Toyota Lean აკადემია
ვინ ვართ ჩვენ
Toyota-ში ვამაყობთ, რომ Lean აზროვნების საწყისებთან სწორედ ჩვენ ვდგავართ. Lean-ფილოსოფია ბოლო ათწლეულების განმავლობაში განვითარდა და დღეს მსოფლიოს მასშტაბით, ინდუსტრიის თითქმის ყველა სფეროში გამოიყენება. თუმცა, ამ მიდგომის საფუძველი Toyota-ს წარმოების სისტემაა (TPS), რომელიც ტაიჩი ონომ 1950-იან წლებში შექმნა.
Lean ტრანსფორმაციის დაგეგმვისას ხშირად ჩნდება კითხვები: როგორ განვახორციელო ეს? საიდან დავიწყო? ვინ დამეხმარება პროცესის აწყობაში? ჩვენი მიზანია, ამ კითხვებს პრაქტიკული გამოცდილებით ზურგმაგრებული პარტნიორობით უპასუხოთ.
Lean Academy-ის გუნდს აქვს როგორც ოპტიმიზებული მეთოდების გამოყენების, ისე მართვის მდიდარი გამოცდილება, რომელიც საკუთარ ქარხნებსა და პრაქტიკაში დავაგროვეთ. შესაბამისად, სრულ მხარდაჭერასა და გზამკვლევს გთავაზობთ Lean ტრანსფორმაციის ნებისმიერ ეტაპზე — მიუხედავად იმისა, ახლა იწყებთ ამ გზას თუ უკვე წლებია მასზე დგახართ. მოხარულები ვართ, მოგიწვიოთ Lean მეთოდოლოგიის შესასწავლად უშუალოდ პირველწყაროდან!
იაზროვნეთ Toyota-ს პრინციპებით - მიიღეთ რჩევები და მხარდაჭერა უშუალოდ ჩვენგან
Toyota მსოფლიოში აღიარებული Lean აზროვნების სამშობლოა, რომლის საფუძველიც Toyota-ს წარმოების სისტემაა (TPS). ჩვენ განსაკუთრებულ ყურადღებას ვუთმობთ საბაზისო ელემენტებს: ვიზუალურ მართვას, 5S სისტემასა და ყოველდღიურ მენეჯმენტს. ეს მეთოდები ყალიბებს კომპანიის კულტურას და ამზადებს მას ტრანსფორმაციისთვის. პროცესების ნაკადის ოპტიმიზაციასთან ერთად, ჩვენს პრიორიტეტს ადამიანები და მათი უნარების განვითარება შეადგენს, რადგან ცვლილებებისა და პროცესების გაუმჯობესების მთავარი მამოძრავებელი ძალა სწორედ ისინი არიან. გარდა ამისა, სიღრმისეულად ვსწავლობთ კომპანიის მართვის სტილს, რადგან ხელმძღვანელობის მხარდაჭერა და ჩართულობა გრძელვადიანი და მდგრადი შედეგების მიღწევის საწინდარია.
როგორ ვგეგმავთ Lean პროექტს თქვენთან ერთად
Lean შეფასება (Lean assessment)
Lean ტრანსფორმაცია იწყება არსებული სიტუაციის მიმოხილვით იმ სპეციალისტების მიერ, რომლებსაც ეს გზა თავად აქვთ გავლილი. ერთობლივად დეტალურად გავაანალიზებთ თქვენს სამუშაო ნაკადს, მართვის სტილსა და პერსონალის ჩართულობას.
Lean კონსულტაცია (Lean advisory)
Lean Academy-ის გუნდის წევრებს Toyota-ს შიგნით მართვის მდიდარი პრაქტიკული გამოცდილება აქვთ და უშუალოდ მონაწილეობდნენ ევროპული ქარხნების ინტეგრაციისა და ტრანსფორმაციის პროცესში.
Jishuken პროექტი
კონკრეტული პროცესისა თუ პრობლემის მოსაგვარებლად ვიყენებთ ლეგენდარულ Jishuken მეთოდს, რაც მნიშვნელოვნად აჩქარებს Lean პროცესების ეფექტურობას.
Lean ტრენინგი
ჩვენი ევროპული ქსელის ბაზაზე გთავაზობთ ღია ტრენინგებს Lean მეთოდებსა და ინსტრუმენტებზე. ასევე შეგვიძლია ტრენინგის პროგრამა სპეციალურად თქვენი კომპანიის საჭიროებებს მოვარგოთ.
