ჭკვიანი ტექნოლოგია ყველა სტანდარტულ მოდელში

ჭკვიანი დამტვირთველი არის ტექნიკა, რომელიც სპეციალური აპარატურის მეშვეობით მონაცემებს დისტანციურად გადასცემს. ეს სისტემა საშუალებას გაძლევთ, საწყობში არსებული ყველა დამტვირთველი ერთიან ქსელში ჩართოთ, თითოეული მათგანიდან მონაცემები შეაგროვოთ და ბიზნესის საოპერაციო პროცესებს თვალი მარტივად ადევნოთ.

ჭკვიანი დამტვირთველები აღჭურვილია ტელემატიკის აპარატურით, რომელიც ონლაინ რეჟიმში უკავშირდება ვებ-სერვერს და მომხმარებელს ტექნიკის მუშაობის შესახებ მნიშვნელოვან ინფორმაციას აწვდის. დამტვირთველების დაკავშირებას, მონიტორინგსა და ანალიზს ერთი მთავარი მიზანი აქვს: გაზარდოს ბიზნესის ეფექტურობა, შეამციროს ფლობის ჯამური ღირებულება (TCO) და დააჩქაროს ინვესტიციის უკუგება (ROI).

2018 წლის 1 ოქტომბრიდან შეკვეთილი Toyota Material Handling-ის სასაწყობე ტექნიკა სტანდარტულ აღჭურვილობაშივე მოიცავს ჩაშენებულ ტელემატიკას. ტექნიკის წარმოებისას ტელემატიკური აპარატურის სტანდარტულად დამონტაჟების მიზანია, დამტვირთველის შექმნის მომენტიდანვე გქონდეთ წვდომა მონაცემებზე, რათა შეადაროთ და გააანალიზოთ ტექნიკის მუშაობა. ეს გაძლევთ საშუალებას, სრულად აკონტროლოთ საწყობის ტექნიკა და გააუმჯობესოთ პროცესები სასურველი მიმართულებით, მაგალითად, უსაფრთხოებისა თუ პროდუქტიულობის კუთხით.

როგორ მუშაობს სისტემა?

Toyota-ს ჭკვიანი დამტვირთველის აპარატურა მოიცავს DHU2+ მონაცემთა დამუშავებისა და გადაცემის ბლოკს, ანტენას, დარტყმის სენსორსა და კლავიატურას. ვინაიდან ტელემატიკური აპარატურა ტექნიკაში ქარხნულადვეა ჩაშენებული, დამტვირთველს დაკავშირების მზაობა აქვს, თუმცა ტელემატიკის პროგრამული უზრუნველყოფა გააქტიურებას საჭიროებს. I_Site სისტემაზე გადასვლა ადგილზე დამატებით ინსტალაციას არ მოითხოვს: ეს არის მობილური სისტემა, რომელიც გლობალური კავშირის დამყარების საშუალებას იძლევა, რაც მას მარტივსა და ხარჯეფექტურს ხდის.

დაკავშირების შემდეგ, Toyota-ს ჭკვიანი დამტვირთველებიდან მიღებული მონაცემები პირდაპირ ცენტრალურ ბაზას გადაეცემა. ამ ინფორმაციაზე წვდომა ვებ-პორტალისა თუ მობილური აპლიკაციის მეშვეობით არის შესაძლებელი. ეს პროცესი ხორციელდება I_Site აპლიკაციით – ტექნიკის მართვის სისტემით, რომელიც Toyota-მ ათ წელზე მეტი ხნის წინ შექმნა და მას შემდეგ მუდმივად ავითარებს. პორტალზე იწერება ყველა დამტვირთველის აქტივობა, რაც გასაანალიზებლად გამზადებულ მონაცემებს ქმნის. ეს ინფორმაცია ტექნიკური რესურსების ეფექტური მართვისთვის გამოიყენება.

ჭკვიანი დამტვირთველის მომხმარებლებს I_Site პორტალზე წვდომა აქვთ ტექნიკის სიასთან, სადაც მოცემულია კონკრეტულ ობიექტზე მიწოდებული ყველა ჭკვიანი მოდელის შესახებ ინფორმაცია და დეტალები. ტექნიკის სია MyFleet პლატფორმიდან გადმოდის (სერვისისა და ხარჯების ანგარიშების გარეშე). მასში ასახულია თითოეული დამტვირთველის ნამუშევარი საათები, რაც ტექნიკის დატვირთვის გაკონტროლების საშუალებას იძლევა. ეს ფუნქცია სტანდარტულ პაკეტშია ჩართული. გარდა ამისა, სიაში მოცემულია დამატებითი საინფორმაციო მონაცემები, როგორიცაა სერვისის, იჯარის ხელშეკრულებისა და ტექნიკის ნომრები.

