5 ნიშანი, რომ თქვენს დამტვირთველებს მართვისა და კონტროლის სისტემა სჭირდება

თანამედროვე მართვის სისტემა ასეთ მონაცემებს ავტომატურად აგროვებს და ყოველდღიური პროცესების შეფასებისთვის იყენებს. Toyota-მ ელექტრო სასაწყობე ტექნიკაში ტელემეტრიის დანერგვა 2018 წელს დაიწყო. დღეს მსოფლიოში 300 000-ზე მეტი დაკავშირებული ერთეული მუშაობს, მათ შორისაა მცირე ელექტრო პალეტის ურიკები, დიდი დამტვირთველები და ა.შ. თუ პაგრუშიკი, ანუ დამტვირთველი ყოველდღიურად გამოიყენება, მაგრამ მისი რეალური დატვირთვის შესახებ ზუსტი ინფორმაცია არ გაქვთ, რამდენიმე დეტალი მიგანიშნებთ, რომ კონტროლის დამატებითი მექანიზმი უკვე საჭიროა.

ნიშანი პირველი: არ იცით, რეალურად რამდენ ხანს მუშაობს ტექნიკა

საწყობში მანქანის არსებობა ჯერ კიდევ არ მიუთითებს, რომ ის მთელი სამუშაო დღის განმავლობაში დატვირთულია. ერთი პაგრუშიკი, ანუ დამტვირთველი შეიძლება დღის დიდ ნაწილს უმოქმედოდ ატარებდეს, მაშინ როცა სხვა ზონაში ტექნიკის დეფიციტი იყოს.

თუ კონკრეტული მანქანის დღიური სამუშაო საათების, დატვირთვისა და უმოქმედობის პერიოდების შესახებ ინფორმაცია არ გაქვთ, დამტვირთველის მონიტორინგი პრობლემის დანახვაში დაგეხმარებათ. სისტემა აღრიცხავს, რამდენ ხანს მუშაობს თითოეული ერთეული და რა სიხშირით გამოიყენება.

ამ მონაცემების შედარებისას უკვე ნათლად ჩანს, რომელი მანქანა მუშაობს ინტენსიურად და რომელი გამოიყენება იშვიათად. ამის მიხედვით შესაძლებელია ტექნიკის სხვა ზონაში გადანაწილება ან იმ ერთეულების გამოვლენა, რომლებიც ყოველდღიური სამუშაოსთვის აღარ არის საჭირო.

ნიშანი მეორე: საწყობში გახშირდა დაზიანებები

დამტვირთველის მცირე შეჯახებაც კი ყოველთვის უმნიშვნელო შემთხვევა არ არის. განმეორებითი დარტყმები დროთა განმავლობაში აზიანებს მანქანას, ტვირთსა და ინფრასტრუქტურას. რისკი განსაკუთრებით მაღალია ვიწრო გასასვლელებში და სასაწყობე სტელაჟების სიახლოვეს.

თუ მსგავსი შემთხვევები გახშირდა, უსაფრთხოების სისტემები ინციდენტების მიზეზებისა და სიხშირის უკეთ დანახვაში გეხმარებათ. შოკ სენსორები აფიქსირებს დარტყმის დროსა და სიმძლავრეს. ინფორმაცია ინახება სისტემაში, რის შემდეგაც პასუხისმგებელ პირს შეუძლია ნახოს, რომელ მანქანაზე და რა დროს დაფიქსირდა შემთხვევა.

ძლიერი დარტყმის შემთხვევაში ტექნიკის მოძრაობა შეიძლება შეიზღუდოს, სანამ პასუხისმგებელი თანამშრომელი მის მდგომარეობას არ შეამოწმებს. ამ გზით დაზიანებული მანქანა ჩვეულ რეჟიმში მუშაობას აღარ აგრძელებს და მცირდება უფრო სერიოზული გაუმართაობის რისკიც. დროული რეაგირება იცავს ტვირთს, საწყობის ინფრასტრუქტურასა და დამტვირთველის ნაწილებს.

