რა ტიპის თვლები სჭირდება ხელის ურიკას?
მექანიკური თუ ელექტრო ურიკების შეუფერხებელი მუშაობა დიდწილად თვლების სწორ შერჩევაზეა დამოკიდებული. თვლების ტიპს უშუალოდ სამუშაო გარემოს ზედაპირი და მოსალოდნელი დატვირთვა განსაზღვრავს. კონკრეტული ამოცანების შესასრულებლად გამოიყენება როგორც სხვადასხვა მასალისგან დამზადებული, ისე ერთმაგი ან წყვილი (ბოგი) თვლები.
ხელის ურიკები: მრავალმხრივი და გამძლე
ჩანგლიანი თვლების შერჩევისას მნიშვნელოვანია სამუშაოს ტიპის, დატვირთვის ინტენსივობისა და იატაკის საფარის გათვალისწინება. თვლების სახეობები და შესაბამისი მასალა კონკრეტული ამოცანების მიხედვით უნდა შეირჩეს.
სწორი იატაკი
სწორ და თანაბარ ზედაპირზე უპირატესობა ერთმაგ თვლებს ენიჭება, რადგან ტექნიკით მანევრირება უფრო ადვილია. ასეთ დროს თვალზე დატვირთვა შედარებით იზრდება და ის უფრო სწრაფად ცვდება. პალეტის იოლად ასაღებად, ჩანგლის წვერზე, ერთმაგ თვალთან ერთად, დამხმარე თვალიც მაგრდება.
არათანაბარი იატაკი
არათანაბარ ზედაპირზე მუშაობისთვის წყვილი (ბოგი) თვლები გამოიყენება. ასეთი კონსტრუქცია ტექნიკის სტაბილურობასა და მდგრად სვლას განაპირობებს. ტვირთის წონა რამდენიმე თვალზე თანაბრად ნაწილდება, რაც წერტილოვან ხახუნს ამცირებს და თვლები ნაკლებად იცვითება.
ჩანგლის საბურავების ტიპები
საბურავის შემადგენლობა
ნეილონი
- მარტივად და შეუფერხებლად მოძრაობს მყარ, სწორ იატაკზე;
- გამოირჩევა მაღალი სიმტკიცითა და გამძლეობით;
- მოსახერხებელია მძიმე ტვირთების გადასაზიდად.
საბურავის შემადგენლობა
პოლიურეთანი
- გამოიყენება იქ, სადაც ხმაურის შემცირებაა საჭირო;
- მძიმე ტვირთის გადაადგილებისას შედარებით მეტ ძალისხმევას მოითხოვს;
- ერგება თითქმის ყველა ტიპის სამუშაო გარემოს.
საბურავის შემადგენლობა
თუჯი
- გამოიყენება მძიმე მრეწველობის ობიექტებზე;
- ადვილად მოძრაობს და იცავს თვალს იატაკზე არსებული ანათალის თუ წვრილი ნარჩენების ჩაკრობისგან;
- ხასიათდება ხანგრძლივი ექსპლუატაციის ვადით.
საბურავის შემადგენლობა
პაუერთანი
- გადაადგილდება უხმოდ
- რეზინის საბურავთან შედარებით მეტად გამძლეა
- გამოირჩევა მაღალი ცვეთამედეგობით
საბურავის შემადგენლობა
რეზინი
- გამოირჩევა ნაკლებხმაურიანი სვლით;
- ინარჩუნებს მოჭიდებას სველ ან სრიალა იატაკზე;
- ანტისტატიკური ვერსია ამცირებს ელექტროსტატიკურ განმუხტვას.
სათადარიგო ნაწილების მაღაზია
გესაჭიროება საბურავი?
ეწვიე მაღაზიას და აარჩიე სასურველი სათადარიგო ნაწილი
ელექტრო სატვირთავი ურიკები: ქვეითად მართვადი და მაღალსიჩქარიანი მოდელები
მამოძრავებელი და ჩანგლიანი თვლების შერჩევისას მნიშვნელოვანია სამუშაოს სპეციფიკის, დატვირთვის ინტენსივობისა და იატაკის საფარის გათვალისწინება.