იმ შემთხვევაშიც კი, თუ I_Site-ის სრულ პაკეტს მაშინვე არ გაააქტიურებთ, ტექნიკის აქტივობა მაინც ჩაიწერება. ეს ქმნის ღირებულ ანალიტიკურ ბაზას ტექნიკის მომავალი მართვისა და პრევენციული სერვისის დაგეგმვისთვის. ჩვენ მჭიდროდ ვთანამშრომლობთ თითოეულ მომხმარებელთან, რათა შევქმნათ მათ საჭიროებებზე მორგებული მიდგომები, დამატებითი საინფორმაციო არხების ჩართვით.

იხილეთ მეტი I_Site სისტემაზე გადასვლის შესაძლებლობების შესახებ> 

ჭკვიანი ტექნიკა გაწვდით ზუსტ ინფორმაციას, რათა სრულად აკონტროლოთ საწყობის ოპერაციები და, საჭიროების შემთხვევაში, დისტანციურადაც იმოქმედოთ, მიუხედავად იმისა, მხოლოდ ერთი დამტვირთველი გაქვთ თუ დიდი რაოდენობით ტექნიკას ფლობთ სხვადასხვა ობიექტზე. ეს მიდგომა პროცესების მაქსიმალურ ოპტიმიზაციას უწყობს ხელს, რის შედეგადაც ენერგია, დრო და სივრცე ყოველგვარი დანაკარგის გარეშე იხარჯება.

ობიექტზე არსებული ჭკვიანი დამტვირთველების სიით მარტივად ადევნებთ თვალს ისეთ დეტალებს, როგორებიცაა ნამუშევარი საათები, საიდენტიფიკაციო ნომრები, სერვისისა და იჯარის ხელშეკრულებები. ამგვარად სრულად აკონტროლებთ პროცესებს და, საჭიროების შემთხვევაში, ახდენთ კონკრეტული მიმართულებების ოპტიმიზაციას.
ტექნიკის დატვირთვის გაკონტროლება ნამუშევარი საათების მიხედვითაც არის შესაძლებელი. სისტემა მიგითითებთ ტექნიკური მომსახურების ჩატარების დროს, რაც სერვისის ინტერვალების რეალურ დატვირთვაზე მორგებასა და აღჭურვილობის ექსპლუატაციის ვადის გაზრდას უწყობს ხელს.

სერვისის სწრაფად მისაღებად, ვებ-პორტალის ან აპლიკაციის მეშვეობით მარტივად უკავშირდებით მომსახურების გუნდს, ფოტოსა თუ შეტყობინების გაგზავნით. ეს საშუალებას გაძლევთ, ოპერატიულად მიიღოთ თქვენი ტექნიკისთვის საჭირო მხარდაჭერა.

ჭკვიან დამტვირთველებში ტელემატიკის აპარატურაა ჩაშენებული, ამიტომ ტექნიკა I_Site აპლიკაციას მარტივად უკავშირდება. ეს აპლიკაცია დამტვირთველების დატვირთვასა და ოპერატორების ქცევას აკონტროლებს. ტექნოლოგია ერთი დაწკაპუნებით აქტიურდება, რაც საშუალებას გაძლევთ, თვალი ადევნოთ ოპერაციებს და მიღებული მონაცემები ბიზნესის გაუმჯობესებისთვის გამოიყენოთ.

შეიტყვეთ მეტი, თუ რა სარგებლის მოტანა შეუძლია ჭკვიან დამტვირთველს თქვენი ბიზნესისთვის>

ვინაიდან ტელემატიკის აპარატურა Toyota-ს სასაწყობო ტექნიკაში სტანდარტულადაა ჩაშენებული, ეს დამტვირთველები ჭკვიანი ფუნქციონალით დამატებითი საფასურის გარეშეა ხელმისაწვდომი. ეს ნიშნავს, რომ თქვენ გაქვთ სრული ინფორმაცია საწყობში არსებული ტექნიკისა და მათი ნამუშევარი საათების შესახებ.

