სასაწყობე პროცესების ავტომატიზაცია სტანდარტული თაროებითა და ავტომატიზებული დამტვირთველებით
როდესაც პალეტებს ზედმეტი ფართობი უკავია, ტვირთის ძიებასა და გადაადგილებას დიდი დრო მიაქვს, საწყობის გაფართოება კი დამატებით, არცთუ ისე მცირე ინვესტიციას მოითხოვს. შედეგად, ბიზნესის ყოველდღიური საქმიანობა ფერხდება, მზარდი ხარჯები კი კომპანიის შემოსავლებს საგრძნობლად ამცირებს.ამ გამოწვევების გადასაჭრელად Swarm-ის ავტომატიზებული სასაწყობე სისტემა შეიქმნა, რომელიც სტანდარტულ თაროებზეა მორგებული. Toyota-ს თაროები, SAI125CB ავტომატური შტაბელერი და T-ONE პროგრამული უზრუნველყოფა ერთმანეთს უკავშირდება და სინქრონულად მუშაობს. Swarm-ის სისტემა მარტივად ვითარდება ბიზნესის ზრდასთან ერთად და ნებისმიერი ინდუსტრიისთვის ავტომატიზაციის მოქნილ, ფინანსურად მომგებიან გზას ქმნის.
საწყობის სივრცის უკეთ ათვისება და პროცესების ეფექტური მართვა Swarm-ის ავტომატიზებული სისტემით
სტანდარტულ თაროებზე მორგებული Swarm-ის ავტომატიზებული სისტემა იოლად ერგება ცვლილებებს. ის პალეტსა და ტვირთს სწრაფად უკავშირდება. AGV ტექნოლოგიაზე დაფუძნებული ეს სისტემა ტვირთს უსაფრთხოდ გადაადგილებს, რისი წყალობითაც სივრცის მაქსიმალური ათვისება ხდება, ავტომატიზაციის პროცესი კი უპრობლემოდ მიმდინარეობს.
ავტომატიზებული სასაწყობე სისტემის კომპონენტები
Swarm-ის ავტომატიზებული სასაწყობე სისტემა ადაპტირებადი და კომპლექსური მოდელია, რომელიც სტანდარტულ სასაწყობე გარემოში პალეტებს ავტომატურად ამუშავებს. სისტემა შემდეგი კომპონენტებისგან შედგება:
ავტომატიზებული დამტვირთველები: Toyota SAI125CB ავტომატური კონტრბალანსური სტაკერია AGV ტექნოლოგიაზე დაფუძნებული მოწყობილობაა. იგი ამუშავებს სხვადასხვა ტიპის პალეტებს, ზრდის სამუშაოს პროდუქტიულობას და ამრიცებს ტვირთის დაზიანების რისკს.
სტანდარტული თაროები: Toyota-ს სტანდარტული სასაწყობე თაროები განსაკუთრებით პრაქტიკულია იმ საწყობებისთვის, სადაც გეგმარება ხშირად იცვლება. იგი მოსახერხებელია დიდი ასორტიმენტის პროდუქციისა (SKU) და თითოეულ ტვირთთან ინდივიდუალური წვდომისთვის.
ავტომატიზაციის პროგრამული უზრუნველყოფა: T-ONE მართვის სისტემა ჭკვიანი პროგრამული უზრუნველყოფაა, რომელიც სინქრონულად მართავს Toyota-ს AGV ტექნიკას, შეკვეთების ნაკადებს, საწყობში ტვირთის მოძრაობასა და არსებულ ინფრასტრუქტურას.
როგორ მუშაობს ეს სისტემა?
სტანდარტული თაროებისა და ავტომატური დამტვირთველების სინქრონული მუშაობა ქმნის მოქნილ სისტემას, რომელიც საწყობში ერთმანეთისგან განსხვავებულ ამოცანებს ეფექტურად უმკლავდება.
SAI125CB ავტომატური კონტრბალანსური დამტვირთველი ღია და დახურული პალეტების დასაწყობებლად გამოიყენება დაბალ და საშუალო სიმაღლეებზე (5.4 მეტრამდე). 12 მეტრამდე სიმაღლის შემთხვევაში, დამტვირთველი Toyota-ს სხვა AGV ტექნიკასთან ერთადაც მუშაობს, მაგალითად, ავტომატურ რიჩ დამტვირთველთან.
საწყობის ავტომატიზაციის ხელმისაწვდომი გზა
სტანდარტულ თაროებზე მორგებული Swarm-ის ავტომატიზებული სისტემა საიმედო გამოსავალია იმ კომპანიებისთვის, რომლებსაც სასაწყობე სივრცის მაქსიმალურად ათვისება და პროცესების ავტომატიზაცია არსებული თაროების შეცვლის გარეშე სურთ. სისტემა თავისუფლად ამუშავებს სხვადასხვა ზომისა და ტიპის პალეტებს. ეს მიდგომა განსაკუთრებით ხელსაყრელია მათთვის, ვისაც არსებულ ლოგისტიკურ პროცესებთან თავსებადი, მასშტაბირებადი მოდელი სჭირდება საწყობის ეტაპობრივი მოდერნიზაციისთვის.
პროცესები, რომლებსაც Swarm-ის სისტემა უძღვება
- მიღება და განთავსება: სისტემას ავტომატურად გადააქვს ტვირთი მიღების ზონიდან სტანდარტულ თაროებამდე ან უშუალოდ დანიშნულების წერტილებამდე.
- მარაგების შევსება: დამოუკიდებლად გადააქვს პროდუქცია თაროებიდან დაკომპლექტების ზონებში.
- მზა პროდუქციის დასაწყობება: უნაკლოდ ათავსებს პროდუქციას საწარმოო ზონიდან თაროებზე ან უშუალოდ გადაზიდვის ზონაში.
- შეკვეთების შეგროვება და გაგზავნა: თაროებიდან გამოაქვს შეკვეთილი პროდუქცია და მიაქვს გაგზავნის ზონამდე.
გაიარე კონსულტაცია ავტომატიზირებულ საწყობზე
ავტომატიზაციის სხვა საჭიროებები
რა ალტერნატივები არსებობს სხვა ავტომატიზებული საჭიროებებისთვის?
ტოიოტას ინდუსტრიული ტექნიკა, სასაწყობე ტექნიკისა და ინტრალოგისტიკის ბაზრის ლიდერი საქართველოში, გთავაზობთ სასაწყობო ავტომატიზაციის ფართო ასორტიმენტს: პალეტების SMART ჰორიზონტალური გადაზიდვითა და ავტომატიზებული ტრანსპორტით (AGV), მაღალ დონეზე ზუსტი დახარისხებისა და ავტომატიზებული შენახვა-ძიების სისტემების (ASRS) ჩათვლით.
თუ საწყობში ავტომატიზაციას ნერგავ
ჩვენ გთავაზობთ ავტომატიზაციას, როგორც კონსულტაციასა და სერვისს. აღმოაჩინეთ ავტომატიზაციის უპირატესობები წინასწარი ინვესტიციების გარეშე, Swarm Automation GO-ს დახმარებით.