დამხმარე (საყრდენი) თვალი
მოხვევისას ან უსწორმასწორო ზედაპირზე მოძრაობისას, ზამბარის შეკუმშვის გამო, წნევა ერთ-ერთ დამხმარე თვალზე იზრდება. ტორსიონული ღერძის მეშვეობით, მეორე ზამბარაც ზუსტად იმავე ძალით იკუმშება. შედეგად, ტექნიკა ინარჩუნებს სტაბილურობას და არ ირხევა.
წამყვანი საბურავი
ცენტრალურად განთავსებული მამოძრავებელი თვალი ტექნიკას გადახრისგან იცავს, მათ შორის სველ იატაკსა თუ პანდუსზე დაცურების შემდეგ, როდესაც თვალი ზედაპირს ხელახლა ეჭიდება. ცენტრიდან აცდენილი მამოძრავებელი თვლის შემთხვევაში კი ტექნიკამ ასეთ სიტუაციებში შესაძლოა მკვეთრი გვერდითი რყევა დაიწყოს.
ჩანგლის საბურავი
შესაძლებელია როგორც ერთმაგი, ისე წყვილი (ბოგი) ჩანგლიანი თვლების შერჩევა. ერთმაგი თვალი მანევრირებასა და პალეტის იოლად აღებას უწყობს ხელს, ხოლო წყვილი თვალი დაბრკოლებების გადალახვასა და მძიმე ტვირთის გადაზიდვას გაცილებით აადვილებს.
ჩანგლის საბურავების ტიპები
საბურავის შემადგენლობა
Prime
- უძლებს განსაკუთრებით მაღალ დატვირთვას და გამოირჩევა ცვეთამედეგობით;
- გამოიყენება ინტენსიური და მძიმე სამუშაო პირობებისთვის.
საბურავის შემადგენლობა
უმაღლესი კვარცი
- ზუმფარისებრი ეფექტის წყალობით აუმჯობესებს მოჭიდებას;
- ხასიათდება ზედაპირთან საუკეთესო მოჭიდებით.
საბურავის შემადგენლობა
პოლიურეთანი
- ბიუჯეტური ალტერნატივა ნაკლებად ინტენსიური სამუშაოებისთვის;
- გამოიყენება სხვადასხვა ტიპის გარემოში.
საბურავის შემადგენლობა
Friction
- ინარჩუნებს მყარ მოჭიდებას ტენიან და სველ ზედაპირზეც;
- არ ტოვებს ნაკვალევს იატაკზე.
სათადარიგო ნაწილების მაღაზია
გესაჭიროება საბურავი?
ეწვიე მაღაზიას და აარჩიე სასურველი სათადარიგო ნაწილი
შესაძლოა დაგაინტერესოთ
Hand pallet trucks
The Lifter range of hand pallet trucks are customisable, making them suitable for a broad range of material handling applications.
საიმედო სერვისი თქვენი დამტვირთველებისთვის
ჩვენი გუნდი რეგულარულად ატარებს თქვენი დამტვირველების ტექნიკურ მომსახურებასა და სერვისს. ასე თავიდან აიცილებთ ძვირადღირებულ შეკეთებას, შეინარჩუნებთ მაღალ პროდუქტიულობას და საიმედოდ დაიცავთ თანამშრომლებს სამუშაო საფრთხეებისგან.
ორიგინალი სათადარიგო ნაწილები
Toyota-ს ყველა ორიგინალი სათადარიგო ნაწილი სპეციალურ შემოწმებას გადის, რათა შეინარჩუნოს ისეთივე მაღალი ხარისხი, უსაფრთხოება და საიმედოობა, როგორიც თავად ტექნიკას აქვს.
ეწვიე ონლაინ მაღაზიას
იხილეთ მეტი ინფორმაცია პროდუქტზე, მახასიათებლებსა და დამატებით კომპლექტაციაზე ჩვენი დამტვირთველებისთვის, როგორებიცაა: რიჩტრაკები, ელექტრო ურიკები და შეკვეთების შემგროვებლები.