Lean ტრანსფორმაცია
ტრანსფორმაციის პროგრამები მოიცავს სამოქმედო გეგმას (roadmap), რომელიც გეხმარებათ ცვლილებების დანერგვაში - სამუშაო ნაკადზე, მართვასა და პროცესებზე ფოკუსირებით.
ინვესტიციების დაგეგმვა
Lean Academy-ის ინვესტიციების დაგეგმვის სერვისი გაწვდით ექსპერტულ რჩევებსა და შეფასებას, რათა Lean პრინციპები საინვესტიციო და დანერგვის პროგრამის განუყოფელი ნაწილი გახდეს.
Toyota Lean Academy-ის პროგრამა
ეს პროგრამა თანმიმდევრულად გატარებთ თითოეულ მოდულს, რაც საშუალებას გაძლევთ, სიღრმისეულად შეისწავლოთ ყველა სფერო. ეს მიდგომა განსაკუთრებით მოსახერხებელია მათთვის, ვინც Lean გზის დასაწყისშია ან სურს, ამ მეთოდოლოგიის ყველა ასპექტი გაიაზროს.
FAQ
როგორია Toyota Lean Academy-ის მიდგომა?
ჩვენი მიდგომის მთავარი მიზანი სტაბილური და გრძელვადიანი შედეგების მიღწევაა. ამისთვის ვავითარებთ ადამიანებს და, შესაბამისად, მთლიან ორგანიზაციას. ჩვენ არ ვეძებთ მხოლოდ სწრაფ შედეგებსა და მოკლევადიან უკუგებას. ჩვენი სურვილია, შეიცვალოს ადამიანების აზროვნება პრობლემების გადაჭრისა და კაიზენის (Kaizen) მიმართულებით. ეს ხელს უწყობს დანაკარგების აღმოფხვრას და ამარტივებს უწყვეტი გაუმჯობესების პროცესს. მოკლედ რომ ვთქვათ: ვავითარებთ ადამიანებს მყარი, მდგრადი შედეგების მისაღწევად.
ბევრჯერ ვცადეთ Toyota-ს წარმოების სისტემის (TPS) ან Lean-ის დანერგვა, თუმცა უშედეგოდ. რატომ იქნება თქვენი მიდგომა განსხვავებული?
ჩვენი რჩევები ეფუძნება საკუთარ პრაქტიკულ გამოცდილებას. 2000 წელს Toyota-მ შეიძინა შვედური კომპანია BT Industries, რომელიც სასაწყობო ტექნიკას აწარმოებდა. შეძენის შემდგომ, ინტეგრაციის პროცესში, იაპონელ ოსტატებთან (Sensei) ერთად მუშაობისას სიღრმისეული ცოდნა დავაგროვეთ Toyota Way-სა და TPS-ის მიმართულებით. სწორედ ამ უნიკალურ გამოცდილებას ვუზიარებთ ჩვენს პარტნიორებს. ჩვენ ზუსტად ვიცით, როგორ მივიყვანოთ Lean ტრანსფორმაციის პროცესი ბოლომდე. ყველაზე მთავარი კი სრული ჩართულობაა: უმაღლესი მენეჯმენტის 100%-იანი მზაობა და თანამშრომლების აქტიური მონაწილეობა პროცესის პირველივე ეტაპიდან!
არის თუ არა განსხვავება Toyota Way-ს, Toyota-ს წარმოების სისტემასა (TPS) და Lean-ს შორის?
Toyota Group-ის ფუნდამენტური ღირებულებები უცვლელი რჩება. მაგალითად, Toyota-ს წარმოების სისტემა (TPS) იგივეა, მიუხედავად იმისა, ავტომობილებს აწარმოებთ თუ დამტვირთველებს. თუმცა, კონკრეტული გამოყენება შეიძლება განსხვავდებოდეს იმის მიხედვით, თუ Toyota-ს რომელ მიმართულებაში იმყოფებით. Toyota Lean Academy იყენებს იმ მეთოდებსა და ინსტრუმენტებს, რომლებშიც თავად გვაქვს გამოცდილება — ეს არ არის მხოლოდ მკაცრი TPS, არამედ მოიცავს სხვა წარმატებულ მიდგომებსაც, რომლებიც ხარისხის მართვისა და ლოგისტიკის სფეროში გამოვიყენეთ. ჩვენს ქარხნებშიც კი პროცესები 100%-ით იდენტური არ არის, თუნდაც თითქმის ერთნაირ პროდუქციას ვაწარმოებდეთ. კულტურა, ადამიანები და განვითარების გზა ყოველთვის ოდნავ განსხვავებულია. ამიტომ Toyota გაძლევთ თავისუფლებას, იაროთ საკუთარი გზით, თუმცა Toyota Way-სა და TPS-ის ჩარჩოებში.
