მოქნილი სასაწყობე თაროები და სისტემები
Toyota გეხმარებათ საწყობის მუშაობის მუდმივ ოპტიმიზაციაში. ამისთვის ჩვენ ერთმანეთს ვუხამებთ თაროების სწორ ტიპს, მათ კონფიგურაციასა და ყველაზე შესაფერის ტექნიკას. ვინაიდან ტექნიკა და სასაწყობე თაროები ერთმანეთს სრულყოფილად ერგება, თითოეულ პროექტს ინდივიდუალურად, თქვენი მოთხოვნების შესაბამისად ვქმნით – იქნება ეს ცალკეული ნივთების, ყუთებისა თუ პალეტებზე განთავსებული ტვირთის შესანახად. ამგვარად თქვენ მაქსიმალურად აითვისებთ საწყობის სივრცეს, გაზრდით პროდუქტიულობას და აამაღლებთ მუშაობის საერთო ეფექტურობას.
პალეტების შენახვა
პალეტები კვლავ რჩება ტვირთის შესანახად ყველაზე გავრცელებულ საშუალებად. სხვადასხვა ზომისა და მასალის წყალობით, ისინი პროდუქციის მოსახერხებელ განლაგებას ხდის შესაძლებელს. სწორად შერჩეული თაროებით კი საწყობის სივრცეს მაქსიმალურად გამოიყენებთ.
თქვენი პროდუქციისა და საწყობის გეგმარების გათვალისწინებით, ჩვენი სპეციალისტები გაგიწევენ კონსულტაციას, დააპროექტებენ და მოგაწვდიან თქვენს მოთხოვნებზე მორგებულ სისტემას.
საპალეტე თაროები
მუდმივი და პირდაპირი წვდომა პალეტებთან
მოქნილი სისტემა საწყობებისთვის, სადაც ინვენტარი ხშირად იცვლება, ასევე გამოიყენება ძალიან ვიწრო გასასვლელების მქონე (VNA) სივრცეებში.
მობილური თაროები
მაქსიმალური ტევადობა და პირდაპირი წვდომა პროდუქციასთან
- საწყობის ფართობის 85%-მდე ათვისება.
- შესანახი ფართობის ბევრად უფრო გონივრული ათვისება.
- საუკეთესო არჩევანია დიდი რაოდენობით განსხვავებული დასახელების (SKU) საქონლისთვისა და სამაცივრე მეურნეობებისთვის.
Drive-in თაროები
ზრდის სასაწყობო ფართის ათვისების კოეფიციენტს გასასვლელი დერეფნების შემცირებით.
- ზრდის სასაწყობო ფართის ათვისების კოეფიციენტს გასასვლელი დერეფნების შემცირებით
- მუშაობს როგორც FILO (პირველი შემოსული - ბოლო გასული), ისე FIFO (პირველი შემოსული - პირველი გასული) პრინციპით
- საჭიროებს ნაკლებ საწყის ინვესტიციას
გრავიტაციული თაროები
ტვირთის დამუშავება FIFO და LIFO პრინციპით
- გრავიტაციული თაროები დახრილი როლიკებიანი ბილიკებით, სადაც პალეტები საკუთარი წონით გადაადგილდება.
- Push-back ტიპის თაროები, სადაც ყოველი ახალი პალეტი წინას უკან სწევს
- იდეალურია ერთი დასახელების, საშუალო და დიდი მოცულობის ტვირთებთან მუშაობისთვის.
შატლის თაროები
ტევადობის მაქსიმალური გაზრდა და რესურსების ოპტიმალური გამოყენება
- ნახევრად ავტომატიზებული პლატფორმა მექანიკურ ტექნიკასთან ერთად მუშაობისთვის, სადაც ორივეს ერთი ოპერატორი აკონტროლებს.
- საუკეთესოა ერთი დასახელების (ჰომოგენური) პროდუქციის შესანახად.
- მაღალი სიმკვრივის სისტემა შენახვის სიღრმის შეზღუდვის გარეშე.
- იდეალურია სამაცივრე საწყობებისთვის.
ცალკეული ნივთების შენახვა
ელექტრონულ კომერციასა და იმ კომპანიებში, სადაც მთავარი ამოცანა მცირე ზომის ტვირთების დამუშავება და დაკომპლექტებაა, მოქნილი სასაწყობe სისტემები განსაკუთრებულ როლს თამაშობს. ჩვენ გთავაზობთ მრავალფეროვან არჩევანს პატარა დეტალებისა და საქონლის შესანახად. მსგავსი მიდგომა ზოგავს დროს, აუმჯობესებს პროდუქციის ბრუნვას, ზრდის საწყობის ტევადობას და მუშაობას უფრო კომფორტულს ხდის.