ნიშანი მესამე: ვერ აკონტროლებთ, ვინ მართავს ტექნიკას

უსაფრთხოება საწყობში დიდწილად დამოკიდებულია იმაზეც, ვინ მართავს მანქანას და აქვს თუ არა მას შესაბამისი მომზადება. თუ ნებისმიერ თანამშრომელს შეუძლია ნებისმიერი დამტვირთველის გამოყენება, რთულდება როგორც წვდომის კონტროლი, ისე კონკრეტული ინციდენტის მიზეზის დადგენა.

მართვის სისტემაში თითოეულ ოპერატორს შეიძლება მიენიჭოს პირადი PIN კოდი ან სმარტ ბარათი. ამ შემთხვევაში მანქანას მხოლოდ ავტორიზებული თანამშრომელი ჩართავს.

სისტემაში ასევე შესაძლებელია ოპერატორების კვალიფიკაციასთან დაკავშირებული ინფორმაციის შენახვა. მაგალითად, პასუხისმგებელი პირი წინასწარ ხედავს სერტიფიკატის მოქმედების ვადას ან განმეორებითი ტრენინგის დაგეგმილ თარიღს.

სამუშაოს დაწყებამდე ოპერატორმა შეიძლება გაიაროს უსაფრთხოების მოკლე შემოწმებაც. თუ ამ პროცესში სერიოზული ხარვეზი გამოვლინდა, ტექნიკა მუშაობას არ იწყებს, სანამ პრობლემა არ შემოწმდება.

ნიშანი მეოთხე: სერვისისა და დაზიანების ხარჯებს ვერ გეგმავთ

დამტვირთველის მოულოდნელი გაჩერება მხოლოდ შეკეთების ხარჯი არ არის. თუ მანქანა საწყობის მნიშვნელოვან ოპერაციაში მონაწილეობს, მისმა გაუმართაობამ შეიძლება სხვა პროცესებიც შეაფერხოს.

ტექნიკური მომსახურების დაგეგმვა რეალური სამუშაო საათების მიხედვით უფრო ზუსტ სურათს იძლევა, ვიდრე მხოლოდ კალენდარზე დაფუძნებული მიდგომა. თუ მანქანა ნაკლებად გამოიყენება, მისი ტექნიკური ცვეთა სხვა ტემპით მიმდინარეობს, ვიდრე ინტენსიურად დატვირთული ერთეულის შემთხვევაში.

დარტყმების ისტორია და სამუშაო მონაცემებიც შესაძლო პრობლემების ადრეულ ეტაპზე აღმოჩენაში ეხმარება ტექნიკურ გუნდს. მცირე დაზიანების დროული შემოწმება კი ხშირად ამცირებს უფრო რთული და ძვირადღირებული შეკეთების რისკს.

ნიშანი მეხუთე: გადაწყვეტილებებს ზუსტი მონაცემების გარეშე იღებთ

რამდენი მანქანა სჭირდება საწყობს? სად არის დამატებითი ტექნიკა საჭირო? რომელი ერთეული გამოიყენება იშვიათად? რომელ მანქანას სჭირდება ყველაზე ხშირად ტექნიკური მომსახურება?

თუ ამ კითხვებზე პასუხები ვარაუდს ეყრდნობა, მართვა ნაკლებად ზუსტია. ერთი ზედმეტი მანქანაც კი დამატებით ხარჯს წარმოქმნის, ხოლო ტექნიკის ნაკლებობამ შეიძლება სამუშაოს ტემპი შეაფერხოს.

როცა სამუშაო საათების, დატვირთვის, უმოქმედობის პერიოდებისა და ინციდენტების მონაცემების გაანალიზებით გადაწყვეტილების მიღებაც უფრო კონკრეტულ მონაცემებს ეფუძნება. ასე უფრო მარტივად დგინდება, სად არის ზედმეტი რესურსი და რომელ უბანში სჭირდება საწყობს დამატებითი ტექნიკა.