ეს მიდგომა მნიშვნელოვანია მოტივაციისთვის და სწორედ ამ პრინციპს ვიყენებთ პარტნიორებთან მუშაობისას. ჩვენ გაწვდით სახელმძღვანელო მითითებებს, რათა განვითარდეთ საკუთარი კულტურისა და გუნდის ბაზაზე. გაძლევთ მკაფიო მიმართულებასა და სტრუქტურას, თუმცა ყურადღებით ვისმენთ თქვენს ინდივიდუალურ საჭიროებებს, რათა საუკეთესო შედეგს მივაღწიოთ.
რა არის საჭირო იმისათვის, რომ გახდეთ ჩვენი პარტნიორი?
თუ ნამდვილად გსურთ Toyota-ს გზით სიარული, საჭიროა სრული მზაობა და ჩართულობა (100%-იანი დედიკაცია), განსაკუთრებით მაშინ, თუ Lean ტრანსფორმაციის პროგრამაში ჩართვას გეგმავთ. ეს ნიშნავს, რომ უმაღლესი მენეჯმენტი იღებს ლიდერობას და პროცესში ორგანიზაციის თითოეულ წევრს რთავს.
როგორ ზომავთ შედეგებს?
შედეგების გასაზომად მრავალი გზა არსებობს. ჩვენი მიზანია, შექმნილი გაუმჯობესება წლების განმავლობაში შენარჩუნდეს და არ იყოს მხოლოდ მოკლევადიანი ეფექტი. ამიტომ განსაკუთრებულ ყურადღებას ვუთმობთ საჭირო ინფრასტრუქტურის შექმნას, როგორიცაა ყოველდღიური მენეჯმენტი.
ვიზუალური მართვა ამ პროცესის ერთ-ერთი უმთავრესი ინსტრუმენტია. მაგალითად, Asaichi-ის (დილის შეხვედრის) დაფებზე ვიზუალურად აისახება თითოეული სექციის უსაფრთხოების, გარემოსდაცვითი, ხარისხის, მიწოდებისა და ხარჯების მაჩვენებლები (KPI). Jishuken პროექტებში არსებული სიტუაციის შეფასების შემდეგ ყურადღებით განვსაზღვრავთ გაუმჯობესების სამიზნე მაჩვენებლებს. ამგვარად წინასწარ ვსაზღვრავთ შედეგებს და პროცესს Jishuken obeya-ს მეშვეობით ვაკვირდებით. საბოლოო ჯამში, ეს ცვლილებები ფინანსურ შედეგებშიც აისახება.
შეიძლება თუ არა Lean მეთოდოლოგიის გამოყენება მცირე პარტიებისა და მრავალფეროვანი ასორტიმენტის (High Mix Low Volume) პირობებში?
დიახ, რა თქმა უნდა. ჩვენს ქარხნებში გვაქვს რთული მოწყობილობები მცირე პარტიებისა და დიდი ასორტიმენტის წარმოებისთვის, სადაც ტაქტის დრო (takt time) რამდენიმე საათს შეადგენს, და ამ პროცესებშიც წარმატებით ვიყენებთ Lean მეთოდებს. ნებისმიერ ბიზნესსა თუ პროცესში შესაძლებელია იმის გარჩევა, თუ რა ქმნის ღირებულებას და რა წარმოადგენს დანაკარგს. ეს არის ბაზისი, რომელიც ყველგან მუშაობს.
როგორია Toyota Lean Academy-ის ხედვა და მისია?
პროგრამებისა და პროექტების დაგეგმვისას მივყვებით TPS-ის „ჭეშმარიტი ჩრდილოეთის“ (True North) ხედვას. ჩვენს ლოგოზე გამოსახული კომპასი სწორედ „ჭეშმარიტი ჩრდილოეთისკენ“ არის მიმართული, რაც იმას ნიშნავს, რომ ვაკეთებთ იმას, რაც უნდა გავაკეთოთ და არა უბრალოდ იმას, რაც შეგვიძლია. ეს არის TPS-ის სრულყოფილების იდეალი, რომლისკენაც უნდა ვისწრაფოდეთ მიზნების დასახვისას.
აი, როგორია TPS-ის „ჭეშმარიტი ჩრდილოეთის“ (True North) ხედვა:
- ადამიანების უსაფრთხოება
- ნულოვანი დეფექტი (ZERO defects)
- 100%-ით შექმნილი ღირებულება
- უწყვეტი ნაკადი მოთხოვნის შესაბამისად (One-piece flow, on demand)