სასაწყობე თაროები
მცირე ზომის ტვირთებთან მუშაობისთვის
- უნივერსალური თაროები პატარა ნივთებისთვის.
- მოქნილი და მარტივად რეგულირებადი სათავსოები.
- ხელმისაწვდომია მსუბუქი, საშუალო და მძიმე დატვირთვის თაროები.
კონსოლური თაროები
გრძელი ტვირთების შესანახად
- იდეალურია არასტანდარტული, არაგაბარიტული, დიდი ზომისა და გრძელი მასალების დასასაწყობებლად.
- ხელმისაწვდომია როგორც ცალმხრივი, ისე ორმხრივი ვერსიები.
- მეტი ტევადობისთვის, შესაძლებელია მობილურ პლატფორმებზე დამონტაჟება.
მრავალდონიანი თაროები
ვერტიკალური სივრცის ათვისება პატარა ნივთებისთვის
- სივრცის ოპტიმალური გამოყენება პროდუქციის აკრეფის დროს.
- იდეალურია მცირე ზომის საქონლის ხელით დასაკომპლექტებლად.
- გამორიცხავს მეზანინის (სართულშუა გადახურვის) დამატების საჭიროებას.
დინამიური აკრეფა
პატარა ნივთების სწრაფად აღებისთვის
- აღჭურვილია დახრილი პლატფორმებით, გორგოლაჭებითა და როლიკებით.
- კარგად ერგება სწრაფბრუნვად სამომხმარებლო საქონელსა (FMCG) და საწარმოო ხაზებს.
- FIFO (პირველი შემოსული - პირველი გასული) პრინციპით მუშაობის შესაძლებლობა.
მეზანინის თაროები
მოქნილი სისტემა საქონლის შესანახად
- ზრდის სამუშაო ფართობს ახალი საწყობის აშენების გარეშე.
- გამოირჩევა გამოყენების მაღალი მოქნილობით.
- ყველა მეზანინი მზადდება ინდივიდუალური დაკვეთით.
სასაწყობე თაროები
"დამატებითი სასაწყობე მეურნეობის მშენებლობას, ვარჩიეთ რომ K2 ისთვის შეგვეკვეთა ალტენრატიული ტიპის დასაწყობება, რომელიც კომპანიამ შეასრულა საკმაოდ მოკლე ვადაში - 3 თვეში, დაამონტაჟა იტალიური წარმოების უმაღლესი ხარისხის თაროები 35 წლიანი გარანტიით."
ვახტანგ ლაღიძე, დირექტორი "Coca-Cola Bottlers Georgia"
სასაწყობე თაროების კომპლექსური სისტემები
საწყობის გამართული მუშაობის საფუძველი სწორად დაგეგმილი სასაწყობე თაროების სისტემაა. იგი წინასწარ უნდა მოერგოს ტვირთის სპეციფიკას, ბრუნვის სიხშირეს, სამუშაო მარშრუტებსა და შენობის გეგმარებას. მსგავსი დაგეგმვა ქმნის საწყობში ტვირთის შეუფერხებელ მოძრაობას. კონკრეტული ამოცანების შესასრულებლად შერჩეულ ტექნიკასთან ერთად, გთავაზობთ ინდივიდუალურ საჭიროებებზე მორგებულ სისტემებს – სტანდარტული სტატიკური სათავსებიდან მაღალი სიმკვრივის დინამიკური კონსტრუქციებით დასრულებული, როგორებიცაა რადიო შატლი ან მობილური პალეტური თაროები. არჩევანი მთლიანად თქვენს სამუშაო პირობებსა და მოთხოვნებზეა დამოკიდებული.
ამას ემატება სხვადასხვა სერვისი და მომსახურება, მათ შორის ავტოპარკის მართვის სისტემა, ტექნიკის გაქირავება, მეორადი მოდელების შეთავაზება, ავტომატიზაცია და ენერგეტიკული სისტემები. ჩვენ მზად ვართ, მხარი დაგიჭიროთ ყველა ეტაპზე, დაწყებიდან დასრულებამდე.
Adveo-ს გამოცდილება