თუ გსურთ, მაქსიმალური სარგებელი მიიღოთ ჭკვიანი დამტვირთველებისგან და წვდომა გქონდეთ ტელემატიკის სისტემის ყველა მონაცემზე, შეგიძლიათ გაააქტიუროთ სრული პაკეტი. მცირე ყოველთვიური აბონემენტით იღებთ I_Site-ის ტექნიკის მართვის სრულ ფუნქციონალს, ყოველგვარი დამატებითი აპარატურის მონტაჟის გარეშე.

პაკეტის გააქტიურებისას გათვალისწინებულია ტექნიკის ერთჯერადი გააქტიურების საფასური და ყოველთვიური სააბონენტო გადასახადი თითოეულ დამტვირთველზე.

სურვილისამებრ, შეგიძლიათ დაამატოთ კონკრეტული ფუნქციები, რომლებიც დამატებითი აპარატურის დამონტაჟებას მოითხოვს:

• სამუშაოს დაწყებამდე შემოწმება (Pre-operational check): დამტვირთველი დაიქოქება მხოლოდ მას შემდეგ, რაც ოპერატორი ტექნიკის უსაფრთხოებას შეამოწმებს
• ჭკვიანი წვდომა (Smart access): ავტორიზებულ ოპერატორს საშუალებას აძლევს, დამტვირთველი საკუთარი საშვით ან ბარათით ამუშაოს.
• MyFleet პაკეტი: კრებითი ანგარიში ტექნიკის წარმადობის შესახებ, რომელიც ტელემატიკასა და Toyota-ს შიდა სისტემების მონაცემებს ემყარება.

შეიტყვეთ მეტი I_Site-ის ტექნიკის მართვის სისტემის შესახებ;

Toyota Material Handling Europe-ის ინფორმაციული და IT უსაფრთხოება ISO 27001 სტანდარტს შეესაბამება. ეს სტანდარტი მოიცავს ისეთ სფეროებს, როგორებიცაა რისკების მართვა, ცვლილებების კონტროლი, უსაფრთხო კოდირება, ბიზნესის უწყვეტობა და კონფიდენციალურობის კონტროლი.

ამ სტანდარტის გათვალისწინებით, ჩვენ შევქმენით და მუდმივად ვახლებთ I_Site სერვისს, რათა დაცული იყოს სისტემაში დამუშავებული ინფორმაციის კონფიდენციალურობა, მთლიანობა და ხელმისაწვდომობა.

სტანდარტული ჭკვიანი დამტვირთველების მონაცემები: GDPR რეგულაცია არ გამოიყენება

Toyota-ს ჭკვიანი დამტვირთველის შეძენა ნიშნავს დაკავშირებული ტექნიკის შეძენას, ანუ ნაგულისხმევ თანხმობას კავშირსა და ტექნიკის აქტივობის შესახებ მონაცემთა შეგროვებაზე. თუ არ გსურთ ტექნიკის ჩართვა სისტემაში, შეგიძლიათ უარი განაცხადოთ. ჩვენ მიერ შეგროვებული მონაცემები არ შეიცავს ოპერატორის პერსონალურ დეტალებს, შესაბამისად, GDPR მონაცემთა დამუშავების შეთანხმების (DPA) გაფორმება საჭირო არ არის.

ადგილობრივი კანონმდებლობის შესაბამისად, ტექნიკის მონაცემთა შეგროვების შესახებ დეტალური ინფორმაციისთვის შეგიძლიათ, მიმართოთ Toyota Material Handling-ის ადგილობრივ წარმომადგენლობას.

I_Site-ის სრული პაკეტი და GDPR რეგულაცია

I_Site-ის სრულ სისტემაზე გადასვლისას, რაც Toyota-ს მხრიდან პერსონალურ მონაცემებთან წვდომასა და მათ დამუშავებას მოითხოვს, სავალდებულო ხდება GDPR წესების დაცვა. ტექნიკის შეკვეთისას ან I_Site-ის განახლებისას, მომხმარებლებმა უნდა მოაწერონ ხელი DPA შეთანხმებას. ეს წესი ვრცელდება I_Site-ის ყველა არსებულ მომხმარებელზეც.