ჭკვიანი დამტვირთველები Toyota-სგან
ტექნიკა ოპერაციების სამართავად
Connect your trucks to be in control of your operations
- 2018 წლის ოქტომბრიდან შეკვეთილი სასაწყობო ტექნიკა ჭკვიანი დამტვირთველების კატეგორიას მიეკუთვნება
- ტელემატიკის აპარატურა სტანდარტულ აღჭურვილობაშივეა ჩართული
- I_Site აპლიკაციაზე გადასვლა მარტივად ხდება
ჭკვიან დამტვირთველებში ტელემატიკის აპარატურაა ჩაშენებული, ამიტომ ტექნიკა I_Site აპლიკაციას მარტივად უკავშირდება. ეს აპლიკაცია დამტვირთველების დატვირთვასა და ოპერატორების ქცევას აკონტროლებს და აღრიცხავს. ამ სისტემის გააქტიურება ძალიან მარტივია, შეგროვებული მონაცემები კი ოპერაციების გაანალიზებასა და ბიზნესის გაუმჯობესებაში ეხმარება მომხმარებელს.
ხელოვნურ ინტელექტზე დაფუძნებული ლოგისტიკა
სასაწყობე პროცესების შეუფერხებელი მართვა დღეს მთავარი გამოწვევაა, მომავალში კი დატვირთვა გაცილებით მოიმატებს. აღნიშნულ მოცემულობას კომპანია Toyota ტექნიკის კოორდინირებული მოქმედებით ეხმაურება. სისტემაში ინტეგრირებული ხელოვნური ინტელექტი კონკრეტულ დამტვირთველს საჭირო ლოკაციაზე ზუსტად შერჩეულ დროს აგზავნის. მაღალი სიზუსტის შედეგად ოპერაციების ეფექტიანობა მაქსიმუმს აღწევს, ენერგია, დრო და სივრცე კი ყოველგვარი დანაკარგის გარეშე იხარჯება.
Logiconomi მიდგომა
ოპტიმიზებული აზროვნება ლოგისტიკაში
- პარტნიორებთან ერთად უახლესი ტენდენციების შესწავლა
- კონკრეტული პასუხების შეთავაზება
- ახალი იდეების წახალისება მომავლისთვის
Logiconomi ის ტერმინია, რომლითაც Toyota საკუთარ სამუშაო ფილოსოფიას აღწერს. მისი მიზნებია ოპტიმიზებული პროცესების დანერგვა, დანაკარგების აღმოფხვრა და ეფექტურობის გაზრდა. ამ ყველაფერს კომპანია ინოვაციებითა და თანამოაზრე პარტნიორებთან თანამშრომლობით აღწევს.
თანამშრომლობა მომავლისთვის
ლოგისტიკის სისტემები დღევანდელი და მომავალი საჭიროებებისთვის
გლობალური ტენდენციების – ელექტრონული კომერციისა და ციფრულ ტექნოლოგიების პოპულარობის – კვალდაკვალ, ტვირთის დამუშავების ინდუსტრია სწრაფად იცვლება. ამ ცვლილებებთან ფეხის ასაწყობად Toyota პარტნიორ კომპანიებთან, Vanderlande-სა და Microsoft-თან, ერთად მუშაობს და ლოგისტიკის თანამედროვე სისტემებს ქმნის.
ინოვაციური აზროვნება ტვირთის დამუშავების სფეროში
ამ მიდგომის ნაწილია Logiconomi-ის სტუდენტური ჯილდოების პროგრამა, რომელიც ტვირთის დამუშავების სფეროში ახალ იდეებს ახალისებს. ახალგაზრდა დიზაინერებთან დიალოგისთვის შეიქმნა კონკურსი Toyota Logistic Design Competition. მისი წარმატების შემდეგ დაემატა Toyota Logistics Engineering Challenge, საინჟინრო კონკურსი, სადაც სტუდენტები ინოვაციურ ტექნიკურ პროექტებზე მუშაობენ.
Logiconomi კონვენცია
ლოგისტიკის ტექნოლოგიების განვითარებას ღია აზროვნება და მოქნილი მიდგომა სჭირდება, ამისთვის კი აუცილებელია თანამშრომლობა დამკვეთებთან და თანამოაზრე მომწოდებლებთან. Toyota-ს მიზანია, დამკვეთებს საკუთარი გამოცდილება გაუზიაროს და პროცესის ყოველ ეტაპზე ეფექტურობის გაზრდაში დაეხმაროს. ეს უწყვეტი პროცესია, რომელსაც კომპანია Logiconomi-ს უწოდებს. Logiconomi კონვენცია კი ის სივრცეა, სადაც კომპანია იდეებს აზიარებს, ღირებულ უკუკავშირს იღებს და სფეროს დამკვეთებთან ერთად ავითარებს.
ავტომატიზებული სისტემები
ავტომატიზებული დამტვირთველებისა და სატვირთო პლატფორმების ასორტიმენტი ტვირთის უფრო ეფექტურად დამუშავებაში ეხმარება ბიზნესს.
ტოიოტას უსაფრთხოების სისტემა (SAS)
ეს ინოვაცია დამტვირთველის მუშაობას მუდმივად აკვირდება, ოპერატორის უსაფრთხოებას იცავს და ტექნიკის დაზიანებით გამოწვეულ დანაკარგებს ამცირებს.
ლითიუმ-იონის სისტემები Toyota-სგან
ბატარეები, რომლებსაც ტექნიკური სერვისი არ სჭირდება, დამტვირთველებს დღე-ღამის განმავლობაში შეუფერხებლად ამუშავებს. დეტალური ინფორმაცია ლითიუმ-იონის ბატარეებზე, როგორც Toyota-ს ტექნიკის ენერგიის წყაროზე, ცალკე გვერდზეა მოცემული.
ლოგისტიკა ჭკვიანი დამტვირთველებით
რა როლი აქვს დაკავშირებულ ტექნიკას ტვირთის დამუშავების მომავალში.