Toyota I_Site და ავტოპარკის მონაცემები ერთ სივრცეში

Toyota I_Site ვებპორტალსა და მობილურ აპლიკაციაში აგროვებს ავტოპარკთან დაკავშირებულ მონაცემებს. სისტემაში ჩანს ტექნიკის სამუშაო საათები, გამოყენების სიხშირე, უსაფრთხოებასთან დაკავშირებული შემთხვევები და ტექნიკური მომსახურების ისტორია.

დამტვირთველის მონიტორინგი მხოლოდ ელექტრო დამტვირთველზე არ ვრცელდება. ერთ სივრცეში შეიძლება გაერთიანდეს სტაკერი, ცნობილი, როგორც შტაბელერი, პადონის ურიკა, ანუ ხელის ურიკა, რიჩტრაკი და ავტოპარკის სხვა ტექნიკაც.

მენეჯერს სხვადასხვა მანქანის შესახებ ინფორმაციის ცალკე შეგროვება აღარ უწევს. საერთო სურათში ჩანს, რამდენად დატვირთულია თითოეული ერთეული, სად ხდება ყველაზე მეტი ინციდენტი და რომელ ნაწილშია პროცესის გაუმჯობესება საჭირო.

ეფექტურობის გაზრდა ფლოტის ოპტიმიზაციით

როდესაც ტექნიკის გამოყენების სრული სურათი ჩანს, უფრო ზუსტად შეიძლება დადგინდეს, რამდენი მანქანაა რეალურად საჭირო ყოველდღიური სამუშაოსთვის.

ამის მაგალითია VELUX-ის ცენტრალური საწყობი გერმანიაში, სადაც Toyota I_Site 40-ზე მეტ დამტვირთველთან გამოიყენეს. შეგროვებული მონაცემების ანალიზის შემდეგ რამდენიმე მანქანა კომპანიამ რეზერვში გადაიტანა და ისინი მხოლოდ დამატებითი დატვირთვის დროს ერთვებოდა პროცესში.

მსგავსი მიდგომა სხვა ტექნიკაზეც ვრცელდება, მათ შორის იმ სამუშაოებზე, სადაც ელექტრო ამწე გამოიყენება. მონაცემების მიხედვით უფრო ნათლად ჩანს, რომელი ერთეული მუშაობს სრულ დატვირთვაზე და რომელი შეიძლება სხვა ზონაში გადავიდეს.

ტექნიკის გამოყენების ისტორია ახალი ინვესტიციის დაგეგმვის დროსაც გამოსადეგია. მაგალითად, დამტვირთველის შეძენამდე კომპანიას შეუძლია შეაფასოს არსებული ავტოპარკის დატვირთვა და მხოლოდ ამის შემდეგ გადაწყვიტოს, ნამდვილად სჭირდება თუ არა დამატებითი ტექნიკა.

საწყობში რამდენიმე განმეორებადი პრობლემა ხშირად ერთმანეთთან არის დაკავშირებული. ტექნიკის დატვირთვის შესახებ ინფორმაციის ნაკლებობა, ხშირი შეჯახებები, ოპერატორებზე არასაკმარისი კონტროლი და მოულოდნელი ტექნიკური გაჩერებები ართულებს როგორც ყოველდღიურ მუშაობას, ისე სამომავლო დაგეგმვას.

როცა საჭირო ინფორმაცია რეგულარულად გროვდება და მარტივად შესადარებელია, პრობლემის მიზეზიც უფრო სწრაფად ჩანს. ამის შემდეგ კომპანიას შეუძლია უკეთ დაგეგმოს ტექნიკის რაოდენობა, მომსახურების პერიოდები და თანამშრომლების მუშაობა ისე, რომ რესურსი იქ გამოიყენოს, სადაც რეალურად საჭიროა.