმარებით თავსდება თაროს ზოლში და პალეტებს სიღრმეში გადააადგილებს.
- ავტომატიზებული რიჩ დამტვირთველები: AGV ტექნიკა ზრდის პროდუქტიულობას და ტვირთის დაზიანების რისკს ამცირებს.
- T-ONE მართვის სისტემა: ჭკვიანი პროგრამული უზრუნველყოფა Toyota-ს AGV ტექნიკას, შატლებსა და საწყობის მართვის სისტემებს (WMS) ერთმანეთთან აკავშირებს.
როგორ იმართება ეს პროცესი?
- პალეტები თაროებთან Toyota-ს ავტომატიზებულ დამტვირთველებს მიაქვს, თაროს სიღრმეში კი ტვირთს შატლი გადააადგილებს
- Toyota-ს რადიოშატლი თაროს ზოლებს შორის AGV ტექნიკის დახმარებით გადადის.
- Toyota-ს T-ONE მართვის სისტემა (WES) აკონტროლებს დასაწყობების ადგილებს, ტექნიკისა და შატლების მოძრაობას, ამასთან პირდაპირ კომპანიის სასაწყობე პროგრამას (WMS)
- სისტემა თანაბრად ეფექტურია როგორც FIFO, ისე LIFO მარაგების მართვის პრინციპების გამოყენებისას.
სისტემის უპირატესობები
კონფიგურაციის შესაძლებლობა
მაღალი სიმჭიდროვის სისტემა პროცესების ავტომატიზაციისკენ გადადგმული პირველი, მარტივი ნაბიჯია. მოქნილი კონსტრუქცია არსებულ ფართობს კარგად ერგება, ხოლო ტექნიკისა და შატლების რაოდენობა ტვირთბრუნვის გაზრდასთან ერთად ეტაპობრივად იზრდება.
მეტი ტევადობა ნაკლები დანახარჯით
ეს კონცეფცია სტანდარტულ თაროებთან შედარებით 80%-ით მეტ სიმჭიდროვეს იძლევა და სხვა მაღალი სიმჭიდროვის სისტემებთან შედარებით ბევრად ნაკლებ ინვესტიციასმოითხოვს.
დროში გამოცდილი ტექნოლოგია და ტექნიკური მხარდაჭერა
სისტემა გამოცდილ ტექნიკასა და მარტივ პროგრამულ უზრუნველყოფას იყენებს. რამდენიმე შატლი და AGV ტექნიკა კოორდინირებულად მუშაობს, ხოლო Toyota-ს გუნდი ყოველთვის მზადაა ტექნიკური მხარდაჭერისთვის.
ენერგოეფექტურობა
ტვირთის გადაადგილების მარშრუტები იმდენად ზედმიწევნით არის გათვლილი, რომ ენერგიის მოხმარება საგრძნობლად მცირდება.
24/7-ზე უწყვეტი სამუშაო რეჟიმი
სისტემა ოპერატორების პირდაპირი ჩართულობის გარეშე, 24 საათიან რეჟიმში მუშაობს.
სწრაფი პროცესები
სწრაფი შატლები და ბატარეის ავტომატური დამუხტვის სისტემა სამუშაო ტემპსა და მაღალ წარმადობას ინარჩუნებს.
უსაფრთხო სამუშაო გარემო
ტექნიკა მილიმეტრული სიზუსტით მოძრაობს, რაც ტვირთის დაზიანებისა და პერსონალის ტრავმირების რისკს ამცირებს.
სად გამოიყენება სისტემა ყველაზე ეფექტურად?
ავტომატიზებული რადიოშატლი და მაღალი სიმჭიდროვის თაროები ეფექტურად გამოიყენება პალეტირებული ტვირთის დასასაწყობებლად სხვადასხვა სამუშაო გარემოში. ASRS სისტემის ზომა და ფორმა მოქნილია: მისი სიმაღლე 12 მეტრს აღწევს, ხოლო ტვირთამწეობა 1.5 ტონამდეა. შატლებისა და ავტომატიზებული დამტვირთველების (AGF) რაოდენობა უშუალოდ ოპერაციების მასშტაბზეა დამოკიდებული. კონსტრუქცია მაღალ დონეებზეც მონტაჟდება.
ტვირთის მიღების ზონა
მიღების ზონის გვერდით ან თავზე დამონტაჟებული რადიოშატლის ბუფერული სისტემის წყალობით, ტვირთის მიღების პროცესი სწრაფად მიმდინარეობს.
შეკვეთების კომპლექტაცია და აწყობა
როცა ტვირთი უშუალოდ სამუშაო ზონასთანაა განთავსებული, ოპერაციებიც უწყვეტად და სტაბილურად მიმდინარეობს.
დიდი მოცულობის მარაგების მართვა
დიდი რაოდენობით პალეტირებული პროდუქციის დასასაწყობებლად ეს სისტემა გამორჩეულად ეკონომიური გამოსავალია.
მზა პროდუქციის ზონა და ეფექტური გაგზავნა
პროდუქციის წინასწარ მომზადებითა და პარტიებად გადანაწილებით, ტვირთის გაგზავნისას სამუშაო დატვირთვა თანაბრად ნაწილდება.
Toyota Automated Logistics Group-ის სასაწყობე სისტემები
Toyota Automated Logistics Group ინტეგრირებული ლოგისტიკური სისტემების გლობალური პარტნიორია. როგორც Toyota Industries Corporation-ის ნაწილი, იგი ოთხ წამყვან ბრენდს აერთიანებს: Toyota L&F, Bastian Solutions, Vanderlande და viastore.
Toyota სრულ ავტომატიზებულ სისტემებს სთავაზობს ისეთ სექტორებს, როგორებიცაა საცალო ვაჭრობა, წარმოება, ლოგისტიკა, კვების მრეწველობა, ამანათების დამუშავება და აეროპორტები.
სამუშაო პროცესისა და ტვირთის სპეციფიკის გათვალისწინებით, შესაძლებელია სხვადასხვა პროფილის სისტემის შერჩევა
საკონტაქტო ინფორმაცია
ავტომატიზაციის სპეციალისტებთან კონსულტაციისა და ლოგისტიკური ამოცანების მოგვარებისთვის შესაძლებელია საკონტაქტო ფორმის შევსება ან ავტომატიზაციის დეპარტამენტთან დაკავშირება.